كولىكتى باقىلاۋ كۇن تارتىبىندە

تاياۋدا استانادا كولىكتى باقىلاۋ كۇنى ءوتتى. ونى «KAZLOGISTICS» كولىك وداعى مەن كولىك جانە كوممۋنيكاتسيالار مينيسترلىگىنىڭ كولىكتىك باقىلاۋ كوميتەتى ۇيىمداستىردى. شارا بارىسىندا بيزنەس قۇرىلىمعا, اۆتوموبيل سالاسىنداعى قاۋىمداستىقتار مەن مەكەمەلەرگە ارنالعان ءدوڭ­گەلەك ۇستەل وتىرىسى وتكى­زىل­دى. سونداي-اق, «احۋال ورتا­لى­عىنىڭ»  تۇساۋكەسەر ءراسىمى بولدى. وعان كولىك جانە كوممۋنيكاتسيالار ۆيتسە-ءمينيسترى ا. بەكتۇروۆ, «قتج» ۇك» اق,  ۇكپ, قازاتو قاۋىم­داس­تىعى, اۆتوكولىك سالاسى مەن باسقا دا مەكەمەلەردىڭ وكىل­دەرى قاتىستى. وندا كولىكتىك باقىلاۋ كوميتەتىنىڭ 2014 جىل­عا جاسالعان جوسپارلارى مەن سالانىڭ وزەكتى ماسەلەلەرى تالقىلاندى. وتىرىستا  لوگيستيكالىق احۋالدى جاقسارتۋ تۇرعىسىن­داعى فيزيكالىق كەدەرگىلەردى بولدىرماۋدىڭ بىرلەسكەن جو­با­سى جانە كولىكتىك باقى­لاۋ­دىڭ ستاتسيونارلىق بەكەت­تە­رىنە مونيتورينگتىك باقىلاۋ ورناتۋ جايى قارال­دى.  مۇنىمەن بىرگە, اۆتوماتتاندىرىلعان ارنايى ولشەم قۇرالىنىڭ جۇيەسى, اۆتوموبيل كولىگىمەن جولاۋشىلار جانە جۇك تاسىمالداۋدى مونيتورينگتىك باقىلاۋ مەن كىشى باقىلاۋ جەلىسى, كولىكتىك مونيتورينگتىك باقىلاۋدىڭ GPS جىلجىمالى بەكەتى, «تەحنيكالىق باقىلاۋ» ءبىر­ىڭ­­عاي اقپاراتتىق جۇيەسى, جول تەحنيكاسى جۇمىسىنا مو­نيتورينگ جاساۋدىڭ, ا-1 تراسساسىنداعى «استانا – كوك­شەتاۋ» اقپاراتتىق اۋا رايىن باقىلاۋدىڭ, سون­داي-اق, كەدەن وداعى سىرتقى شەكارالىق جۇيەسىن بۇزعاندىعى تۋرالى اۆتوكو­لىك قۇرالدارى يەلەرىن قۇلاقتاندىرۋ جەلىسىنىڭ جۇ­مىسى ساراپتالدى. حالىقارالىق جولداردا اۆتوكولىكپەن جۇك نەمەسە جولاۋشى تاسىمالداۋدا  شەتەلدەردىڭ رۇقسات ەتۋ ەرەجەسىن ساقتاۋ كەرەك. وسى ماقساتتا كولىكتىك باقىلاۋ كوميتەتى كولىكتىك باقىلاۋ ورناتۋدىڭ ءتيىمدى تۇستارىن ۇسىندى. ماسەلەن, اۆتوماتتاندىرىلعان ارنايى ولشەم قۇرالى, سونداي-اق, كولىكتىك باقىلاۋدىڭ ستاتسيونارلىق بەكەتتەرىن كەزەڭ-كەزەڭىمەن ازايتۋ, حا­لىقارالىق اۆتوكولىك تا­سى­مالىنداعى رۇقسات ەتۋ ءجۇ­يە­سىنىڭ ەرەجەسىنە وزگە­رىستەر مەن تولىقتىرۋلار ەنگىزۋ, با­قىلاۋدى كۇشەيتۋ, ەلىمىزدىڭ شەكارالىق قىزمەتى مەن كەدەن ورگاندارىنىڭ شەتەل­دىك اۆتوكولىكتەرىنىڭ ءجۇرىسىن قاداعالاۋداعى اقپارات الماسۋى ساراپشى مامانداردىڭ تالقىسىنا ءتۇستى. قازاقستاندا ترانسقۇر­لىقتىق باعىتتاردا مۋلتي­مودالدىق تاسىمالداۋدىڭ كولەمى ارتىپ كەلەدى. وسىعان بايلانىستى ءوزارا ىسكەرلىك ىقپالداستىقتى دامىتۋ كوز­دە­لىپ وتىر. ناتيجەسىندە كولىكتىك باقىلاۋ كوميتەتى مەن «KAZLOGISTICS» كو­لىك وداعى اراسىندا مەمو­راندۋمعا قول قويىلادى. قايسار ءجۇسىپ.