ەكونوميكا • 07 قىركۇيەك، 2021

ماقسات – پاندەمياعا دەيىنگى كورسەتكىشتەرگە جەتۋ

31 رەت كورسەتىلدى

بيىل ءبىرىنشى جارتىجىلدىقتا «قازمۇنايگاز» ۇك اق ءتۇسىمى 3،1 ترلن تەڭگەنى قۇرادى. بۇل وتكەن جىلدىڭ وسىنداي كەزەڭىندەگى كورسەتكىشتەن 38،5%-عا جوعارى. بۇل تۋرالى Samruk Aqparat ءباسپاسوز ورتالىعىنىڭ الاڭىندا وتكەن ونلاين بريفينگى بارىسىندا قمگ باسقارما توراعاسىنىڭ ورىنباسارى داۋرەن قاراباەۆ مالىمدەدى.

ونىڭ ايتۋىنشا، مۇنايعا جانە مۇناي ونىمدەرىنە باعانىڭ ءوسۋى وسى كورسەتكىشكە وڭ ىقپالىن تيگىزدى. ايتالىق، ەسەپتى كەزەڭدە Brent ماركالى مۇنايدىڭ ورتاشا باعاسى باررەلىنە 65 دوللار دەڭگەيىندە قالىپتاستى. بىلتىرعىمەن سالىس­تىر­ساق بۇل 62،2%-عا جوعارى بولىپ وتىر.

سونىمەن قاتار قاڭتار-ماۋسىم ايلارىندا كومپانيا 291 ملرد تەڭگە كولەمىندە وڭ بوس اقشا قاراجاتىن جيناقتادى. تازا پايدا 644 ملرد تەڭگەنى قۇرادى. ال EBITDA كورسەتكىشى 1،1 ترلن تەڭگەنى قۇرادى، بۇل وتكەن جىلدىڭ كورسەتكىشىنەن 92،6%-عا جوعارى.

– EBITDA، تازا پايدا، بوس اقشا اعىنى كورسەتكىشتەرى 2020 جىلدىڭ ءبى­رىنشى جارتىجىلدىعىمەن، سونداي-اق 2019 جىلعى پاندەمياعا دە­­يىنگى ۇقساس كەزەڭمەن سالىس­تىر­عاندا اناعۇرلىم جاقسى دەڭ­گەيدە قالىپتاستى. بۇل 2020 جى­لى داعدارىسقا قارسى باع­دار­لا­­­ما­نىڭ ىسكە اسىرىلۋىمەن جانە وپە­را­تسيا­لىق، كۇردەلى شى­عىن­دار­دىڭ قىسقارۋىمەن بايلانىستى، – دەدى د.قاراباەۆ.

ونىڭ مالىمەتىنشە، 2021 جىل­دىڭ ءبىرىنشى جارتىجىلدىعىندا شو­­عىرلانعان جالپى جانە اكىم­شىلىك شىعىستار 2020 جىلدىڭ وسىن­داي كەزەڭىنە قاراعاندا 8%-عا جانە 2019 جىلدىڭ ءبىرىنشى جارتى­جىل­دىق­تاعى كورسەتكىشتەن 26%-عا تومەن دەڭ­گەيدە قالىپتاستى. بۇل رەتتە، ءابسوليۋتتى جانە سالىستىرمالى تۇر­دە ەڭ كوپ قىسقارعان كۇردەلى شى­عىندار بولدى.

– ەسەپتى كەزەڭدە «قازمۇنايگاز» بىرلەسكەن كاسىپورىنداردى سانا­ماعاندا، ەل قازىناسىنا سالىق تۇرىندە 300 ملرد تەڭگەدەن استام قاراجات تولەدى. بۇدان بولەك كومپانيا ءوز اكتسيونەرلەرىنە 50 ملرد تەڭگە سوماسىنا ديۆيدەند تولەدى، – دەپ اتاپ ءوتتى قمگ باسقارما توراعاسىنىڭ ورىنباسارى.

د.قاراباەۆ «قازمۇنايگاز» ۇلتتىق كومپانياسى وندىرىستىك جانە قارجىلىق كورسەتكىشتەردى «پاندەمياعا دەيىنگى» دەڭگەيگە جەتكىزۋ بويىنشا جۇمىسىن جال­عاس­تىرىپ جاتقاندىعىن العا تارتتى.

– وندىرىستىك ناتيجەلەرىمىز «داع­دارىسقا دەيىنگى» كورسەت­كىش­تەر­­دەن ءالى تومەن بولسا دا، قا­زىر­دىڭ وزىندە كومپانيانىڭ قار­جىلىق احۋالى ەداۋىر جاقسارعانىن كورۋگە بولادى. ونىڭ كەيبىرى 2019 جىلعا قاراعاندا ءوسىپ كەلەدى. دە­گەن­مەن، بىزگە بوساڭسۋعا بولمايدى. كومپانيا ءوزىنىڭ قىزمەتىن شى­­عىنداردى بارىنشا قىسقارتا وتى­رىپ جالعاستىرادى، – دەپ قورى­تىن­دى­لادى د.قاراباەۆ.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار