الەم • 28 قىركۇيەك، 2021

بەزوس كومپانياسى عارىشقا جولاۋشىلارمەن ەكىنشى رەت ۇشاتىنىن حابارلادى

37 رەت كورسەتىلدى

دجەفف بەزوستىڭ Blue Origin كومپانياسى جولاۋشىلارمەن ەكىنشى رەت عارىشقا ۇشاتىنى تۋرالى حابارلاپ، ەكيپاجدىڭ العاشقى مۇشەلەرىن اتادى، دەپ حابارلايدى Egemen.kz.

بۇل تۋرالى Blue Origin سايتى مالىمدەدى.

New Shepard سۋبوربيتالدى عارىش كەمەسىنىڭ ەكىنشى رەيسى 12 قازانعا جوسپارلانعان. Blue Origin العاشقى ەكيپاج مۇشەلەرىن اتادى. ولاردىڭ ىشىندە NASA-نىڭ بۇرىنعى ينجەنەرى، عارىشتىق سپۋتنيكتەردى دايىنداپ، ۇشىراتىن Planet Lab كومپانياسىنىڭ نەگىزىن قالاۋشى كريس بوشۋيزەن بار.

«بۇل – مەنىڭ بالا كەزدەن بەرگى ارمانىم. ەڭ باستىسى، بۇل ساپار ستۋدەنتتەردى STEM مانسابىنا ۇمتىلدىرادى جانە ۇرپاقتى عارىشتى زەرتتەۋگە ىنتالاندىرادى دەپ ويلايمىن. ءبىزدىڭ عارىشتاعى بولاشاق ءومىرىمىز سولاردىڭ قولىندا»، دەدى بوشۋيزەن.

ەكىنشى ەكيپاج مۇشەسى - مەديكو-بيولوگيا عىلىمدارى، Dassault Systèmes كومپانياسىنىڭ دەنساۋلىق ساقتاۋ ماسەلەسى بويىنشا ۆيتسە-پرەزيدەنتى گلەن دە ۆريس. ەكيپاجدىڭ قالعان ەكى قاتىسۋشىنىڭ اتى-ءجونى كەيىن بەلگىلى بولادى.

«مەن بۇكىل عۇمىرىمدا ادامداردىڭ ءومىرىن ۇزارتۋ ءۇشىن جۇمىس ىستەدىم. عارىش يندۋسترياسىن دامىتۋعا اتسالىسۋ - كەرەمەت مۇمكىندىك. مەن اۆياتسيا مەن عارىشقا قىزىقتىم، سوندىقتان بۇل ساپار - مەن ءۇشىن ارمانىمنىڭ ورىندالۋى»، دەدى گلەن دە ۆريس.

ۇشۋ نۇر-سۇلتان ۋاقىتىمەن ساعات 19:30-دا باتىس تەحاستاعى الاڭنان جوسپارلانعان.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار