ءىس-شاراعا قحا مۇشەلەرى, رەسپۋبليكالىق جاستار ۇيىمدارىنىڭ وكىلدەرى, قازاقستان حالقى اسسامبلەياسىنىڭ «جاڭعىرۋ جولى» رەسپۋبليكالىق جاستار قوزعالىسىنىڭ بەلسەندىلەرى, ەرىكتىلەر جانە ت.ب. قاتىستى.
ءوز سوزىندە پارلامەنت ءماجىلىسىنىڭ دەپۋتاتى ۆ.نابيەۆ قازاقستان حالقى اسسامبلەياسىنىڭ جاستارىن مەملەكەت باسشىسىنىڭ جولداۋىن بەلسەندى تۇردە قولداۋعا جانە وندا قامتىلعان ماسەلەلەردى بىرلەسە ىسكە اسىرۋعا شاقىردى.
وتىرىس بارىسىندا پرەزيدەنت جولداۋى ءبىزدىڭ قوعامنىڭ ەڭ وتكىر جانە شۇعىل ماسەلەلەرىن شەشۋگە باعىتتالعان ەكونوميكالىق, الەۋمەتتىك جانە ساياسي شارالاردىڭ ويلاستىرىلعان جانە شىنايى كەشەنى ەكەندىگى ايتىلدى. قازاقستاننىڭ بارلىق ازاماتتارىنىڭ الەۋمەتتىك-ەكونوميكالىق ءال-اۋقاتىن جاقسارتا ءتۇسۋ, ەلىمىزدى دامىتۋ العا قويىلعان نەگىزگى ستراتەگيالىق ماقساتتاردى ءوز دەڭگەيىندە ىسكە اسىرۋعا بايلانىستى.
دوڭگەلەك ۇستەلگە قاتىسۋشىلار ءداستۇرلى ديالوگ پەن ازاماتتىق قاتىسۋدىڭ, ءبىزدىڭ ىشكى ىنتىماعىمىز بەن قوعام بىرلىگىنىڭ نەگىزىندە جاتقان پروگرەسسيۆتى قۇندىلىقتاردى ناسيحاتتاۋدىڭ ماڭىزدىلىعىن ەرەكشە اتاپ ءوتتى.
وتىرىس بارىسىندا دوڭگەلەك ۇستەلگە قاتىسۋشىلار مەملەكەت باسشىسىنىڭ قازاقستان حالقىنا جولداۋىن ىلگەرىلەتۋ مەن ىسكە اسىرۋدا جانە قوعامدىق كەلىسىم مەن جالپىۇلتتىق بىرلىكتى نىعايتۋدا قحا الدىندا تۇرعان وزەكتى مىندەتتەردى قاراستىردى.
