ونىڭ ايتۋىنشا, سۋعا شومىلۋ ماۋسىمى باستالعاننان بەرى قۇتقارۋشىلار 80 ادامنىڭ ومىرىنە اراشا تۇسكەن, ونىڭ ىشىندە 11-ءى بالا. وبلىس بويىنشا 32 ادام اجال قۇشسا, ونىڭ 7-ءى كامەلەتكە تولماعاندار.
«جىل سايىن شومىلۋ ماۋسىمى باستالعانعا دەيىن رۇقسات ەتىلمەگەن جەرلەردە تىيىم سالىنعان بەلگىلەر ورناتىلادى, بىراق قالا تۇرعىندارى ونى ەلەمەي, ءوز ومىرلەرىنە قاۋىپ توندىرەدى. سۋدا ادامداردىڭ قازا بولۋىمەن تىركەلگەن وقيعالاردىڭ نەگىزگى سانى دەمالىس جانە مەرەكە كۇندەرىنە كەلەدى, وندا 20 ادام قازا بولدى, جالپى سانىنىڭ 62 پايىزىن قۇرايدى», دەيدى قانات دوسپاەۆ.
دەپارتامەنت باسشىسىنىڭ ورىنباسارى اتاپ وتكەندەي, شومىلۋ ماۋسىمى اياقتالعانىنا قاراماستان, سۋ ايدىندارىندا ادام ءولىمىنىڭ الدىن الۋ بويىنشا پروفيلاكتيكالىق جۇمىس ءارى قاراي جالعاسىن تابادى.
«كۇزگى كەزەڭنىڭ باستالۋىمەن اڭ اۋلاۋ جانە بالىق اۋلاۋ ماۋسىمى باستالادى. وسىعان بايلانىستى سۋ قويمالارىندا بالىق جانە اڭ اۋلاۋ كەزىندەگى قاۋىپسىزدىك جونىندەگى نەگىزگى ەرەجەلەردى ەسكە سالعىم كەلەدى. سۋدىڭ شەتىنە جاقىنداعاندا اباي بولۋ كەرەك», دەپ تۇيىندەدى قانات دوسپاەۆ.
