جىل باسىنان بەرى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جامبىل وبلىسىنىڭ اۋماعىندا بارلىعى 2 توننا 23 كيلوگرامم ءتۇرلى ەسىرتكى زاتتارىن تاركىلەدى.
Polisia.kz تاراتقان اقپارات بويىنشا, «قاراسورا-2021» رەسپۋبليكالىق جەدەل الدىن الۋ ءىس-شاراسى اياسىندا جامبىل وبلىسى بايزاق اۋدانىنىڭ 49 جاستاعى تۇرعىنىنان جالپى سالماعى 928 كگ كاننابيس تابىلعان, سونداي-اق كۇدىكتىنى جەكە ءتىنتۋ كەزىندە 320 گرامم كاننابيس شايىرى تاركىلەنگەن.
قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى «ەسىرتكى زاتتارىن وتكىزۋ ماقساتىندا اسا ءىرى مولشەردە زاڭسىز ساقتاۋ» بويىنشا سوتقا دەيىنگى تەرگەۋ باستالدى. كىنالى ۋۇي-عا قامالدى.
اتالعان قىلمىسى ءۇشىن كىنالىنىڭ مۇلكى تاركىلەنىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىنا كەسىلەدى.
