«اق تىزىمگە» كىرۋ وتاندىق تەڭىزشىلەردىڭ كاسىبي ديپلومدارىن حالىقارالىق قوعامداستىقتىڭ تانۋىن قامتاماسىز ەتىپ, ددۆا كونۆەنتسياسىنا قول قويعان بارلىق مەملەكەتتەردە جۇمىس ىستەۋگە مۇمكىندىك بەرەدى.
حمۇ ساراپشىلارى قر-نىڭ ۇلىبريتانياداعى ەلشىلىگىن ەلىمىزدە تەڭىز ءبىلىمى, كەمە ەكيپاجى مۇشەلەرىن ديپلومداۋ جانە مەديتسينالىق تەكسەرۋ, تەڭىز وقۋ-ترەناجەر ورتالىقتارىن كۋالاندىرۋعا جەتكىلىكتى ۇلتتىق نورماتيۆتىك-قۇقىقتىق بازا قالىپتاسقان دەگەن قورىتىندىعا كەلگەنىن حابارلادى.
وسىعان بايلانىستى, 2021 جىلدىڭ 4-8 قازان ارالىعىندا تەڭىز قاۋىپسىزدىگى جونىندەگى كوميتەتتىڭ 104-ءشى وتىرىسى وتەدى. وتىرىس بارىسىندا حتۇ باس حاتشىسى كوميتەت مۇشەلەرىن قازاقستاننىڭ تەڭىزشىلەردى دايارلاۋ جۇيەسىنىڭ كونۆەنتسيا تالاپتارىنا سايكەستىگى تۋرالى تاۋەلسىز ساراپشىلاردىڭ شەشىمى تۋرالى حاباردار ەتەدى. بۇل ەلىمىزدىڭ حتۇ-نىڭ «اق تىزىمىنە» ەنگىزىلگەنىن رەسمي تۇردە راستايدى.
ەسكە سالا كەتسەك, 2012 جىلى قبتۋ جانىنان حالىقارالىق دەڭگەيدەگى تەڭىز ماماندارىن دايارلايتىن تەڭىز اكادەمياسى اشىلدى. وندا تەڭىزشىلەردى ارنايى قىسقا كۋرستار (تەڭىزدە امان قالۋ, كەمەدەگى ورتپەن كۇرەس, العاشقى مەديتسينالىق كومەك كورسەتۋ, كەمەدەگى مەديتسينالىق كۇتىم جانە ت.ب.) بويىنشا وقىتاتىن تەڭىز وقۋ-ترەناجەر ورتالىعى قۇرىلدى.
قر يدم 2019 جىلدىڭ قاراشا ايىندا حتۇ-عا قازاقستاندىق ءبىلىم بەرۋ جۇيەسىنىڭ سايكەستىگىن تانۋعا ءوتىنىم بەردى. 2020 جىلى قۇجاتتاردى ۇيىم كوميسسياسى قارادى. وندا جەكە نورماتيۆتىك اكتىلەر مەن وقۋ باعدارلامالارىن پىسىقتاۋ قاجەتتىلىگى كورسەتىلگەن. 2021 جىلعى 15 شىلدەدە قر يدم حالىقارالىق تەڭىز ۇيىمى ساراپشىلارىنىڭ بارلىق ەسكەرتۋلەرىن جويىپ, 2019 جىلعى وتىنىمگە قوسىمشا تۇسىندىرۋلەر تۇرىندە جاڭا قۇجاتتاردى جىبەرىپ, تەكسەرۋدەن ءساتتى ءوتتى.
