«تۇرعىن ءۇي ماسەلەلەرىن شەشۋ ماقساتىندا ۇكىمەت ء«بىر تەرەزە» قاعيداتى بويىنشا اكىمشىسى رەتىندە «وتباسى» بانكىن بەلگىلەۋمەن تولىققاندى باعدارلاما ازىرلەۋدى جۇرگىزۋدە. ەل حالقىنىڭ تۇرعىن ءۇي جاعدايىن جاقسارتۋعا باعىتتالعان, مەملەكەتتىك قولداۋ شارالارىن ىسكە اسىرۋ جانە مۇقتاجدار ەسەبىنە قويۋدىڭ بىرىڭعاي قاعيدالارىن بەكىتۋدى كوزدەيتىن تۇرعىن ءۇي ساياساتىن رەفورمالاۋ تۋرالى زاڭ جوباسى ازىرلەندى», دەدى ول ۇكىمەت ۇيىندە وتكەن ءباسپاسوز ءماسليحاتىندا.
ۆيتسە-پرەمەر زەينەتاقى جيناقتارىنىڭ ءبىر بولىگىن «وتباسى بانكىندەگى» شوتتارعا اۋدارۋعا مۇمكىندىك بەرەتىن نورماتيۆتىك بازا قاراستىرىلىپ جاتقانىن العا تارتتى.
«ونىڭ ىشىندە ازاماتتارعا كەيىننەن تۇرعىن ءۇي ساتىپ الۋ ماقساتىندا جيناقتاۋ ءۇشىن زەينەتاقى جيناقتارىنىڭ ءبىر بولىگىن «وتباسى بانكىندەگى» شوتتارعا اۋدارۋعا قۇقىق بەرۋدى كوزدەيتىن نورماتيۆتىك بازا قايتا قاراستىرىلىپ جاتىر», دەپ تولىقتىردى رومان سكليار.
