فۋتبول • 01 قىركۇيەك، 2021

فۋتبولدان ءاچ: قازاقستان ۋراينامەن تەڭ وينادى

103 رەت كورسەتىلدى

بۇگىن، 1 قىركۇيەكتە، فۋتبولدان 2022 جىلعى الەم چەمپيوناتىنا ىرىكتەۋ ساتىسىندا ەلوردادا قازاقستان قۇراماسى ۋكراينانى قابىلدادى، دەپ حابارلايدى Egemen.kz.

ەكى قۇراما اراسىنداعى العاشقى كەزدەسۋدە 1:1 ەسەبى تىركەلگەن بولاتىن. تۋرنير كەستەسىندە ۋكراينا ءۇش ۇپايمەن ەكىنشى ورىندا تۇرعان ەدى.

ال ءبىر ۇپاي ەنشىلەگەن قازاقستاندىقتار بەسىنشى ورىندا كەلە جاتقان بولاتىن. كوش باسىندا جەتى ۇپايمەن فرانتسيا تۇر. الەم چەمپيوناتى فينالدىق ساتىسىندا سىنعا ءتۇسۋ ءۇشىن ۋكرايندار جەڭىسكە جەتۋ جولىن ىزدەيتىنى بەلگىلى ەدى. سوندىقتان ولار ويىندى قارقىندى باستادى.

ناتيجەسىندە 2-مينۋتتا رومان يارەمچۋك قازاقستاندىق قۇراما قاقپاسىنان ساڭىلاۋ تاپتى.

بۇدان كەيىن قوس قۇراما تاراپىنان ەسەپتى وزگەرتەتىن بىرنەشە مۇمكىندىك بولدى. اسىرەسە، ۋكرايندار گول سوعاتىن ساتتەردە قاقپانى ءدال كوزدەي العان جوق. ەسەسىنە 74-مينۋتتا قازاقستاندىق جارتىلاي قورعاۋشى رۋسلان ۆاليۋللين تارازى باسىن تەڭەستىرىپ كەتتى. ال 93-مينۋتتا ۋكرايندىق دانيل سيكان گول سوقسا، رۋسلان ۆاليۋللين 95-مينۋتتا تاعى دا مەرگەندىگىمەن كوزگە ءتۇستى. كەزدەسۋ 2:2 ەسەبىمەن تەڭ اياقتالدى.

ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانتسيا، ۋكراينا، بوسنيا جانە گەرتسوگوۆينا، فينليانديا.

سونداي-اق بۇگىن اتالعان توپتا فرانتسيا مەن بوسنيا جانە گەرتسوگوۆينا قۇراماسىمەن كەزدەسەدى. ەندى قازاقستان سىرت الاڭدا 4 قىركۇيەكتە فينليانديامەن كەزدەسسە، 7 قىركۇيەكتە بوسنيا جانە گەرتسوگوۆينامەن شەبەرلىك بايقاسادى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار