قر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى قايسار بارجاقسىنوۆ Antikor اقپارات الاڭىندا ايتتى.
«سىبايلاس جەمقورلىققا قارسى قىزمەت تەرگەگەن قىلمىستىق ىستەر بويىنشا بىرقاتار ايىپتاۋ ۇكىمى شىقتى. مىسالى, 2021 جىلدىڭ 21 قىركۇيەگىندە قاراعاندى قالاسى قازىبەك بي اۋداندىق سوتىنىڭ ۇكىمىمەن الاياقتىق جاساعانى ءۇشىن كەنجەباەۆا 3 جىلعا باس بوستاندىعىنان ايىرىلدى. ونىڭ جازاسى بالاسى كامەلەت جاسىنا تولعانعا دەيىن كەيىنگە قالادى. سوتتالۋشى قىلمىس جاساعان كەزدە قاراعاندى وبلىسى بويىنشا ەكولوگيا دەپارتامەنتى باسشىسىنىڭ ورىنباسارى مىندەتىن اتقاردى», دەدى اگەنتتىكتىڭ اسا ماڭىزدى ىستەر جونىندەگى تەرگەۋشىسى.
ونىڭ ايتۋىنا قاراعاندا, ەكولوگيا دەپارتامەنتىنىڭ ەكس-وكىلى جوسپاردان تىس تەكسەرۋ بارىسىندا انىقتالعان ەكولوگيالىق زالالدى ازايتۋ سىلتاۋىمەن جاۋاپكەرشىلىگى شەكتەۋلى سەرىكتەستىڭ ديرەكتورىنان 10 ملن تەڭگە كولەمىندە پارا بوپسالاعان.
«ۇكىم زاڭدى كۇشىنە ەنگەن جوق», دەدى قايسار بارجاقسىنوۆ.
