الايدا ءوزىمىز ارمانداعانداي جاڭا ءۇي, جايلى باسپانا – قاشان دا باستى ماسەلە بولىپ قالا بەرمەك. ءۇيلى بولۋدىڭ جولىندا الاياقتارعا الدانباي, سەنىمدى دەرەككوزدەرىنە سۇيەنۋ, بىلىكتى مامانداردىڭ جەدەل كەڭەسى, جاڭىلمايتىن تاڭداۋ جاساۋ جولدارىن قاراستىرۋ قاشان دا وزەكتى.
ەگەر وسى ىزدەگەنىڭىزدىڭ بارلىعى ءبىر جەردەن تابىلىپ جاتسا, ءىستىڭ وڭعارىلعانى دەپ ءبىلىڭىز. ويتكەنى جىلجىمايتىن نارىق سالاسىندا ءتۇرلى كەلەڭسىز وقيعالارعا, قىمبات نەسيەلەرگە ۇرىنىپ, ءتىپتى قايعىلى جاعدايلار ورىن الىپ جاتاتىنىن جوققا شىعارماۋ كەرەك. سوندىقتان جىلجىمايتىن مۇلىك نارىعىندا تاعى دا العا جىلجىپ, وزىق تەحنولوگيالارعا سۇيەنگەن وڭتايلى شەشىمدەر جاساۋ قاجەتتىگى كورىنىپ وتىر. ماسەلەن, قازىرگى تاڭدا قازاقستاندىق بانكتەر ءارى تۇتىنۋشى رەتىندەگى كليەنتتەرىنىڭ ومىرىندە شەشۋشى ءرول اتقارۋ ءۇشىن بىرتىندەپ ماركەتپلەيستەرگە اينالىپ, وزدەرىنىڭ ەكوجۇيەلەرىن جەتىلدىرۋگە ۇمتىلۋدا.
ءوز كەزەگىندە وتباسى بانك جىلجىمايتىن م ۇلىكتى ساتىپ الۋ مەن ساتۋعا ارنالعان ماركەتپلەيستى ىسكە قوستى. ەندى ءۇي تاڭداپ, ونلاين-نەسيە راسىمدەۋ ءۇشىن بۇرىنعىداي بانكتىڭ تابالدىرىعىن توزدىرۋدىڭ قاجەتى جوق. بۇل پورتال مەملەكەتتىك تۇرعىن ءۇي باعدارلامالارى ارقىلى نەمەسە كوممەرتسيالىق نارىقتان باسپانا العىسى كەلەتىن بانك كليەنتتەرىنە قولجەتىمدى.
– قازىرگى ۋاقىتتا وتباسى بانكتە باسپانا الامىن دەپ, قاراجات جيناقتاپ وتىرعان 2 ميلليوننان استام سالىمشى بار. ولاردىڭ بارلىعى جىلجىمايتىن م ۇلىك نارىعىنداعى الەۋەتتى ساتىپ الۋشىلار. سالىمشىلارىمىزدىڭ ىڭعايلىعى مەن ۋاقىتتارىن ۇنەمدەۋ ءۇشىن ءبىز ءۇيدى ءبىر جەردەن تاڭداپ, ءتىپتى سول ارادا ونلاين يپوتەكا راسىمدەۋگە مۇمكىندىك بەرەتىن ماركەتپلەيستى ىسكە قوستىق. بۇل تسيفرلى قىزمەت پەن قاراپايىم ادامگەرشىلىكتىڭ ۇشتاسۋى. سەبەبى كوپ جاعدايدا قازاقستاندىقتار يپوتەكانى ومىرىندە ءبىر رەت قانا الاتىندىقتان, بۇل پروتسەستى تولىقتاي تسيفرلاندىرۋعا بولمايدى دەپ ەسەپتەيمىز. ءبىزدىڭ كليەنتتەرگە كەڭەسشىنىڭ قولداۋى مەن ءىسىن جەكە الىپ ءجۇرۋى قاجەت. ەندى Baspana market-تەگى ونلاين يپوتەكانىڭ كومەگىمەن 10 مىڭعا جۋىق نەسيە بەرۋدى جوسپارلاپ وتىرمىز, – دەيدى «وتباسى بانك» اق باسقارما ءتورايىمى ءلاززات يبراگيموۆا.
الداعى ۋاقىتتا تالاي ادامدى قونىس تويعا جەتەلەيتىن وسىنداي ايتۋلى وقيعانىڭ تۇساۋكەسەرى الدىمەن الماتىدا ءوتىپ, وعان بانك باسشىلارى, باق وكىلدەرى, قۇرىلىس كومپانيالارىنىڭ جەتەكشىلەرى قاتىسىپ, جاڭا ماركەتپلەيستىڭ قولىنان نە كەلەتىنىن كوردى. مۇنداي باسقوسۋلاردىڭ بەرەرى كوپ, جۇرت تۇسىنبەگەنىن سۇرايدى, ۇسىنىس-كەڭەستەر ايتىلىپ جاتادى.
قىسقاسى, جاڭا قىزمەت Baspana market دەپ اتالادى. بۇل – وتانداستارىمىز مەملەكەتتىك باعدارلامالارعا قاتىسۋعا ءوتىنىم بەرە وتىرىپ, وتباسى بانكىنىڭ («بايتەرەك» حولدينگىنىڭ ەنشىلەس ۇيىمى) مەنشىكتى باعدارلامالارى اياسىندا قۇرىلىس سالۋشىلاردان قولايلى باسپانا تاڭداي الاتىن, سونداي-اق ەكىنشى نارىقتان پاتەر ساتىپ الۋعا مۇمكىندىك بەرەتىن ەلىمىزدەگى بىرەگەي پورتال.
Baspana market-ءتىڭ كومەگىمەن قولدانۋشى نىساننىڭ تولىق سيپاتتاماسىن, قولجەتىمدى پاتەرلەر سانىن, قۇنى مەن بولمەلەردىڭ ورنالاسۋ جوباسىن ەگجەي-تەگجەيلى انىقتاپ كورە الادى. جاڭا تسيفرلى پلاتفورمادا لايىقتى ءۇيدى تاپقاننان كەيىن, ونى سول جەردە برونداپ, جەكە كابينەتتە ساتىپ الۋ بارىسىن باقىلاۋعا بولادى.
ەگەر قولدانۋشى جاڭا ءۇي الۋدى كوزدەسە, اتالعان پلاتفورما ارقىلى قۇرىلىس سالۋشىدان كەڭەس الۋ ءۇشىن ونلاين-ءوتىنىم جولداي الادى. ال تاڭداعانى – ەكىنشى نارىقتاعى باسپانا بولسا, اتالعان م ۇلىكتى وتباسى بانكىنەن نەسيە الۋ ءۇشىن كەپىلزات رەتىندە ۇسىنۋعا قانشالىقتى جارامدى ەكەنىن بىردەن كورەدى.
Baspana market سونداي-اق قۇرىلىس سالۋشىلار ءۇشىن وتباسى بانكىمەن ءوزارا قارىم-قاتىناس ورناتۋعا ىڭعايلى تسيفرلى الاڭعا اينالماق. بۇل جەردە قاجەتتى قۇجاتتاردى تىركەپ, بانكپەن ىنتىماقتاستىق جونىندە ەلەكتروندى ءوتىنىم جولداپ, وتباسى بانكىنىڭ كەڭ اۋديتورياسىنا قۇرىلىس سالۋشىلار ءوز پاتەرلەرىن ساتۋعا شىعارسا بولادى.
ونلاين يپوتەكا – سىناق رەجىمىندە جۇمىس ىستەپ تۇرعان قاناتقاقتى جوبا. ول كوممەرتسيالىق نارىقتان جاڭا نەمەسە قولدانىستا بولعان تۇرعىن ءۇي ساتىپ العىسى كەلەتىن بانك كليەنتتەرىنە قولجەتىمدى بولادى. قازىر ءدال وسىنداي نەسيە ءتۇرىن راسىمدەۋ ءۇشىن بانك بولىمشەسىنە قايتا-قايتا بارۋدىڭ قاجەتى جوق. ونلاين يپوتەكا اشىلسا, نەسيەلىك كەلىسىمگە قول قويۋ ساتىسىندا بانككە 2 رەت قانا كەلەدى.
قىزمەتتىڭ جاڭا ءتۇرىن Baspana market-تە ورنالاسقان جەكە كابينەت ارقىلى پايدالانۋعا بولادى. ول جەردە الەۋەتتى قارىز الۋشى ساتىپ الۋ-ساتۋ كەلىسىمى اياقتالعانعا دەيىن وزىنە جەكە تاعايىندالاتىن بەينە-كەڭەسشىمەن بايلانىسا الاتىن مۇمكىندىك جاسالعان. كەڭەسشى الدىن الا ەسەپ جۇرگىزىپ, قۇجاتتار ءتىزىمىن ايتىپ, نەسيە سوماسىنىڭ الدىن الا ماقۇلدانعان كولەمى جونىندە اقپارات بەرە الادى. ءارى قاراي, كليەنت وزىنە ۇنامدى باسپانا تاۋىپ, ونى باعالاتادى. م ۇلىكتى باعالاۋ قۇجاتتارى دايىن بولعان كەزدە, بەينەبايلانىس وپەراتورى نەسيەلىك ءوتىنىمدى تولتىرۋعا كومەكتەسىپ, كليەنتكە ونىڭ جاعدايى تۋرالى حابارلايدى. ەگەر بانك وڭ شەشىم شىعارسا, وپەراتور ساتىپ الۋ-ساتۋ كەلىسىمىن راسىمدەۋ ءۇشىن نوتاريۋسقا باراتىن ىڭعايلى ۋاقىتتى برونداۋعا كومەكتەسەدى.
وسى پروتسەستەن كەيىن عانا بولاشاق قارىز الۋشى قۇقىق بەلگىلەيتىن قۇجاتتاردى ۇسىنۋ ءۇشىن الدىمەن بانك فيليالىنا, كەيىن نەسيەلىك كەلىسىم مەن ونى وتەۋ كەستەسىنە قول قويۋى ءۇشىن بانك بولىمشەسىنە بارادى.
باسپانا بازارى
«ماركەتپلەيس – تىكەلەي «نارىقتىق الاڭ» دەپ اۋدارىلادى. بىزدەر وسى نارىقتىڭ بارلىق مۇددەلى تاراپتارى, ياعني بارلىق قاتىسۋشىلارى كەزدەسە الاتىن پلاتفورما قۇردىق. ماركەتپلەيس دەگەندى بىلاي تۇسىنەمىز: جىلجىمايتىن م ۇلىك يەلەرى بولسىن, قۇرىلىس كومپانيالارى بولسىن, ءبىز باسپانا ساتۋ جونىندەگى بارلىق ۇسىنىستاردى جيناقتايمىز», دەيدى بۇل باستاما تۋرالى وتباسى بانكتىڭ ساتۋ جانە ايماقتىق دامۋ جونىندەگى دەپارتامەنتىنىڭ ديرەكتورى راحيليا بالتاباەۆا.
قالاي دەسەك تە, ءبىر پورتالدان سالىنىپ جاتقان ءۇيدى, جوباسىن, پاتەرلەر سانىن تۇگەل كورۋ, باعاسىن جانە بانك مەنەدجەرلەرى ارقىلى وعان قالاي قول جەتكىزۋگە بولاتىنىن ءبىلىپ وتىرۋ قولايلى. ەڭ باستىسى, ماركەتپلەيستەگى بارلىق جىلجىمايتىن م ۇلىك تۋرالى اقپاراتتار, ساتۋشىلار, ءتىپتى ساتىپ الۋعا ۇمتىلعاندار تۋرالى بارلىق دەرەكتەر تەكسەرىلىپ وتىرادى. بۇل كليەنت قاۋىپسىزدىگى ءۇشىن قاجەت.
ء«بىز قازاقستاننىڭ يپوتەكالىق نارىعىنداعى جەتەكشى بانكپىز. جىل باسىنان بەرى نەسيەلىك ونىمدەرىمىزدىڭ ناتيجەسىندە 58 800 ادامنىڭ قونىس تويىنا جەتۋىنە كومەكتەستىك. بۇل – نارىقتىڭ 62%-ى. ءدال قازىرگى تاڭدا بانكتىڭ ەكى ميلليوننان استام سالىمشىسى بار. قازىر ولار بولاشاقتاعى باسپانالارىن الۋ ءۇشىن قاراجات جيناقتاپ جاتىر. جانە ولاردىڭ بارلىعى دا – جىلجىمايتىن م ۇلىك
نارىعىنىڭ الەۋەتتى ساتىپ الۋشىلارى بولعاندىقتان, وسى ازاماتتارعا ارناپ ىڭعايلى ونلاين-الاڭ قۇردىق. ءبىرىنشى كەزەكتە Baspana market ارقىلى «نۇرلى جەر» مەملەكەتتىك باعدارلاماسى ءۇشىن سالىنىپ جاتقان ۇيلەر ۇسىنىلادى. ونىڭ باعاسى نارىقتاعى باعادان 40% ارزان. بۇل جەردەن كەزەكتە تۇرعاندار ءۇيدى, بولمەلەردىڭ قالاي جوبالانعانىن, اۋدانىن, سالىنىپ جاتقان نىساننىڭ ورنىن كورىپ, مەملەكەتتىك باعدارلاما ارقىلى باسپانالى بولۋ ءۇشىن ونلاين-ءوتىنىش بەرە الادى», دەيدى «وتباسى بانك» اق باسقارما ءتورايىمى ل.يبراگيموۆا.
دەگەنمەن جەكەمەنشىك شارشى مەترلەرى بار, الايدا ونى كەڭەيتۋدى كوزدەپ جۇرگەندەر دە از ەمەس. بالالار وسەدى, كەلىمدى-كەتىمدى قوناق كوبەيەدى دەگەندەي, جاقسى, جوعارى ساناتتاعى پاتەرلەرگە كوشكىسى كەلەتىن ادامدار بار, بارلىعىنا مارحابات. بۇل ساناتتاعىلار دا وزدەرىنە قولايلى ۇسىنىستاردى قاراستىرىپ, ىزدەگەنىن تابا الادى.
ء«بىز بارلىق ازاماتتىڭ سۇرانىستارىن قاراستىردىق. سوندىقتان ماركەتپلەيستەن جايلىلىعى جوعارى, ياعني كومفورت-كلاستاعى تۇرعىن ۇيلەردى دە تابۋعا بولادى. سول سياقتى پورتالدان ەكىنشى نارىقتاعى پاتەرلەردى تابا الاسىز. وسىلايشا, ءبىز ءۇيىن جاڭارتۋعا شەشىم قابىلداعان قازاقستاندىقتاردىڭ مۇمكىندىكتەرىن بارىنشا كەڭەيتتىك», دەيدى ل.يبراگيموۆا.
ەگەر پلاتفورما قولدانۋشىسى جاڭادان سالىنعان ءۇي العىسى كەلسە, وندا قۇرىلىس كومپانياسىنىڭ وزىنەن كەڭەس الۋعا ونلاين-ءوتىنىش بەرە الادى. ال قايتالاما نارىقتاعى باسپانانى كليەنت وتباسى بانك ارقىلى كەپىلدىككە قويۋعا جارايتىنىن بىردەن كورە الادى.
– بۇل – جەكە كابينەتىندە باستاپقى نارىقتا بولسىن, مەيلى ەكىنشى رەت ساتىلىمعا شىققان ءۇي بولسىن, كەز كەلگەن ساتۋشى ءوزىنىڭ حابارلاندىرۋىن ورنالاستىرا الاتىن جانە بارلىق جەكە تۇلعا وزىنە ۇناعان نىساندى تاڭداۋعا شەشىم قابىلداي الاتىن جاڭا پورتال. سونداي-اق پورتالدى پايدالانۋشىلار قالاعان نىسانىنا نەسيە ءوتىنىمىن بەرە الادى. ەگەر ءۇي ساتىپ الۋعا شاماسى بار كليەنتكە قۇرىلىس كومپانياسىنان تاعى دا قوسىمشا اقپاراتتار قاجەت بولسا, وندا بىزدە ولارمەن بايلانىستىراتىن بايلانىس تۇيمەسى بار, سول ارقىلى كومپانيا بارلىق مالىمەتتى ۇسىنادى. ەگەر ادامدار ءبىزدىڭ بانكتىڭ يپوتەكاسىمەن ءۇي الۋعا شەشىم قابىلداسا, وندا بەينە-سەرۆيس قىزمەتى ارقىلى تىكەلەي كەڭەس الا الادى, – دەيدى ر.بالتاباەۆا.
دەگەنمەن وسىنىڭ بارلىعى كليەنتتەرگە ىڭعايلى بولعانىمەن, قۇرىلىس كومپانيالارىنا قولايلى ما؟
ماسەلەن, پورتال ىسكە قوسىلعاندا قۇرىلىس كومپانيالارىنا سول كۇننەن-اق جارناما, حابارلاندىرۋلارىن جاريالاۋعا مۇمكىندىك بەرىلگەن بولاتىن. قازىردىڭ وزىندە وسى تەتىك ارقىلى ەلىمىزدىڭ ءار وڭىرىنەن 11 قۇرىلىس نىسانى ساۋداعا شىعارىلعان.
كليەنت قالاعان ءۇيىن تاڭداعاننان كەيىن Baspana market ارقىلى سول ارادا زاەم راسىمدەۋگە ونلاين ءوتىنىش بەرە الادى. مۇنى وتباسى بانكتىڭ باسشىسى ل.يبراگيموۆا بىلاي ءتۇسىندىردى: ء«وتىنىش تۇسە سالىسىمەن ءبىزدىڭ كەڭەسشى الەۋەتتى كليەنتپەن بىردەن بايلانىسقا شىعىپ, بانك ونىمدەرى جايلى ەگجەي-تەگجەيلى تۇسىندىرەدى, تولەمدەرىن ەسەپتەپ, نەسيەنى جابۋدىڭ كەستەسىن كورسەتەدى. ادامدار سول ارادا پاتەر تولەمدەرىمەن تانىسىپ, قارىزدى قالاي جابا الاتىنىن الدىن الا باعامداپ الادى. ءبىر جاعىنان بۇل ءاربىر كليەنت ءۇشىن ءوزىنىڭ تولەم قابىلەتى قانشالىقتى ەكەنىن ونلاين باعالاپ الۋدىڭ دا مۇمكىندىگى».
ء بىر كۇندە ورىندالاتىن ارمان
قالاي دەسەك تە, ءۇيلى بولعىسى كەلەتىندەردىڭ جۇيكەسىن ساقتاپ, ۋاقىتىن ايتارلىقتاي ۇنەمدەيتىن جاڭا پلاتفورما ەلىمىزدەگى بارلىق قۇرىلىس كومپانيالارىن دا قىزىقتىرىپ وتىر. ولار ءۇشىن ماركەتپلەيستىڭ پايداسى قانشالىقتى ەكەنىن بايانداپ جاتۋدىڭ ءوزى ابەس. سوندىقتان Baspana market تۇساۋكەسەرى قازاقستاننىڭ بارلىق وڭىردەگى قۇرىلىس كومپانيالارى وكىلدەرىنىڭ باسىن قوستى. ماسەلەن, ەلىمىزدەگى ءىرى قۇرىلىس كومپانياسىنىڭ ءبىرى – BI Group بىلتىر ءوزىنىڭ جىلجىمايتىن م ۇلىك ساتۋ پورتالىن ىسكە قوسقانىنا قاراماستان, اتالعان كومپانيانىڭ قارجىلىق تەحنولوگيالار باعىتىنداعى جەتەكشىسى نۇرلان وڭعارباەۆتىڭ ايتۋىنشا, وسى كومپانيانىڭ كليەنتتەرىنە يپوتەكالىق نەسيە راسىمدەۋ ءۇشىن كەيدە ءبىر ايداي ۋاقىت كەتەتىن كورىنەدى.
«ۇدايى جاڭا قۇجاتتار مەن ونىڭ سەنىمدى ەكەنىن ماقۇلداۋ تالاپ ەتىلەدى. مەندە ءبىر ارمان بار ەدى – بانكتەرمەن ىنتىماقتاسا وتىرىپ, ادامدار باسپانالى بولۋ ءۇشىن ءبىر كۇندە نەسيە راسىمدەي السا ەكەن دەپ ويلايتىنمىن. مىنە, قازىر بىزگە وتباسى بانك ۇسىنىپ وتىرعان الاڭ – سول ارمانعا جاقىنداتقان تاعى ءبىر قادام. بۇل ۋاقىت وتە كەلە يپوتەكالىق سسۋدانى ءبىر كۇندە, قاشىقتان وتىرىپ, راسىمدەي بەرۋگە بولاتىن وتە مىقتى ءونىم بولادى», دەيدى قۇرىلىس كومپانياسىنىڭ وكىلى.
«ونىڭ ۇستىنە قازىرگىدەي جاعدايدا ونلاين-پلاتفورما قۇرا وتىرىپ, كليەنتتەرىمىزدىڭ دەنساۋلىعىن ساقتاۋ دا اسا ماڭىزدى. كليەنت ماركەتپلەيسكە ۇيىندە وتىرىپ-اق كىرىپ, بارلىق نىسانمەن تانىسىپ, تۇسىنبەگەن, تاعى دا بىلگىسى كەلگەن سۇراقتارىن قاشىقتان قويا الادى. بەينەبايلانىس ارقىلى جۇزەگە اساتىن ونلاين-يپوتەكانىڭ ءوزىمىزدى ساقتاۋعا سەپتىگى وراسان. بۇل قىزمەت كليەنتكە بارلىق پروتسەسس اياقتالعاننان كەيىن قۇجاتتارىن تاپسىرۋعا, قولىن قويۋعا عانا كەلۋگە مۇمكىندىك بەرەدى», دەيدى «وتباسى بانك» اق باسقارما ءتورايىمى ل.يبراگيموۆا.
قالاي دەسەك تە, مۇنداي بىرىكتىرىلگەن جۇمىس, ياعني وڭتايلاندىرىلعان قىزمەت تۇرعىن ءۇيدى تاڭداۋدان باستاپ, ونى ءوز اتىنا راسىمدەگەنگە دەيىنگى تالاي قارجىلىق وپەراتسيالاردى جەڭىلدەتەدى.
ورايى كەلىپ تۇرعاندا توقتالا كەتۋ كەرەك, قازىر BI Group پەن وتباسى بانك «ايناداي سورەلەر» سەرۆيسىن جاساقتاپ وتىر.
«Baspana market سايتىندا ءبىزدىڭ ساتۋعا شىعارىلعان بارلىق نىساندارىمىز قويىلعان سورە بولادى. سول سياقتى ءبىزدىڭ سايتتان دا ازاماتتار وتباسى بانك ۇسىنعان بارلىق قارجىلىق ونىمدەرمەن تانىسىپ, نەسيە الۋ ءۇشىن وسى بانكتى تاڭداي الادى», دەيدى BI Group كومپانياسىنىڭ قارجىلىق تەحنولوگيالار جونىندەگى جەتەكشىسى ن.وڭعارباەۆ.
راسىندا, قۇرىلىس كومپانيالارى دا, ادامدار دا ءدال وسى ساتتەردە Baspana market ارقىلى ءۇيىن ساتىلىمعا شىعارىپ, حابارلاندىرۋلارىن جاريالاي الادى. قازىر ءاربىر ادامنىڭ قولىندا ينتەرنەتى, عالامتورعا جالعانعان سمارتفونى بار. ال Baspana market-ءتىڭ ارتىقشىلىعى, قاراپايىم تىلمەن ايتقاندا, كادىمگى بايلانىس قۇرالدارى ارقىلى بايلانىسقا شىعۋعا بولادى. جىلجىمايتىن م ۇلىك تۋرالى بارلىق اقپارات بار. ۇسىنىستار سەنىمدى. مەملەكەتتىك باعدارلامالار ارقىلى دا ءۇيلى بولۋ جولدارى قاراستىرىلعان. تۇرعىن ءۇيدى قاشىقتان نەسيەگە ساتىپ الۋعا بولادى.
«پورتال جازدىڭ باسىندا قوسىلسا, قازىر كۇنىنە سايتقا 5 مىڭداي ادام كىرەدى. تۇرعىن ءۇيدى برونداۋعا كليەنتتەردەن
7 مىڭنان استام ءوتىنىش تىركەلدى. وتىنىشتەر مەن ۇسىنىستار ەلىمىزدىڭ بارلىق وڭىرىنەن ءتۇسىپ جاتىر. سوندىقتان جىلجىمايتىن م ۇلىككە سۇرانىس جەتكىلىكتى», دەيدى وتباسى بانكتىڭ ساتۋ جانە ايماقتىق دامۋ جونىندەگى دەپارتامەنتىنىڭ ديرەكتورى ر.بالتاباەۆا.
تسيفرلى يپوتەكا دەگەنىمىز – وسى
ەلدىڭ ەسىندە بولسا, بىرنەشە جىل بۇرىن وتباسى بانك تسيفرلى تەحنولوگيالارعا ينۆەستيتسيا سالاتىندىعى جونىندەگى جوسپارىن مالىمدەگەن ەدى. سودان بەرى بانكتىڭ تسيفرلى فورماتتاعى قىزمەت تۇرلەرىن ۇسىناتىن ءىت-ءبولىمى جۇمىسىن تۇراقتى اتقارىپ وتىر. قازىر بەينەسەرۆيس پەن بيومەتريا تەحنولوگيالارىن پايدالانۋعا بولادى. جۋىردا جەكە تۇلعالار ءۇشىن جىلجىمايتىن م ۇلىككە كەپىلدىك كەلىسىمشارتىن تىركەيتىن Blockchain تەحنولوگياسى ەنگىزىلدى. ەندى يپوتەكا راسىمدەيتىن وتانداستارىمىز otbasybank.kz پورتالىنىڭ جەكە كابينەتىندە كەپىلدىك شارتتارىمەن تانىسىپ, ەتسق كومەگىمەن قولىن قويا الادى.
«قازىردىڭ وزىندە 200-دەن استام قازاقستاندىق ەلەكتروندى تسيفرلى قولتاڭبانىڭ كومەگىمەن وزدەرىنىڭ كەپىلدىكتەرىن جاڭا پورتالدا تىركەي الدى. ءبىز ءۇشىن قاشان دا جانە الداعى ۋاقىتتا دا بانك قىزمەتتەرىن ۇسىنۋدا ەلەكتروندى قىزمەتتەردىڭ ىڭعايلىلىعى, جەدەلدىگىن كوتەرۋ مەن ديستانتسيالىق كانالداردى دامىتۋ ماڭىزدى بولىپ قالا بەرمەك. ال جاڭا تەحنولوگيالار كليەنتتەردىڭ ۋاقىتىن ايتارلىقتاي ۇنەمدەپ قانا قويماي, بانكتىڭ شىعىندارىن دا ازايتادى. Baspana market – اياقتالماعان ستاتيكالىق جوبا: ماركەتپلەيس فۋنكتسياسى ۇدايى ساپالى قىزمەتتەرمەن جەتىلدىرىلىپ وتىرادى. دەمەك, Baspana market – بۇل تسيفرلى الەمدەگى ءالى دە دامي بەرەتىن قارجىلىق ورگانيزم ەكەندىگىن اتاپ وتكىم كەلەدى», دەدى وتباسى بانكتىڭ جەتەكشىسى ءلاززات ەركىنقىزى.
مۇنىڭ بارلىعى بىزگە نەسىمەن ءتيىمدى؟ ەڭ باستى ۇتاتىنىمىز – ۋاقىت.
