سونىمەن قاتار ەنەرگيانىڭ جاڭا كوزدەرى, ەڭبەك قاتىناستارى, كوشى-قون مەن دەموكراتيالاندىرۋ, قۇقىق قورعاۋ سالاسىن دا نازاردان تىس قالدىرماي, الداعى مىندەتتەردى اتاپ ءوتتى. قوعام اراسىندا تالقىعا تۇسكەن مەملەكەتتىك ءتىل ماسەلەسىن دە كۇن تارتىبىنەن قالدىرماي, قازاق ءتىلىن ءبىلۋ وتانشىلدىقتىڭ بەلگىسى ەكەنىن جەتكىزدى. سونىمەن قاتار قوعام اراسىندا بەلەڭ الىپ بارا جاتقان الەۋمەتتىك جەلىلەردەگى ءبىر كۇندىك اتاققۇمارلىق, ۆاكتسيناعا قارسى ەلدى ۇگىتتەۋ سىندى وزەكتى ماسەلەلەر قاۋىپتى قۇبىلىس ەكەنىن جانە زيالى قاۋىم تاراپىنان وسىنداي ماسەلەلەر ۇدايى نازاردا بولۋ قاجەتتىگىن اتاپ ءوتتى. جولداۋداعى قۋانتارلىق جاڭالىق – ەڭ تومەنگى جالاقى 42 500 تەڭگەدەن 60 مىڭ تەڭگەگە دەيىن وسەتىنى. اتالعان تاپسىرما 2022 جىلدىڭ 1 قاڭتارىنان باستاپ ىسكە اسپاق. مادەنيەت سالاسى, كىتاپحاناشى, مۇراعاتشى, تەحنيكالىق قىزمەتكەرلەردىڭ ماتەريالدىق جاعدايى نازاردان قالماي, الداعى 5 جىلدا جالاقىنى جىل سايىن 20 پايىزعا ءوسىرۋ تۋرالى تاپسىرما – ەلىمىزدەگى 600 مىڭنان اسا قىزمەتكەرگە قولداۋ بولماق. جولداۋدى ىسكە اسىرۋ حالىق قالاۋلىلارىنىڭ دا ءجىتى نازارىندا. ءبىزدىڭ تاراپىمىزدان, ياعني ءوڭىرىمىزدىڭ 300-دەن اسا دەپۋتاتى جولداۋدى ءبىر كىسىدەي جۇزەگە اسىرىپ, ءىرى قالالاردان شالعاي اۋىل تۇرعىندارىنا دەيىن ماڭىزدى قۇجاتتى ناسيحاتتاۋ – جۇمىسىمىزدىڭ ءبىر باعىتى بولماق. بۇل ءۇشىن ءماسليحات دەپۋتاتتارى اقپاراتتىق-ناسيحاتتىق توپ قۇرامىنا ەنگىزىلمەك.
جالپى, VII شاقىرىلىمداعى الماتى وبلىستىق ءماسليحاتىندا 360 حالىق قالاۋلىسى ەل دامۋى جولىندا ەڭبەك ەتىپ كەلەدى. ونىڭ ىشىندە وبلىستىق ءماسليحاتتىڭ 45 دەپۋتاتى بار. جىل باسىنان بەرى وبلىستىق ءماسليحاتتىڭ 7 سەسسياسى ءوتىپ, ءوڭىردىڭ دامۋى جولىنداعى ماڭىزدى ماسەلەلەر قارالىپ, اسا جاۋاپتى شەشىمدەر قابىلداندى. الەۋمەتتىك-ەكونوميكالىق دامۋ باعىتىندا 46 شەشىم, ونىڭ ىشىندە 3 ءنورماتيۆتى-قۇقىقتىق قاۋلى بەكىتىلدى. قارالعان ماسەلەلەردىڭ ىشىنەن ءوڭىردىڭ دامۋ باعدارلاماسى, مەملەكەت-جەكەشەلىك ارىپتەستىك جوبالارى, تۋريزم ينفراقۇرىلىمىنىڭ دامۋى, تەكسەرۋ كوميسسيالارىنىڭ قىزمەتى, اۆتوموبيل جولدارى, جاستار ساياساتىنىڭ ىسكە اسۋى, دەنساۋلىق ساقتاۋ سالاسىنىڭ جاعدايى جانە وزگە دە وزەكتى ماسەلەلەر بار. اتاپ ايتساق, بيىلعى 1-جارتىجىلدىقتىڭ قورىتىندىسى بويىنشا تۇسكەن كىرىستەر كولەمى 114,7 پايىزعا ورىندالعانىن ەسكەرە وتىرىپ جانە شۇعىل شەشىمدى تالاپ ەتەتىن شىعىنداردى قارجىلاندىرۋ ماقساتىندا سالىقتىق تۇسىمدەر بولجامىن 30 ملرد تەڭگەگە ارتتىرۋ تۋرالى ۇسىنىس وبلىستىق ەكونوميكا جانە بيۋدجەتتىك جوسپارلاۋ باسقارماسىنان ەنگىزىلىپ, ءماسليحات سەسسياسىندا بەكىتىلدى.
ءماسليحات قىزمەتىندەگى باعىتتاردىڭ ءبىرى – تۇراقتى كوميسسيالاردىڭ جۇمىسى. جىل باسىنان بەرى 23 وتىرىس ۇيىمداستىرىلىپ, ءار سالا بويىنشا 39 ماسەلە قارالدى. ولاردىڭ قاتارىندا, جولداردى جوندەۋ, ءبىلىم, تۇرعىن ءۇي-كوممۋنالدى شارۋاشىلىق, جۇمىسپەن قامتۋدىڭ جول كارتاسى, دەنساۋلىق ساقتاۋ, قۇرىلىس, اۋىل شارۋاشىلىعى, ينفراقۇرىلىمدى دامىتۋ, ەلەكتروەنەرگەتيكا, ەكولوگيا, الەۋمەتتىك قورعاۋ, جۇمىسپەن قامتۋ, جەر قاتىناستارى جانە جول كولىك سالاسى سىندى اسا ماڭىزدى باعىتتاردىڭ ناتيجەسى تالقىلاندى. مىسالعا, تۇرعىن ءۇي-كوممۋنالدىق شارۋاشىلىعى جانە قۇرىلىس ماسەلەلەرى جونىندەگى تۇراقتى كوميسسيا مۇشەلەرى الماتى وبلىسىندا «م ۇلىكتىڭ مەنشىك يەلەرى بىرلەستىگىن نەمەسە جاي سەرىكتەستىك» ينستيتۋتىن ەنگىزۋ جونىندەگى رەفورمانى جۇزەگە اسىرۋ اياسىندا 48 تۇسىندىرمە جۇمىسىن, 16 سەلەكتورلىق جيىن, تۇرعىنداردىڭ قاتىسۋىمەن 1013 جينالىس وتكىزدى.
وبلىستىق ءماسليحاتتىڭ جانىنداعى قوعامدىق كەڭەستىڭ 4 وتىرىسى ءوتتى. كەڭەس مۇشەلەرى وبلىستىڭ 2021 جىلعى بيۋدجەتىنە وزگەرىستەر مەن تولىقتىرۋلار ەنگىزۋ, ءوڭىردىڭ 2020 جىلعى الەۋمەتتىك-ەكونوميكالىق دامۋى مەن 2021 جىلعى مىندەتتەرى, قاتتى تۇرمىستىق قالدىقتاردى جيناۋ, سۇرىپتاۋ, جويۋ جانە كومۋ ماسەلەلەرى, مەملەكەتتىك ورگاندار تاراپىنان كورسەتىلەتىن مەملەكەتتىك قىزمەتتىڭ ساپاسىنا قوعامدىق مونيتورينگ جۇرگىزۋ ناتيجەلەرى سىندى ماسەلەلەردى قاراپ, ءتيىستى ۇسىنىس-ەسكەرتپەلەر بەردى. سونىمەن قاتار جەرگىلىكتى اتقارۋشى جانە وكىلدى ورگانداردىڭ ءنورماتيۆتى-قۇقىقتىق اكتىلەردىڭ 20 جوباسىن تالقىلادى. الماتى وبلىسىنىڭ ءماسليحاتى مەن تەكسەرۋ كوميسسياسى اراسىنداعى سىبايلاس جەمقورلىققا قارسى كۇرەستەگى ءوزارا ءىس-قيمىل تۋرالى مەموراندۋمدى ىسكە اسىرۋ شەڭبەرىندە وبلىستىق تەكسەرۋ كوميسسياسىمەن 2 بىرلەسكەن وتىرىس وتكىزىلدى.
Nur Otan پارتياسى «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ىسكە اسىرۋ جونىندەگى جول كارتاسىنىڭ ىسكە اسىرۋىن باقىلاۋ ماقساتىندا وبلىستىق ءماسليحات دەپۋتاتتارى, تۇراقتى كوميسسيا مۇشەلەرى 2021 جىلدىڭ 3-10 ماۋسىم ارالىعىندا اۋداندار مەن قالالاردا الەۋمەتتىك سالا بويىنشا كۇردەلى جوندەۋ جۇمىستارى جۇرگىزىلىپ جاتقان 9 مادەنيەت ءۇيى جانە 34 مەكتەپتىڭ قۇرىلىس نىساندارىنا مونيتورينگ جۇرگىزدى. باعدارلاما اياسىندا وبلىس بويىنشا جاڭادان 7 ءوندىرىس ورنى اشىلدى. سونىمەن قاتار 506,3 مىڭ شارشى مەتر تۇرعىن ءۇيدىڭ قۇرىلىسى جوسپارلانۋدا, ونىڭ ىشىندە بيۋدجەت ەسەبىنەن بيىل 2 603 پاتەرلى 521 تۇرعىن ءۇي سالىنباق. العاشقى جارتىجىلدىقتا 245 وتباسى, ونىڭ ىشىندە 15 كوپبالالى وتباسى باسپانالى بولدى. بۇدان بولەك, 3 دارىگەرلىك امبۋلاتوريا, 89 بالاباقشا, 2 سپورت-ساۋىقتىرۋ كەشەنى, 106,5 شاقىرىم سۋمەن قامتۋ نىساندارى, 509 شاقىرىم گازبەن قامتۋ نىساندارى سالىنىپ, 41,9 شاقىرىم اۆتوموبيل جولدارى جوندەلدى.
دەپۋتاتتاردىڭ سايلاۋالدى باعدارلاماسىنداعى ميسسيانىڭ ءبىرى – ازاماتتاردىڭ ماسەلەلەرىن شەشۋ جانە قۇزىرلى ورگاندار اراسىندا التىن كوپىر بولۋ. وسى ورايدا دەپۋتاتتار جىل باسىنان ازاماتتارمەن كەرى بايلانىس ورناتۋدا ساياسي پارتيالاردىڭ قوعامدىق قابىلداۋ الاڭدارىندا تۇرعىنداردىڭ ماسەلەلەرىن قاراپ, ناتيجەلى جۇمىس اتقاردى. حالىق قالاۋلىلارى 738 قابىلداۋ وتكىزىپ, 1 005 ادامدى قابىلدادى. قابىلداۋلاردىڭ ناتيجەسىندە 646 ءوتىنىش نەمەسە بار ماسەلەنىڭ 64,2 پايىزى وڭ شەشىم تاپتى. قالعان 359 ماسەلە باقىلاۋدا. حالىق قالاۋلىلارى كارانتين تالاپتارىنىڭ كۇشەيۋىنە وراي, الەۋمەتتىك جەلىلەردىڭ مۇمكىندىگىن كەڭىنەن پايدالانىپ, قوعامدىق قابىلداۋلاردى ونلاين وتكىزۋدە. ماسەلەن, ساياسي پارتيالارمەن بىرلەسە وتكىزىلگەن «دەپۋتاتقا ساۋال قوي» اكتسياسى اياسىندا Instagram, Facebook جەلىلەرى ارقىلى 360-تان استام تىكەلەي ەفير جۇرگىزىلىپ, وعان 50 مىڭنان استام حالىق قاتىستى. دەپۋتاتتار جەلىلەردەگى تىكەلەي ەفيردى ودان ءارى جالعاستىرۋدى جوسپارلاپ وتىر. ءماسليحات دەپۋتاتتارىنىڭ جۇمىسىن جۇيەلەندىرۋ, بۇقارالىق اقپارات قۇرالدارىمەن جۇمىس, حالىقپەن كەرى تىعىز بايلانىستى ورناتۋ, زامان تالابىنا ساي جاڭا زاڭداردىڭ ىسكە اسىرىلۋى, قازىرگى تاڭدا ءنورماتيۆتى-قۇقىقتىق اكتىلەرمەن, زاڭدارعا ەنگىزىلگەن وزگەرىستەردىڭ باعىتتارىمەن تانىستىرۋ ماقساتىندا وبلىستىق ءماسليحاتتىڭ دەپۋتاتتارىمەن جانە اۋداندىق قالالىق ءماسليحات اپپاراتى قىزمەتكەرلەرىنىڭ قاتىسۋىمەن جەرگىلىكتى جەرلەردە كەزدەسۋلەر وتكىزىلدى.
حالقىمىزدا «قايىر قىلساڭ – ءبۇتىن قىل» دەگەن ماقال بار. وسى ورايدا حالىق قالاۋلىلارىنىڭ قايىرىمدىلىق باعىتىنداعى ىستەرى كوپكە ۇلگى. اتاپ ايتساق, جىل باسىنان بەرى 5 مىڭنان استام جەتىسۋلىق ازاماتقا جالپى سوماسى 90 578 500 تەڭگە كولەمىندە قايىرىمدىلىق كومەك كورسەتىلىپ, مۇقتاج جانداردىڭ قاجەتتىلىگى وتەلدى. سونىمەن قاتار «مەكتەپكە جول» اكتسياسى اياسىندا ءوڭىر دەپۋتاتتارى جالپى 25 832 600 تەڭگە كولەمىندەگى قاراجاتقا 1 107 بالانى قاجەتتى مەكتەپ قۇرالدارى, كيىم-كەشەكتەرمەن قامتاماسىز ەتتى. بيىلعى قۇرعاقشىلىق ەلىمىزدىڭ كەيبىر وڭىرلەرىندەگى جەم-ءشوپتىڭ جەتىسپەۋشىلىگىن تۋدىردى. سوعان وراي حالىق قالاۋلىلارى ماڭعىستاۋ وبلىسىنداعى مال ازىعىنىڭ جەتىسپەۋشىلىگىنە بىردەن نازار اۋدارىپ, قولداۋ كورسەتتى. بارلىق دەپۋتاتتار وسىنداي يگىلىكتى ىستەردىڭ ۇيىتقىسى بولۋدان تارتىنعان ەمەس جانە بۇل باعىتتاعى جۇمىستى جالعاستىرا بەرمەك.
جانبولات جورگەنباەۆ,
الماتى وبلىستىق ءماسليحاتىنىڭ حاتشىسى
