الدىمەن جيىنعا قاتىسۋشىلار اپاتتان قازا بولعان ازاماتتاردى ءبىر مينۋت ۇنسىزدىكپەن ەسكە الدى.
جيىندا ءسوز العان ايماق باسشىسى بەردىبەك ساپارباەۆ: «وزدەرىڭىزگە بەلگىلى, مەملەكەت باسشىسى قاسىم-جومارت توقاەۆ قازا بولعان مارقۇمداردىڭ وتباسىنا كوڭىل ايتۋ جەدەلحاتىن جىبەردى. بۇل جاعدايدى ءاربىر قازاقستاندىق ورنى تولماس وكىنىش رەتىندە قابىلداپ, وزدەرىنىڭ قايعىعا ورتاقتاسىپ جاتىر. مەملەكەت باسشىسىنىڭ 2021 جىلعى 28 تامىزداعى №210 وكىمىمەن 29 تامىز جالپىۇلتتىق ازا تۇتۋ كۇنى بولىپ جاريالاندى. كۇنى كەشە قاسىم-جومارت كەمەل ۇلى «قازاقستان رەسپۋبليكاسىنا سىڭىرگەن اسا ۇزدىك ەڭبەگى, قىزمەتتىك بورىشىن اتقارۋدا كورسەتكەن ەرجۇرەكتىگى مەن جانقيارلىعى» ءۇشىن جامبىل وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى باستىعىنىڭ ورىنباسارى مەيىرجان قاقپاسىن ۇلى ايمانوۆقا «حالىق قاھارمانى» اتاعىن بەرۋ تۋرالى قاۋلىعى قول قويدى. ەرلىكپەن قازا تاپقان ازاماتتاردىڭ ارقايسىسى ماراپاتقا لايىقتى», دەدى ب.ساپارباەۆ.
مەملەكەتتىك ناگرادا مارقۇمنىڭ ۇلىنا تابىستالدى.
جيىن بارىسىندا ءوڭىر باسشىسى «حالىق قاھارمانى» مەيىرجان امانوۆتىڭ قۇرمەتىنە ەسكەرتكىش قويىلاتىن ايتتى.
«سونىمەن قاتار بەردىبەك ماشبەك ۇلى, قر قورعانىس جانە توتەنشە جاعدايلار ءمينيسترى «وڭتۇستىك» وڭىرلىك قولباسشىلىعى اسكەري باسقارماسىنا بارىپ, توتەنشە جاعداي كەزىندە قازا بولعان №28349 اسكەري ءبولىمىنىڭ ۆەدومستۆولىق كۇزەت كومانداسىنىڭ اتقىشى ورازبەك دالىباەۆتىڭ جارى مەن ۇلىنا III دارەجەلى «ايبىن» وردەنىن تاپسىردى», دەپ جازادى وبلىس اكىمىنىڭ ءباسپاسوز قىزمەتى.
