پاۆلودار وبلىستىق قارجى پوليتسەيلەرى پاۆلودار اۋداندىق اكىمدىگىنىڭ لاۋازىمدى تۇلعالارىنا قاتىستى قىلمىستىق ءىس قوزعادى.
قاراپ تۇرساڭ, قولدى بولعان قاراجاتتىڭ قاراسى بولەك. ول ارتىق-كەمى جوق 133,6 ملن. تەڭگەنى قۇرايدى. اۋدانداعى اتقامىنەرلەردىڭ بيۋدجەتتىڭ وسىنشاما قارجىسىنا قىمسىنباي قول سالا العانىنا ءبىر جاعى قاتتى قايران قالاسىڭ. ولارعا پاۆلودار اۋداندىق ساۋلەت, قۇرىلىس جانە قالا قۇرىلىسى ءبولىمىنىڭ باستىعىمەن الدىن الا قىلمىستىق كەلىسىمگە كەلە وتىرىپ, «اق بۇلاق», «بالاپان» جانە «جۇمىسپەن قامتۋ-2020» مەملەكەتتىك باعدارلامالارىنا بولىنگەن قارجىنى تالان-تاراجعا سالدى دەگەن كۇدىك تاڭىلىپ وتىر.
پاۆلودار وبلىستىق قارجى پوليتسەيلەرى پاۆلودار اۋداندىق اكىمدىگىنىڭ لاۋازىمدى تۇلعالارىنا قاتىستى قىلمىستىق ءىس قوزعادى.
قاراپ تۇرساڭ, قولدى بولعان قاراجاتتىڭ قاراسى بولەك. ول ارتىق-كەمى جوق 133,6 ملن. تەڭگەنى قۇرايدى. اۋدانداعى اتقامىنەرلەردىڭ بيۋدجەتتىڭ وسىنشاما قارجىسىنا قىمسىنباي قول سالا العانىنا ءبىر جاعى قاتتى قايران قالاسىڭ. ولارعا پاۆلودار اۋداندىق ساۋلەت, قۇرىلىس جانە قالا قۇرىلىسى ءبولىمىنىڭ باستىعىمەن الدىن الا قىلمىستىق كەلىسىمگە كەلە وتىرىپ, «اق بۇلاق», «بالاپان» جانە «جۇمىسپەن قامتۋ-2020» مەملەكەتتىك باعدارلامالارىنا بولىنگەن قارجىنى تالان-تاراجعا سالدى دەگەن كۇدىك تاڭىلىپ وتىر.
ايتا كەتەيىك, وتكەن جىلعى قاراشادا پاۆلودار اۋداندىق ساۋلەت, قۇرىلىس جانە قالا قۇرىلىسى ءبولىمىنىڭ باستىعى كوپەشەۆكە وسى اۋداننىڭ زاريا اۋىلىنداعى ەكى پاتەرلى ءۇيدىڭ ينجەنەرلىك-كوممۋنيكاتسيالىق ينفراقۇرىلىمى اكتيۆتەرىن زاڭسىز الدى دەگەن ايىپ تاعىلعان بولاتىن. ال بيىلعى جىلدىڭ 16 قاڭتارىندا وعان قاتىستى «جۇمىسپەن قامتۋ-2020» مەملەكەتتىك باعدارلاماسىن جۇزەگە اسىرۋ بارىسىندا قىزمەتتىك وكىلەتتىگىن پايدالانىپ, بيۋدجەت قاراجاتىن ۇرلاۋ فاكتىسى بويىنشا بىرنەشە قىلمىس قوزعالدى. بۇل جولى اۋدانداعى بىرقاتار اۋىلدا 6 پاتەرلى ءۇيدى جانە ەلەكترمەن جابدىقتاۋعا ارنالعان ينجەنەرلىك-كوممۋنيكاتسيالىق ينفراقۇرىلىمدى ساتىپ الۋعا بولىنگەن 98,8 ملن. تەڭگەنى جۇمىستاردىڭ ورىندالۋى تۋرالى جالعان اكتىلەر جاساۋ ارقىلى العان دەگەن ايىپ تاعىلۋدا.
تاعى ءبىر دەرەك, بيىلعى 16 قاڭتاردا اۋداندىق ساۋلەت, قۇرىلىس جانە قالا قۇرىلىسى ءبولىمىنىڭ باس مامانى گ.ارىستانبەكوۆاعا قاتىستى دا قىلمىستىق ءىس قوزعالدى. وعان 2009 جىلى اتالعان ءبولىمنىڭ باستىعى مىندەتىن اتقارۋ كەزىندە «بالاپان» مەملەكەتتىك باعدارلاماسى اياسىندا چەرنورەتسكوە اۋىلىنداعى بالاباقشانى جاڭعىرتۋعا بولىنگەن 1,1 ملن. تەڭگەدەن استام قارجىنى جۇمىستاردىڭ ورىندالۋ اكتىسىنە جالعان مالىمەتتەر ەنگىزۋ ارقىلى ۇرلادى دەگەن ايىپ تاعىلعان.
قازىر قىلمىستىق ءىستى تەرگەۋ امالدارى ءجۇرىپ جاتىر.
قۇرىش نۇرىمبەت.
