بۇگىن ازىق-ت ۇلىك تيەلگەن جۇك كولىگى بايزاق اۋدانىنا جەتىپ, جەرگىلىكتى اكىمدىك تاراپىنان ۇيىمداستىرىلعان ورتالىق قويماعا ورنالاستىرىلدى. اتالعان كومەك توتەنشە جاعدايدان زارداپ شەككەن تۇرعىندارعا ۇلەستىرىلەتىن بولادى. جەرگىلىكتى جاۋاپتى باسشىلار كەلگەن كومەكتىڭ ەسەبىن الىپ, قيىن ساتتە قول ۇشىن سوزعان ماقتاارالدىقتارعا العىستارىن ءبىلدىردى.
«وتكەن جىلى ماقتاارال اۋدانىندا سۋ تاسقىنى ورىن العان كەزدە ەڭ العاش بولىپ جامبىل وبلىسىنان كومەك كەلگەن بولاتىن. سونىمەن قاتار بارشا ەل-جۇرتىمىز ءبىزدىڭ اۋدانعا توقتاۋسىز كومەكتەرىن جىبەرىپ وتىردى. سوندىقتان جامبىل وبلىسى بايزاق اۋدانىندا ورىن العان جاعداي بويىنشا ءۇي-كۇيسىز قالعان وتانداستارىمىزدىڭ تاعدىرى ءبىزدى الاڭداتىپ, گۋمانيتارلىق كومەكتى العاشقىلاردىڭ ءبىرى بولىپ الىپ كەلۋگە سەبەپشى بولدى», دەدى «جاستار رەسۋرستىق ورتالىعى» كمم ديرەكتورى سۇندەت كەنجەباەۆ.
جۇك كولىگىنە نەگىزىنەن, ماكارون ونىمدەرى, ماي, كۇرىش, قانت, قاراقۇمىق, جەڭىل دايىندالاتىن تاماق ونىمدەرى, تاتتىلەر جانە مينەرالدى سۋسىندار تيەلدى.
ايتا كەتەيىك, گۋمانيتارلىق كومەكتى ۇيىمداستىرۋدا وتكەن جىلى سۋ تاسقىنىنان زارداپ شەككەن ورگەباس, فەرداۋسي اۋىلىنىڭ تۇرعىندارى جانە اۋداننىڭ كاسىپكەرلەرى بەلسەندىلىك تانىتتى.
