قوعام • 15 قازان، 2021

قازاقستاندا ورتاشا جالاقى مولشەرى كوبەيدى

1852 رەت كورسەتىلدى

ۇلتتىق ستاتيستيكا بيۋروسىنىڭ مالىمەتىنشە، 2021 جىلدىڭ قىركۇيەگىندە ءبىر قىزمەتكەردىڭ ورتاشا ايلىق اتاۋلى جالاقىسى 257 030 تەڭگەنى قۇرادى، دەپ حابارلايدى Egemen.kz.

تامىز ايىندا ول 256 455 تەڭگەنى قۇراعان.

«بۇل رەتتە حالىقتىڭ جان باسىنا شاققانداعى ورتاشا اتاۋلى اقشالاي تابىستارى باعالاۋ بويىنشا 2021 جىلعى تامىزدا 130 590 تەڭگەنى (الدىن الا دەرەكتەر) قۇرادى، بۇل 2020 جىلعى تامىزعا قاراعاندا 15،3%-عا جوعارى، ناقتى اقشالاي كىرىستەر كورسەتىلگەن كەزەڭدە 6،1%-عا ۇلعايدى»، دەپ جازادى ستاتيستيكا بيۋروسى.

2021 جىلدىڭ قىركۇيەگىندە جۇمىسسىزدار سانى 451،6 مىڭ ادامدى قۇرادى. جۇمىسسىزدىق دەڭگەيى جۇمىس كۇشىنە 4،9%-دى قۇرادى.

قىركۇيەك ايىنىڭ سوڭىندا جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 210،1 مىڭ ادامدى نەمەسە جۇمىس كۇشىنە 2،3%-دى قۇرادى.

سوڭعى جاڭالىقتار

ۇقساس جاڭالىقتار