وڭتۇستىك كورەيا باستاماسى ناتيجەلى اياقتالدى

وڭتۇستىك كورەيا مەن كحدر اراسىنداعى جوعارى دەڭگەيدە وتكەن كەلىسسوزدەر ناتيجەسىندە ەكىجاق 1950-1953 جىلدارى ورىن العان كورەي سوعىسى كەزىندە ءبىر-بىرىنەن كوز جازىپ قالعان وتباسىلاردى كەزدەستىرۋ شاراسىن 20-25 اقپاندا وتكىزۋگە شەشىم قابىلدادى. بۇل تۋرالى يتار-تاسس حابارلادى. تاراپتاردىڭ مۇنداي شەشىمگە كەلگەنى جونىندە سەۋل دەلەگاتسياسىن باسقارعان وڭتۇستىك كورەيا پرەزيدەنتى جانىنداعى ۇلتتىق قاۋىپسىزدىك باسقارماسى باسشىسىنىڭ ورىنباسارى كيم گيۋ حيون مالىمدەدى. ونىڭ ويىنشا, بۇل قادام ەكىجاقتى قارىم-قاتىناستى جاقسارتۋعا سەپتىگىن تيگىزەدى. كحدر مەن وڭتۇستىك كورەيا ءبىر-بىرىنە دەگەن ارانداتۋشىلىق ارەكەتتەردى توقتاتىپ, ەكى ەل اراسىنداعى سەنىمدى نىعايتۋعا نيەت ءبىلدىردى. سونىمەن قاتار, تاراپتار الداعى ۋاقىتتا دا جوعارى دەڭگەيدە كەلىسسوز وتكىزۋگە شەشىم قابىلدادى. ايدار ورىسباەۆ. دەرەككوز: Itar-tass.com. فوتو: Zn.ua.