سولتۇستىك قازاقستان وبلىسىنىڭ تۋماسى, لوندون وليمپياداسىنىڭ چەمپيونى الەكساندر ۆينوكۋروۆتىڭ ەسىمى «گيننەستىڭ رەكوردتار كىتابىنا» ەندى.
سولتۇستىك قازاقستان وبلىسىنىڭ تۋماسى, لوندون وليمپياداسىنىڭ چەمپيونى الەكساندر ۆينوكۋروۆتىڭ ەسىمى «گيننەستىڭ رەكوردتار كىتابىنا» ەندى.
«گيننەستىڭ رەكوردتار كىتابى» ۆينوكۋروۆتى 2000 جىلى وليمپيادانىڭ كۇمىس مەدالىنەن كەيىن اراعا 12 جىل سالىپ, وليمپيادا چەمپيونى اتاعىن جەڭىپ العان تۇڭعىش سپورتشى رەتىندە تىزىمگە ەنگىزدى.
الەكساندر سولتۇستىك قازاقستان وبلىسىنداعى بەسكول دەگەن اۋىلدا تۋعان. ول 2000 جىلى وليمپياداعا قاتىسقان كەزدە «Deutche Telekom» كومانداسىنىڭ كاپيتانى يان ۋلريح پەن اندرەاس كليودەنمەن بىرگە مارەگە ءبىرىنشى كەلىپ, جۇلدەلى ورىنداردى ءوزارا بولىسكەن ەدى. سول كەزدە يان التىن مەدالدى, الەكساندر كۇمىس جۇلدەنى السا, ادرەاس ءۇشىنشى ورىندى يەلەنگەن بولاتىن.
سوڭعى ۋاقىتتا ۋلريحتىڭ دوپينگ قولدانعانى جايلى كوپ ايتىلىپ ءجۇر. ەگەر مۇنىسى اشكەرە بولسا, سيدنەيدىڭ التىن مەدالى دە ۆينوكۋروۆقا الىپ بەرىلەدى. ال لوندوندا جاسى 40-قا جاقىنداپ قالعان الەكساندر ۆينوكۋروۆتىڭ 250 شاقىرىمدىق جارىستا التىن جۇلدەنى جەڭىپ العانىن بىلەمىز.
ءبىزدىڭ بوكسشىلار ازيانىڭ ۇزدىگى
ازيا بوكس فەدەراتسياسى وتكەن جىلعى جۇمىستارىن قورىتىندىلاپ, قۇرلىقتىڭ ۇزدىكتەرىن انىقتادى.
وندا «جىلدىڭ ەڭ ۇزدىك ەر بوكسشىسى» نوميناتسياسى بويىنشا باس جۇلدەگە مەرەي اقشالوۆ يە بولدى. بۇل اتاقتى قۇرلىقتىق فەدەراتسيا اقشالوۆقا بىلتىر الەم جانە ازيا چەمپيوناتىن جەڭىپ العانى ءۇشىن بەردى. كەلەسى «جىلدىڭ ەڭ ۇزدىك جاس بوكسشىسى» اتاعىن دا قازاقستاندىق بوكسشى يەلەندى. بۇل نوميناتسيا بويىنشا سىيلىقتى ابىلايحان ءجۇسىپوۆ الدى. ول بىلتىر 57 كيلو سالماقتا ۋكراينانىڭ كيەۆ قالاسىندا وتكەن الەم چەمپيوناتىن ۇتىپ السا, شىمكەنتتە ازيا چەمپيونى اتانعان بولاتىن. قازىر ابىلايحان 16 جاستا. بۇكىلالەمدىك بوكس سەرياسى (WSB) قازاقستاندىق بىلعارى قولعاپ شەبەرى سامات باشەنوۆتى ازيانىڭ جىل بوكسشىسى دەپ اتادى. بىلتىر «Astana arlans» كومانداسىنىڭ قۇرامىندا WSB چەمپيونى اتانعان سامات بەس جەكپە-جەكتە جەڭىسكە جەتىپ, بىرەۋىندە عانا ۋكراين ۆاسيل لوماچەنكودان ەسە جىبەرگەن. حالىقارالىق اۋەسقوي بوكس فەدەراتسياسى ساماتتىڭ ونىڭ وسى تابىسىن لايىقتى باعالاپ, قۇرلىقتىڭ ۇزدىگى دەپ تانىدى.
ال قازاقستان بوكس فەدەراتسياسى 2013 جىلدىڭ «ازيا قۇرلىعىنداعى ەڭ ۇزدىك فەدەراتسيا» دەپ تانىلدى. سونىمەن بىرگە, «جىلدىڭ باستى جاڭالىعى» اتاعىن قىرعىز ازات ۇسەناليەۆ يەلەندى.
داستان كەنجالين,
«ەگەمەن قازاقستان».
