«زەرتتەلمەگەن قازاقستان» جوباسىنىڭ ماقساتى – ەلدى كورسەتۋ. ساياحاتشىلار قازاقستاننىڭ قورىق جانە كيەلى جەرلەرىن ارالاپ, كورىكتى جەرلەرىمەن تانىسادى. حرونومەتراجى 20 مينۋتتى قۇرايتىن 20 سەريانى ءتۇسىرۋ جوسپارلانۋدا. بىراق ءبىر سەرياسى فەستيۆالگە قاتىسۋ ءۇشىن 40 مينۋتتىق بولادى.
جوبا ىشكى نارىققا ارنالعان, بىراق جاساۋشىلار شەتەلدىك ارنالارعا قىزىعۋشىلىق تانىتاتىندىعىن جوققا شىعارمايدى. سوندىقتان سەريالار قازاق, ورىسم جانە اعىلشىن تىلدەرىندە بولادى.
ەكسپەديتسياعا 12 ادام قاتىسادى. 10 قىركۇيەكتە ولار شىعىس قازاقستانعا اتتانادى.
«بىرىنشى سيۋجەت سەمەي يادرولىق پوليگونى تۋرالى بولماق. ەلباسىنىڭ يادرولىق پوليگوندى جابۋ تۋرالى جارلىعىنا 30 جىل بولاتىنى بەلگىلى. ءبىز ادامداردىڭ قالاي ءومىر سۇرگەنىن ەسكە سالامىز», دەدى Indiga production باسشىسى رافاەل گاسانوۆ.
جۇمىسقا كىرىسپەس بۇرىن, قازاقستاننىڭ مەملەكەتتىك ورگاندارى مەن حالىقارالىق ۇيىمدارعا قولداۋ تۋرالى بىرقاتار حاتتار جىبەرىلدى. مىسالى, پوليگون تۋرالى سەريانى بىرىككەن ۇلتتار ۇيىمى قولداعان. سونداي-اق جوبانى ەلىمىزدىڭ جوعارى باسشىلىعى, بەيىندى ۆەدومستۆولار مەن اگەنتتىكتەردىڭ شەنەۋنىكتەرى, دەمەۋشىلەر قولداپ وتىر.
ساياحاتشىلار باراتىن ورىندار تىزىمىندە ەكىباستۇز گرەس-ءى, ابىلاي حان رەزيدەنتسياسى, الجير لاگەرى, سايرام قالاشىعى, بوزجىرا شاتقالى جانە ت.ب. بار.
ء«بىزدىڭ ماقساتىمىز – قازاقستاننىڭ تابيعاتىن كورسەتۋ عانا ەمەس, سونداي-اق وسى فيلمدەردە جاستاردىڭ ءوز جەرىن باعالاپ, ءسۇيىپ, قورعاۋى ءۇشىن ولاردىڭ بويىندا وتانسۇيگىشتىكتى قالىپتاستىرۋ», دەدى رافاەل گاسانوۆ.
