بيۋدجەتكە سالىق بولىپ ورالادى

كوپتەگەن ەلدەر ۇلتتىق ۆاليۋتا باعامىن وزگەرتۋگە كاسىپكەرلىكتىڭ وڭ دامۋى جانە عالامدىق كوبىكتەن كاسىپكەرلىكتى قورعاۋ ءۇشىن باراتىنىن بايقايمىز. ال قازاقستان ەكونوميكاسىنىڭ نەگىزگى بولىگىن شيكىزات قۇرايدى. ءبىز ۇلتتىق ۆاليۋتامىزدى ۇزاق ۋاقىت بويى تۇراقتى ۇستاپ كەلدىك. اتالعان جاعدايدىڭ شيكىزاتتىق كاسىپورىندار ءۇشىن تيىمدىلىگى از. ءبىز ءوزىمىز وندىرەتىن مەتالل باعامىنىڭ كۇننەن-كۇنگە قۇلاپ بارا جاتقانىن ايقىن ءتۇسىنۋىمىز ءتيىس. «قازتسينك» تابىسىنىڭ 60 پايىزىن التىن قۇرايدى. ءبىر جىل بۇرىن التىن 1600 دوللار تۇرسا, بۇگىندە 1075 دوللارعا باعالانىپ وتىر. وسىعان وراي شىعىندار ەسەلەپ ءوستى. شىعىننىڭ كوبى قازاقستاننىڭ ىشكى جاعدايىندا ورىن الدى. الايدا, تەڭگە باعامىنا وزگەرىس ەنگىزگەن سوڭ ىشكى شىعىندار قولجەتىمدى بولدى. ويتكەنى, ءبىزدىڭ ءتۇسىم دوللارمەن ەسەپتەلەدى. ايىرباستاۋ كۋرسى نەعۇرلىم جوعارى بولسا, سوعۇرلىم جوعارى تابىس تابامىز. بۇل رەتتە مەملەكەت بيۋدجەتىنە كاسىپورىن ەسەبىنەن جوعارى سالىق ءتۇسىمى تۇسەدى. ارينە, تەڭگە باعامىنىڭ وزگەرىسىنەن قورقۋدىڭ قاجەتى جوق. مەنىڭ ويىمشا, بەسجىلدىق كورسەتكىشتەر كورسەتكەندەي, اقشا باعامىنىڭ وزگەرۋىنەن الەمدە ۇرەي تۋعىزارلىقتاي ەشتەڭە بولعان جوق. مۇنى ەكونوميكانى ساۋىقتىرۋعا ارنالعان ەكپە دەۋگە بولادى. ەكونوميكامىز تۇراقتى دامۋ ۇستىندە, ال سوڭعى جاعداي ەكونوميكاعا جاڭا تىنىس, سونى لەپ بەردى. ۇكىمەت پەن ۇلتتىق بانك نەگىزگى ازىق-ت ۇلىك تۇرلەرىنە باعانىڭ ءوسىمى بولمايتىنىنا ۋادە بەرىپ وتىر. مۇنداي ساتتە تولقۋدىڭ سەبەبى جوق دەپ ويلايمىن. اندرەي لازارەۆ, «قازتسينك» جشس ۆيتسە-پرەزيدەنتى.