وقىس وقيعا سالدارىنان ەكى ادام كوز جۇمدى. 2 ادام اۋرۋحاناعا ءتۇستى. قالعان 6 ادام وزگە جاتاقحاناعا كوشىرىلگەن.
قازىرگى ۋاقىتتا ءورت ءسوندىرىلدى. ءتىلسىز جاۋدى اۋىزدىقتاۋعا «قازمۇنايتەڭىز» جشس ورتكە قارسى قىزمەتىنىڭ 2 ءورت توبى جۇمىلدىرىلدى. ءورتتىڭ شىعۋ سەبەپتەرى انىقتالىپ جاتىر.
وقيعا ورنىنا «قازمۇنايتەڭىز» جشس فيليالىنىڭ باسشىلىعى باردى. «قازمۇنايگاز» ۇك اق-دا باسقارما توراعاسى اليك ايدارباەۆتىڭ جەتەكشىلىگىمەن وپەراتيۆتىك شتاب قۇرىلدى. جەدەل شتابتىڭ قۇرامىنا ءتيىستى قۇرىلىمدىق بولىمشەلەردىڭ قىزمەتكەرلەرى كىردى.
ەستەرىڭىزگە سالا كەتەيىك, بۇعان دەيىن بورانقۇل كەن ورنىنداعى جاتاقحانادان شىققان ورتتەن ەكى ادام قازا تاپقانىن حابارلاعان بولاتىنبىز. وقىس وقيعا نۇر-سۇلتان قالاسى بويىنشا شاشامەن ساعات 04.55-تە ماڭعىستاۋ وبلىسى «قازمۇنايتەڭىز» تمك» جشس-نە قاراستى بورانقۇل كەن ورنىنداعى ەكى قاباتتى جاتاقحانادا بولعان.
