«قر پرەزيدەنتى قاسىم-جومارت توقاەۆتىڭ جولداۋىن جۇزەگە اسىرۋ اياسىندا اقپارات جانە قوعامدىق دامۋ مينيسترلىگىندە گرانتتىق قارجىلاندىرۋ جۇيەسىن جەڭىلدەتۋ ارقىلى اۋىلداعى ازاماتتىق باستامالاردى قولداۋ تەتىگى ازىرلەنىپ جاتىر. ونىڭ قورىتىندىسى بويىنشا اۋىلدارداعى ۇەۇ اۋىلدا الەۋمەتتىك بەلسەندىلىكتى جانداندىرۋ ءۇشىن جاقسى سەرپىن الادى», دەپ حابارلادى ۆيتسە-مينيستر.
ازاماتتىق باستامالاردى قولداۋ ورتالىعىنىڭ باسقارما توراعاسى ليما دياس اۋىلدارداعى باستامالاردى قولداۋ سالاسىنداعى ورتالىقتىڭ قىزمەتى تۋرالى ەگجەي-تەگجەيلى ايتىپ بەردى. ماسەلەن, 2020 جىلى ورتالىق جەلىسى بويىنشا 14 وڭىردە اۋىلدىق باستامالاردى قولداۋ جونىندەگى جوبا ىسكە اسىرىلعان. جوبا شەڭبەرىندە وڭىرلىك ۇەۇ اتىنان 14 وپەراتور ايقىندالىپ, اۋىلدىق ۇەۇ مەن باستاماشىل توپتار ءۇشىن الەۋمەتتىك يدەيالار مەن جوبالاردى ىسكە اسىرۋ ءۇشىن 500 مىڭ تەڭگەدەن 140 شاعىن گرانت ۇسىنىلدى.
«بيىل اۋىلداردا 44 ميلليون تەڭگە سوماسىنا 92 شاعىن گرانت ىسكە اسىرىلىپ جاتىر. مىسالى, «اقتوبە وبلىسىنىڭ ۇەۇ قاۋىمداستىعى» زتب ىسكە اسىراتىن اۋىلداعى ازاماتتىق باستامالاردى دامىتۋعا باعىتتالعان ءىس-شارالار كەشەنىن ۇيىمداستىرۋ» جوباسى بويىنشا رەسپۋبليكامىزدىڭ 13 وڭىرىندە 500 مىڭ تەڭگەدەن 60 شاعىن گرانت ويناتىلدى», دەدى ل.دياس.
«اقتوبە وبلىسىنىڭ ۇكىمەتتىك ەمەس ۇيىمدار قاۋىمداستىعى» زتب توراعاسى ايگۇل دۇيسەنوۆا اۋىل تۇرعىندارى مەن اۋىلدىق ۇەۇ ءۇشىن جەرگىلىكتى جەرلەردە جۇمىس ىستەۋدىڭ ماڭىزدىلىعىن العا تارتتى. سونىڭ ارقاسىندا ولار ءوز باستامالارىنا ورتالىقتان بىلىكتى كومەك پەن قولداۋعا يە بولعان.
پىكىرتالاس الاڭىنىڭ جۇمىسىنا قاتىساتىن اۋىلدىق ۇەۇ وكىلدەرى مەن باستاماشىل توپتاردىڭ مۇشەلەرى اۋىلداعى ازاماتتىق باستامالاردى قولداۋدىڭ ازىرلەنىپ جاتقان جاڭا تەتىگى اۋىلدارجاعى ۇەۇ-نى دامىتۋعا كومەكتەسەتىنىنە سەنىم ءبىلدىردى.
ءىس-شارانىڭ قورىتىندىسى بويىنشا اقتوبە وبلىسىنىڭ ۇكىمەتتىك ەمەس ۇيىمدار قاۋىمداستىعى ازاماتتىق باستامالاردى قولداۋ ورتالىعىمەن بىرلەسىپ, جەرگىلىكتى جەرلەردە ازاماتتىق باستامالاردى قولداۋ تەتىگىن ودان ءارى جەتىلدىرۋ جونىندە اۋىلدارداعى ۇەۇ مەن باستاماشىل توپتاردىڭ وكىلدەرىنەن ۇسىنىستاردى جينايتىن بولدى.
