وسى ۋاقىت ارالىعىندا ەلىمىزدە 9 مىڭنان استام تابيعي جانە تەحنوگەندىك سيپاتتاعى توتەنشە جاعداي تىركەلدى. تجم بولىمشەلەرى 65 مىڭنان استام شاقىرتۋعا باردى. 9,5 مىڭ ادام قۇتقارىلدى, 10 مىڭ ادام ەۆاكۋاتسيالاندى, 3 مىڭنان استام ادامعا العاشقى مەديتسينالىق كومەك كورسەتىلدى.
يۋري ءيليننىڭ ايتۋىنشا, مينيسترلىك تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ ماسەلەلەرىنە كوپ كوڭىل ءبولىپ كەلەدى. مينيسترلىك ەلدى مەكەندەردى, نىسانداردى جانە جەكەلەگەن تۇرعىنداردى سەل مەن سۋ تاسقىنىنان الدىن الا قورعاۋ ماقساتىندا الماتى قالاسى مەن الماتى وبلىسىنىڭ ايۋساي, اقساي جانە قورعاس وزەندەرىندەگى توسپالار مەن بوگەتتەردىڭ قۇرىلىستارىن قارجىلاندىرادى.
كەزدەسۋ قورىتىندىسى بويىنشا مەملەكەت باسشىسى مينيسترلىككە توتەنشە جاعدايلاردىڭ سانىن ازايتۋ, قىسقى مەرزىمگە دايىندىق جۇمىستارىن جۇرگىزۋ, قار قۇرساۋىن بولدىرماۋ, سونداي-اق كوكتەمگى سۋ تاسقىنىنىڭ الدىن الۋ جونىندە بىرقاتار ناقتى مىندەت جۇكتەدى.
