ويىن تۇرلەرىنىڭ قاتارىنا دزيۋدو, سامبو, بوكس, تاي بوكسى, سەمسەرلەسۋ, كاراتە, گير سپورتى, ارمرەستلينگ, كۇرەس جانە ت.ب. بولدى. وعان قازاقستاننان باسقا ازەربايجان, ارمەنيا, بەلارۋس, قىرعىزستان, مولدوۆا جانە رەسەيدەن 1,5 مىڭداي سپورتشى قاتىستى.
قازاقستان قۇراماسىن 200-گە جۋىق سپورتشى قۇراعان ەدى. سونىڭ ىشىندە سولتۇستىكقازاقستاندىق 5 بوكسشى بولدى. قىزىلجارلىق ورەندەر نامىستى قولدان بەرمەي قازاقستان قورجىنىنا 1 التىن, 3 كۇمىس سالدى. التىن جۇلدەنىڭ يەگەرى, تاي بوكسىنىڭ شەبەرى ءشامىل ەرماعانبەتوۆ الدىمەن رەسەيلىك, سوسىن بەلارۋستىق قارسىلاستارىن قاپى قالدىرىپ, جەڭىس تۇعىرىنا كوتەرىلدى.
«سولتۇستىكقازاقستاندىق سپورتشىلار حالىقارالىق ويىندارعا پەتروپاۆلداعى جانە ششۋچە قالاسىنداعى سپورتتىق ايماقتاردا ەكى كەزەڭمەن ۇزاق دايىندالعان ەدى. ناتيجەسىندە بەس سپورتشىنىڭ تورتەۋى جاقسى ناتيجەلەر كورسەتتى. ەگەر فينالدا شامىلدەن باسقا سپورتشىلارىمىز دا جاقسى ونەر كورسەتكەندە قورجىنىمىز تولىمدىراق بولار ەدى... بىراق سونىڭ وزىندە ءبىزدىڭ ۇلەسىمىز جاقسى دەپ سانايمىز», دەيدى تاي بوكسىنىڭ جاتتىقتىرۋشىسى يۆان ۆان-حون-تۋن.
ءشامىلدىڭ ءوزى قارسىلاستارىنىڭ وسال بولماعانىن, ەكەۋى دە حالىقارالىق دارەجەدەگى سپورت شەبەرلەرى ەكەنىن ايتا كەلىپ, قاپىسىز دايىندىقتىڭ ارقاسىندا عانا ولاردى جەڭە العانىن جەتكىزدى.
جالپىكوماندالىق ەسەپتە قازاقستاندىقتار 18 التىن, 35 كۇمىس جانە 53 قولا مەدالمەن ءۇشىنشى ورىن الدى.
