29 قىركۇيەك كۇنى ساعات 18.00 شاماسىندا قارقارالى اۋدانىندا ق.امانجولوۆ اۋىلىنان 3 شاقىرىم جەردە دالادان دەنەسىندە وق جاراقاتتارى بار 50 جاستاعى ازاماتتىڭ ءمايىتى تابىلدى.
«پوليتسيا قىزمەتكەرلەرى قىلمىسقا قاتىسى بار دەگەن كۇدىكپەن 35 جاستاعى اۋىل تۇرعىنىن انىقتاپ, ۇستادى. كۇدىكتى سول كۇنى ىشىمدىك ىشكەن كۇيدە مال باقپاقشى بولعان. وسىعان بايلانىستى جابىرلەنۋشى وعان ەسكەرتۋ جاساعان. سالدارىنان ەكەۋىنىڭ اراسىندا سوزگە كەلىسپەۋشىلىك تۋىنداپ, سوڭىندا ۇستالعان ازامات قارۋمەن جابىرلەنۋشىنى اتىپ تاستاعان», دەپ حابارلادى قاراعاندى وبلىستىق پوليتسيا دەپارتامەنتىنىڭ باستىعى ەرلان فايزۋللين.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 99-بابى 1-تارماعىنا سايكەس قىلمىستىق ءىس قوزعالدى.
پوليتسيا قىزمەتكەرلەرىمەن قىلمىس قارۋى تاركىلەندى. كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلۋدە.
