ءوز سوزىندە قور باسشىسى «سامۇرىق-قازىنا» توبى ءۇشىن ماڭعىستاۋ ءوڭىرىنىڭ ورنى ەرەكشە ەكەنىن اتاپ كورسەتتى. وبلىستاعى 40 كاسىپورىن – قوردىڭ ەنشىلەس كومپانيالارى. قۇيىلعان ينۆەستيتسيالاردىڭ جالپى سوماسى 790 ملرد تەڭگەدەن اسىپ جىعىلادى.
قازىرگى تاڭدا قور بۇل وڭىردە ءىرى ينۆەستيتسيالىق جوبالاردى ىسكە اسىرىپ جاتىر:
- قاراجانباس كەن ورنىندا سۋدى تۇششىلاۋ قوندىرعىسىنىڭ قۇرىلىسى;
- جاڭاوزەن قالاسىندا گاز وڭدەۋ زاۋىتىنىڭ قۇرىلىسى;
- بەينەۋ-جاڭاوزەن گاز قۇبىرىن كۇردەلى جوندەۋدەن وتكىزۋ;
- قۇرىق پورتىندا پاروم كەشەنىنىڭ قۇرىلىسىن اياقتاۋ.
2021-2024 جىلدارى قور توبىمەن جالپى قۇنى 674 ملرد تەڭگەدەن اساتىن جاڭا ينۆەستيتسيالىق جوبالار جۇزەگە اسىرىلماق.
قور بۇل وڭىردە قايىرىمدىلىق شارالارىن ءجيى وتكىزەدى. سوڭعى جىلدارى دەنساۋلىق ساقتاۋ, ءبىلىم بەرۋ جانە سپورتتى دامىتۋ سالالارىندا جالپى قۇنى
1 ميلليارد تەڭگەدەن اساتىن 16 جوبا ىسكە قوسىلدى. بيىل جاڭاوزەن قالاسىندا 10 ملرد تەڭگەگە باعالاناتىن زاماناۋي مەديتسينا ورتالىعىنىڭ قۇرىلىسى اياقتالادى.
بۇعان قوسا سپورتتىق جانە بالالار ويىن الاڭدارى اشىلدى. مەكتەپ اۆتوبۋستارى مەن جەدەل جاردەم كولىكتەرى ساتىپ الىندى. مۇناي-گاز سالاسىنىڭ ارداگەرلەرىنە دە ۇنەمى كومەك كورسەتىلەدى. جىل سوڭىنا دەيىن جاڭاوزەن قالاسىندا سپورت كەشەنى جابدىقتالىپ, اقتاۋ قالاسىندا وڭالتۋ ورتالىعى ەسىگىن ايقارا اشادى.
الەۋمەتتىك تۇراقتىلىق ماسەلەلەرىنە دە ەرەكشە كوڭىل بولىنۋدە.
«قازمۇنايگاز» كومپانياسى جانە ۆەدومستۆوارالىق كوميسسيامەن ەڭبەك داۋلارىن شەشۋ جولىندا بەلسەندى جۇمىس اتقارىلىپ كەلەدى:
- قور جانىنان الەۋمەتتىك تۇراقتىلىقتىڭ جەدەل شتابى قۇرىلدى;
- مەردىگەر كومپانيالارمەن كەلىسسوزدەر جۇرگىزىلدى;
- قىزمەت كورسەتۋ قۇنىن ەڭبەكاقىنى تومەندەتۋ ەسەبىنەن ازايتۋعا جول بەرمەيتىن ءتيىمدى بىرلەسكەن مەحانيزمدەر ازىرلەندى;
- قوردىڭ ساتىپ الۋلار جۇيەسىنە وزگەرىستەر ەنگىزىلدى.
