نەگىزگى ۇستانىم – جىلدىڭ باس قۇجاتىن جۇزەگە اسىرۋ

ەلباسى نۇرسۇلتان نازارباەۆ «قا­زاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىندا مەملەكەتتىك قىزمەتكەرلەر ەلىمىزدىڭ دامۋ ستراتەگياسىنىڭ نەگىزگى ۇستانىمىن ۇعىنىپ, ءمانىن تەرەڭ ءتۇسىنىپ, ونى ىسكە اسىرۋدا جىگەرلىلىك تانىتۋى قاجەتتىگىن ەرەكشە اتاپ ءوتتى. حالقىمىزدىڭ ءال-قۋاتى مەن ءداۋ­لەتىنىڭ ارتۋىمەن بىرگە مەم­لەكەتتىك قىزمەت سالاسىنداعى ايبىن­دى جوبالار ىسكە اسىرىلىپ جاتقانى ءبىزدى قۋانتادى. رەفور­ما اياسىندا قالىپتاسقان مەم­لە­كەتتىك قىزمەتكەرلەردىڭ «ا» ءجا­نە «ب» كورپۋستارىنا جولداۋدا ايتىلعانداي, ۇلكەن جاۋاپكەرشىلىك پەن مىندەتتەر جۇكتەلگەن. بۇل ءمىن­دەتتەردى مەملەكەتتىك قىزمەت­كەر­لەر بولاشاقتا زور سەنىم­مەن ورىنداپ شىعاتىنىنا ەش كۇمان جوق. جولداۋدا «ب» كورپۋسىنداعى مەم­لەكەتتىك قىزمەتكەرلەردىڭ جالاقىسىن 2015 جىلى 15 پايىز, 2016 جىلى تاعى دا 15 پايىزعا كوتەرۋ تۋرالى ەلباسىنىڭ شەشىمى مەملەكەتتىك قىزمەتكەرلەرگە جاسالىپ وتىرعان قامقورلىقتىڭ شىنايى كورىنىسى دەپ بىلەمىز. قازاقستان رەسپۋبليكاسى مەم­لەكەتتىك قىزمەت ىستەرى اگەنتتىگىنىڭ اۋ­ماق­­تىق بولىمشەلەرىنە مەملە­كەتتىك قىزمەت سالاسىنداعى ساياسات­تى ىسكە اسىرۋدا ۇلكەن جاۋاپ­كەر­شىلىك ارتىلعان. مەملەكەتتىك قىزمەتكەرلەردىڭ ار-نا­مىس كو­دەكسى تالاپتارىن قاتاڭ ساقتاپ, بەرىك ۇستانۋىمەن قاتار سىبايلاس جەم­قور­لىققا قارسى تۇرۋى شارت. سوندىقتان ولارعا مورالدىق قولداۋ كورسەتىپ, ءاربىر مەملەكەتتىك قىزمەتشىگە ءتان ەتيكانى ساقتاۋ, قالىپتاستىرۋ باعىتىندا جۇ­مىس­تاردى جۇيەلى جۇرگىزۋ ءبىزدىڭ الدىمىزعا قويىلعان مىندەت. الماتى وبلىسىنداعى 7 مىڭنان اسا مەملەكەتتىك قىزمەتكەردىڭ زاڭناما شەڭبەرىندە ءتول مىندەتىن اتقارۋىن باقىلاۋ بارىسىندا وڭىردەگى تارتىپتىك كەڭەستىڭ جۇمىسى ماڭىزدى. ادال, قارا­پايىم, ادىلەتتى مەملەكەتتىك قىز­مەت­كەردىڭ قو­عام مەن حالىق تاراپى­نان ۇلكەن قول­داۋعا يە بولاتىنى ءسوزسىز. ۇلتىنا, دىنىنە, شىعۋ تەگىنە قاراماي ءاربىر ازا­مات مەملەكەتتىك قىزمەتكە كىرۋگە قۇقى­لى. بۇگىنگى مەملەكەتتىك قىزمەتكە ىرىك­تەۋ­دەگى اشىقتىق, تەڭدىك, زاڭدىلىق قاعيدات­تارىنىڭ ۇستەمدىك الۋى حالىق تارا­پىنان مەملەكەتتىك قىزمەت پەن مەملە­كەتتىك بيلىككە دەگەن سەنىمىنىڭ ارتىپ كەلە جاتقانىن كورسەتەدى. الماتى وبلىسىنداعى جا­عىم­دى ءۇر­دىس رەتىندە مەملەكەتتىك قىزمەتكە كىرەم دەۋشىلەردىڭ باسىم بولىگىن جاستار قۇراپ وتىرعاندىعىن ەرەكشە اتاپ وتۋگە بولادى. مەملەكەتتىك قىزمەتكە كەلىپ, جۇمىس ىستەيمىن دەگەن ازاماتتار ويىندا ءبىر عانا ماسەلەنى ۇستاۋ قاجەت, ول مانساپ, بيلىكقۇمارلىق ەمەس, تەك ەلگە دەگەن ادال قىزمەت. ادالدىق پەن جاۋاپكەرشىلىگى بار ازاماتتار ءاردايىم, كاسىبي ءوسىپ-جەتىلۋىنە قازاقستان رەس­پۋب­ليكاسىنداعى مەملەكەتتىك قىز­مەت سالاسىنا قاتىستى زاڭنامادا كەپىل­دىك بەرىلگەن. مەملەكەتتىك قىزمەت سالا­سىن­دا جاسالعان رەفورما ءناتي­جە­سىندە بۇگىنگى كۇنى الماتى وبلى­سىنىڭ اۋداندارى مەن قالا­لارىندا پەرسونالدى باسقارۋ­دىڭ بىرىڭعاي جۇيەسىنە كوشۋ جۇمىستارى جۇرگىزىلىپ جاتىر. بۇل جاڭاشىلدىقتىڭ باستى ماقساتى جەرگىلىكتى جەرلەردەگى كادر سايا­سا­تىنىڭ ءتيىمدى ءارى ناتيجەلى ىسكە اسۋىن قالىپتاستىرۋعا باعىتتالىپ وتىر. بۇگىنگى كۇنى قازاقستان رەس­پۋب­لي­كاسى مەملەكەتتىك قىزمەت ىستەرى اگەنت­تىگى الماتى وبلىسى بويىنشا دەپار­تامەنتىنىڭ قىز­مەتكەرلەرى تاراپىنان جەرگىلىكتى دەڭگەيدە قۇرىلعان پەرسو­نالدى باسقارۋ بولىمدەرىنىڭ جۇمى­سىن جەتىلدىرۋ ماقساتىندا قاجەت­تى اق­پا­راتتىق, ادىستەمەلىك كومەك­تەر كور­سەتى­لىپ, قاجەتتى شارالار ۇيىم­داس­تىرى­لۋدا. بۇل باعىتتاعى ۇيىمداس­تى­رۋ­­شى­لىق شارالار الداعى ۋاقىتتا دا بەلگى­لەنگەن جۇيەمەن ىسكە اساتىن بولادى. الدىمىزعا قويىلعان مىندەتتى ورىن­داۋ ءۇشىن بىزدە ەلباسى ايت­قانداي ءبىر ماقسات, ءبىر مۇددە, ءبىر بولاشاق بولۋى شارت. ەلباسى 2050 جىلعا دەيىنگى ەلى­مىزدىڭ دا­مۋى­نىڭ باسىم باعىتتارىن ايقىن­داپ بەردى. ۇلتىمىز ءۇشىن ماڭىز­دى بۇل ستراتەگيالىق قۇجاتتى ءبىر ءمۇد­دە اياسىندا ىسكە اسىرۋعا كىرىس­سەك, الاتىن اسۋلارىمىز بيىك بول­ماق. مارات ورازالي, قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى – تارتىپتىك كەڭەس توراعاسى. الماتى وبلىسى.