جەدەلحاتتا مەملەكەت باسشىسى قاسىم-جومارت توقاەۆ فۋميو كيشيدانى جاپونيانىڭ پرەمەر-ءمينيسترى لاۋازىمىنا سايلانۋىمەن شىن جۇرەكتەن قۇتتىقتاعان.
«جاپونيانىڭ باياندى وركەندەۋىن جالعاستىرۋعا, ەلىڭىزدىڭ دۇنيەجۇزىلىك قاۋىمداستىقتاعى بەدەلىن اسقاقتاتۋعا باعىتتالعان يگى ىستەرىڭىز بەن جاڭا باستامالارىڭىز ءاردايىم تابىستى بولۋىنا تىلەكتەسپىن. قازاقستان مەن جاپونيا اراسىنداعى كەڭەيتىلگەن ستراتەگيالىق سەرىكتەستىگىمىزدى بۇگىننەن دە بيىك بەلەستەرگە كوتەرۋدى اسىل ماقسات تۇتىپ, سان قىرلى سالالارداعى ءوزارا ءتيىمدى ىنتىماقتاستىعىمىزدى ودان ءارى نىعايتۋ ءۇشىن سىزبەن كۇش-جىگەر جۇمىلدىرۋعا دايىن ەكەنىمدى راستايمىن», دەلىنگەن قۇتتىقتاۋ حاتتا.
قاسىم-جومارت توقاەۆ فۋميو كيشيداعا قاجىماس قايرات, اسا جاۋاپتى قىزمەتتە لايىم ساتتىلىك, ال دوستاس جاپون حالقىنا قۇت-بەرەكە تىلەگەن.
