اۋىل • 24 قىركۇيەك، 2021

برۋتسەللەزگە قارسى جاڭا ۆاكتسينا وندىرىسكە ەنگىزىلدى

24 رەت كورسەتىلدى

بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ ىقم برۋتسەللەزىنە قارسى جاڭا ۆاكتسيناسى وندىرىسكە ەنگىزىلدى، دەپ حابارلايدى Egemen.kz.

بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ عالىمدارى مەملەكەت باسشىسىنىڭ بيولوگيالىق قاۋىپسىزدىكتى كۇشەيتۋ جونىندەگى تاپسىرماسى شەڭبەرىندە قاۋىپتى، اسا قاۋىپتى جانە زووانتروپوزدىق ينفەكتسيالارعا قارسى پروفيلاكتيكالىق پرەپاراتتاردى ازىرلەۋ بويىنشا جۇمىستاردى بەلسەندى جۇرگىزۋدە.

وسىنداي پرەپاراتتاردىڭ ءبىرى قۇرامىندا يممۋنودومينانتتى برۋتسەللەزدىك اقۋىزدارى بار، تۇماۋ ۆيرۋستىق ۆەكتورى نەگىزىندە ءىرى قارا مالدىڭ برۋتسەللەزىنە قارسى بىرەگەي ۆەكتورلىق ۆاكتسينا بولىپ تابىلادى.

بقپعزي عالىمدارى رەتتەۋشى ورگاننىڭ وكىلدەرىمەن بىرلەسىپ قازاقستان رەسپۋبليكاسى اۋىل شارۋاشىلىعى مينيسترلىگىندە كوميسسيالىق بايقاۋدان وتكىزۋ سىناقتارىن ءساتتى وتكىزدى. بقپعزي عىلىمي قىزمەتكەرلەرى 2020-2021 جىلدارى جامبىل وبلىسى قورداي اۋدانى «باي-نۇر» شارۋا قوجالىعىندا ءىرى قارا مالدىڭ برۋتسەللەزىنە قارسى جاڭا ۆەكتورلىق ۆاكتسينانىڭ زيانسىزدىعى مەن يممۋنوگەندىلىگىنە تىركەۋدەن كەيىنگى سىناقتار جۇرگىزدى.

ءۇش اي بويى بۋستەرلىك ۆاكتسيناتسيادان كەيىن 100 باس ۆاكتسيناتسيالانعان مالداردىڭ تولىندە ربس-دا برۋتسەللەزگە شالدىققان جانۋارلار انىقتالعان جوق. قازىرگى ۋاقىتتا ۆاكتسينا وندىرىسكە ەنگىزىلدى. 2021 جىلى كەڭ اۋقىمدى قولدانۋ ءۇشىن ۆاكتسينانىڭ وندىرىستىك سەريالارى دايىندالدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار