قوعام • 03 قىركۇيەك، 2021

د.اباەۆ سكەپتيكتەردىڭ سوزىنە پىكىر ءبىلدىردى

600 رەت كورسەتىلدى

قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ «اشىق ديالوگ-2» باعدارلاماسىندا قازاقستانداعى جالاقىنى كوتەرۋ تۋرالى سكەپتيكتەردىڭ ايتقان سوزىنە پىكىر ءبىلدىردى، دەپ حابارلايدى Egemen.kz.

«2025 جىلعا دەيىن 600-گە جۋىق ازاماتتىق كاسىپتىڭ، سونىڭ ىشىندە كىتاپحاناشىلاردىڭ، زەرتحاناشىلاردىڭ، ارحيۆ قىزمەتكەرلەرىنىڭ، قورىقشىلاردىڭ جالاقىسى جىل سايىن وسەتىن بولادى. سكەپتيكتەردىڭ نەگىزگى تەزيستەرىنىڭ ءبىرى - «جالاقى وسسە، باعالار دا وسەدى، سوندىقتان مۇنىڭ ءبارى ماعىناسىز». بۇل مالىمدەمە قانشالىقتى قونىمدى؟»، دەپ سۇراق قويدى جۋرناليست.

اباەۆ بۇل مەملەكەتتىك شارالاردى قۇنسىزداندىرۋدىڭ ءداستۇرلى ستراتەگياسى ەكەنىن اتاپ ءوتتى.

«مىسالى، مۇعالىمدەردىڭ جالاقىسىن كوتەرگەندەرى دە ايتىلدى. تەك 2020 جىلى مۇعالىمدەردىڭ جالاقىسى كوتەرىلسە دە، پەداگوگيكالىق ماماندىقتارعا تۇسەتىن تۇلەكتەردىڭ ورتاشا بالى ءوستى. ياعني، مىقتى كادرلار پەداگوگيكاعا بارادى، دەمەك، وقىتۋ ساپاسى دا وسەدى. قازىردىڭ وزىندە اۋىلعا كوشىپ كەلگەن جاس پەداگوگتاردىڭ سانى ارتىپ وتىر. ءبىز ولاردى «ديپلوممەن اۋىلعا» باعدارلاماسى اياسىندا دا، باسقا جولدارمەن دە شاقىردىق. بىراق مۇعالىمدەردىڭ جالاقىسىن كوتەرۋ قاجەتتىلىگى تۋىنداپ، بۇل پروتسەسس الەۋمەتتىك-ەكونوميكالىق تۇرعىدان تابيعي بولدى»، دەپ جاۋاپ بەردى سپيكەر.

ونىڭ ايتۋىنشا، ءبىر جىل ىشىندە ەر مۇعالىمدەر سانىنىڭ ارتۋى ەرەكشە بايقالدى.

«بىزدە پەداگوگيكاداعى گەندەرلىك سايكەسسىزدىك وتە جوعارى. مۇعالىم ايەل ماماندىعى دەپ سانالادى. مۇندا بەلگىلى ءبىر ءداستۇر قالىپتاسقان. جالاقىنىڭ تومەن بولۋىنا بايلانىستى ەر ادامدار پەداگوگيكالىق ماماندىقتارعا سيرەك بارادى. ال بالالار پسيحولوگتارى مۇعالىمدەر ورتاسىنداعى گەندەرلىك تەپە-تەڭدىك بالالاردى تاربيەلەۋ ءۇشىن وتە ماڭىزدى دەيدى. اسىرەسە ۇلدار ءۇشىن. سوندىقتان، جالاقىنى كوبەيتۋ - بۇل مۇعالىمنىڭ ءاميانىنا قاتىستى ماسەلە عانا ەمەس، سونىمەن قاتار جۇيەلىك شارا. بۇل بارلىق مەملەكەتتىك قىزمەتتىڭ بەدەلىنە جانە ءسىز تىزىمدەگەن بارلىق ماماندىقتارعا قاتىستى. جالاقى نەعۇرلىم كوپ بولسا، سوعۇرلىم ادامدار، ماماندار ناقتى جۇمىسقا كىرىسەدى»، دەپ تولىقتىردى اباەۆ.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار