وبلىستىق شتاب قۇرىلىپ, جۇمىسقا كىرىستى

جامبىل وبلىسىنىڭ اكىمى كارىم كوكىرەكباەۆ سەلەكتورلىق كەڭەس بارىسىندا اقش دوللارىنا قاتىستى تەڭگە باعامىنىڭ وزگەرۋىنە بايلانىس­تى مەملەكەتتىك مەكەمەلەردىڭ باسشىلارىنا ازىق-ت ۇلىك تاۋارلارىنىڭ باعاسىن قادا­عالاۋدى قاتاڭ تۇردە تاپسىردى. سوعان وراي, وبلىستىق شتاب قۇ­رىلىپ, ءوز جۇمىسىن باستادى. اتالعان شتاب نەگىزگى ازىق-ت ۇلىك تاۋارلارى, جانار-جاعار­ماي, ءدارى-دارمەكتىڭ باعاسىن قا­تاڭ قاداعالايتىن بولادى. سو­نىمەن قاتار, اقشا ايىرباستاۋ پۋنكتتەرىندە الىپساتارلىق ارەكەتتەردى بولدىرماۋ ماقساتىندا ارنايى جۇمىس جۇرگىزەدى. مۇنداي شتابتار وبلىستىڭ بارلىق اۋداندارىندا جۇمىس ىستەمەك. وبلىس اكىمىنىڭ تاپسىرماسىنا سايكەس قۇرىلعان شتابتىڭ جۇمىسىن باقىلاۋ وبلىس اكىمىنىڭ ءبىرىنشى ورىنباسارى بەكبولات ورىنبەكوۆكە تاپسىرىلدى. سونىمەن بىرگە, وبلىس اكىمىنىڭ ورىنباسارى عالي ەسقاليەۆكە جانار-جاعارماي باعاسىن باقىلاۋ, وبلىس اكىمىنىڭ ورىنباسارى ەرقانات مانجۋوۆقا ءدارى-دارمەك باعالارىن باقىلاۋمەن قاتار, اقشا ايىرباستاۋ پۋنكتتەرىمەن جۇمىس جاساۋ جۇكتەلدى. وبلىس اكىمىنىڭ ءبىرىنشى ورىنباسارى بەكبولات ورىنبەكوۆتىڭ توراعالىعىمەن اتالعان ماسەلە بويىنشا تاراز قالاسى جانە اۋدان اكىمدەرىنىڭ قاتىسۋىمەن كەڭەيتىلگەن سەلەكتورلىق جينالىس بولىپ, تاعى ءبىر پىسىقتالدى. تاقىرىپ – نەگىزگى ازىق-ت ۇلىك تاۋار­لارىنا كۇندەلىكتى مونيتورينگ جاساپ, ايماق باسشىسىنا اقپارات بەرىپ وتىرۋ. كوسەمالى ساتتىباي ۇلى, «ەگەمەن قازاقستان». جامبىل وبلىسى.