وسكەمەندە قۇرىلىس باسقارماسى باستىعىنىڭ ورىنباسارى پارامەن ۇستالدى

شىعىس قازاقستان وبلىسىنداعى وسكەمەن قۇرىلىس باسقارماسى باستىعىنىڭ ورىنباسارى 2 ملن.تەڭگە پارامەن ۇستالدى. بۇل تۋرالى Gazeta.kz حابارلادى.

قۇرىلىس باسقارماسى باستىعىنىڭ ورىنباسارى داۋرەن قۇرمانعاليەۆ ءبىر قۇرىلىس كومپانياسىنىڭ باسشىسىنا پارا بەرسە «قامقورلىعىنا الاتىنىن» ايتقان ەكەن. كاسىپكەر باستاپقىدا شەندىنىڭ بۇل ۇسىنىسىنا كەلىسكەنىمەن, كەيىن ونى قارجى پوليتسياسىنا ۇستاپ بەرۋگە ارەكەت جاساپتى.

«داۋرەن قۇرمانعاليەۆ وبلىستاعى ءبىر كاسىپكەردى مەملەكەتتىك ساتىپ الۋ كونكۋرسىنان كەدەرگىسىز وتكىزۋ ءۇشىن 2 ملن.تەڭگە پارا العان. سونداي-اق ول كاسىپكەردىڭ مەردىگەردى تاڭداۋىنا كەدەرگى كەلتىرگەن. كۇدىكتى ءوز كىناسىن تولىق مويىنداعاندىقتان, تەرگەۋ ءوندىرىسى جەڭىلدەتىلگەن ءتارتىپ بويىنشا جۇرگىزىلدى. قازىر ءىس سوتقا جولداندى»,  - دەيدى وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى (قارجى پوليتسياسى) باستىعىنىڭ ءبىرىنشى ورىنباسارى رۋسلان كۇدەشوۆ.

ايتا كەتەرلىگى, قولعا تۇسكەن شەنەۋنىكتىڭ ورىنباسار قىزمەتىن اتقارعانىنا بار بولعانى 3 اي تولعان ەكەن. ەندى وعان پارا اكەلىپ بەرگەن جۇرگىزۋشىسى دە جاۋاپقا تارتىلادى.

ءامىرحان الماعانبەتوۆ.

دەرەككوز: Gazeta.kz.

فوتو: Novostiua.net.