ۇكىمەت • 25 قىركۇيەك، 2021

ا. مامين الەۋمەتتىك ماڭىزى بار ازىق-ت ۇلىك باعاسى ماسەلەلەرى بويىنشا كەڭەس وتكىزدى

41 رەت كورسەتىلدى

قر پرەمەر-ءمينيسترى اسقار مامين ۇكىمەتتىڭ تسيفرلىق وفيسىندە ورتالىق مەملەكەتتىك ورگانداردىڭ باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن رەتتەۋ ماسەلەلەرى بويىنشا كەڭەس وتكىزدى، دەپ حابارلايدى Egemen.kz.

وتىرىس بارىسىندا اعىمداعى جاعداي مەن اتقارىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى باقىت سۇلتانوۆ، اۋىل شارۋاشىلىعى ءمينيسترى ەربول قاراشوكەەۆ، «ازىق-ت ۇلىك كەلىسىم شارت كورپوراتسياسى» ۇك» اق باسقارما توراعاسى ساپارحان وماروۆ، ۇلتتىق بانك توراعاسىنىڭ ورىنباسارى ءاليا مولدابەكوۆا، باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين، نۇر-سۇلتان قالاسىنىڭ اكىمى التاي كولگىنوۆ، قاراعاندى وبلىسىنىڭ اكىمى جەڭىس قاسىمبەك، الماتى وبلىسىنىڭ اكىمى اماندىق باتالوۆ باياندادى.

«الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ وسۋىنە جول بەرمەۋ ماسەلەسى مەملەكەت باسشىسى قاسىم-جومارت توقاەۆتىڭ ەرەكشە باقىلاۋىندا. ازىق-ت ۇلىك باعاسى – بۇل الەۋمەتتىك وزەكتى ماسەلە. ۇكىمەت ينفلياتسياعا قارسى دەن قويۋ شارالارىنىڭ كەشەنىن، ءبىرىنشى كەزەكتە اوك سەكتورىنداعى قۇندى قالىپتاستىرۋدىڭ بۇكىل تىزبەگى بويىندا باعالاردى تۇراقتاندىرۋ بويىنشا ىسكە اسىرادى»، دەدى پرەمەر-مينيستر.

بيىل قازاقستانداعى قولايسىز كليماتتىق جاعدايلار نەگىزگى اۋىل شارۋاشىلىعى داقىلدارىنىڭ شىعىمدىلىعىنىڭ تومەندەۋىنە الىپ كەلدى. وسىعان بايلانىستى باعانىڭ ءوسۋى، سونداي-اق كورشى ەلدەر تاراپىنان اۋىل شارۋاشىلىعى ونىمىنە سۇرانىستىڭ ارتۋى بايقالدى.

8 اي ىشىندە الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسىمى 9،7%-دى قۇرادى. سوڭعى ايدا باعانىڭ 0،7 پايىزدىق تارماققا تومەندەۋى بايقالادى.

ينفلياتسياعا قارسى دەن قويۋ شارالارى اياسىندا 2021 جىلى «ازىق-ت ۇلىك كەلىسىم شارت كورپوراتسياسى» ۇك» اق 87 ملرد تەڭگەگە (2020 جىلى – 40 ملرد تەڭگەگە) اۋىل شارۋاشىلىعى ونىمدەرىن ساتىپ الۋدى جوسپارلاپ وتىر. بۇل رەتتە ساتىپ الىناتىن داقىلداردىڭ تىزبەسى 4-تەن 9-عا دەيىن كەڭەيتىلدى: جۇمساق بيداي، قاتتى بيداي، ارپا، س ۇلى، كۇنباعىس، راپس، زىعىر، سويا، قاراقۇمىق. اتالعان ونىمدەر ىشكى نارىقتى قامتاماسىز ەتۋ ءۇشىن، ونىڭ ىشىندە ۇن تارتۋ كاسىپورىندارىنا، قۇس جانە مال شارۋاشىلىعى شارۋاشىلىقتارىنا وتكىزۋ ءۇشىن پايدالانىلادى.

باسەكەلەستىكتى قورعاۋ جانە دامىتۋ اگەنتتىگى باعانى تومەندەتۋ تۋرالى 68 حابارلاما شىعاردى، 8 تەرگەۋ تاعايىندالدى. نۇر-سۇلتان جانە الماتى قالالارىندا، قوستاناي، قاراعاندى، اتىراۋ، ماڭعىستاۋ، باتىس قازاقستان جانە شىعىس قازاقستان وبلىستارىندا ءامات-تا ساۋدا ۇستەمەسىنەن اسىپ كەتۋدىڭ جانە سىياقى الۋدىڭ 46 فاكتىسى انىقتالدى. وسى وڭىرلەردىڭ باسشىلارىنا شەكتى ساۋدا ۇستەمەسىنەن اسىرا بەلگىلەگەن ساۋدا سۋبەكتىلەرىن جاۋاپكەرشىلىككە تارتۋ جونىندە شۇعىل شارالار قابىلداۋ قاجەتتىگى اتاپ ءوتىلدى.

پرەمەر-مينيستر اكىمدىكتەر مەن مينيسترلىكتەرگە ينفلياتسياعا قارسى دەن قويۋ شارالارى كەشەنىنىڭ ۋاقتىلى جانە تولىق ورىندالۋىن قامتاماسىز ەتۋدى تاپسىردى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار