ەلباسى نۇرسۇلتان نازارباەۆتىڭ بيىلعى جولداۋىن تالقىلاۋعا ارنالعان وبلىس اكتيۆى بولىپ ءوتتى. «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداعان جولداۋىندا ەلباسى نۇرسۇلتان نازارباەۆ تاياۋ جىلدارى جانە كەلەشەكتە الدىمىزعا قويعان قاداۋ-قاداۋ جوسپاردى ايتىپ بەردى.
«قازاقستان-2050» ستراتەگياسى – ۇزدىكسىز ءوسۋدى ورىستەتۋ جولى
ەلباسى نۇرسۇلتان نازارباەۆتىڭ بيىلعى جولداۋىن تالقىلاۋعا ارنالعان وبلىس اكتيۆى بولىپ ءوتتى. «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداعان جولداۋىندا ەلباسى نۇرسۇلتان نازارباەۆ تاياۋ جىلدارى جانە كەلەشەكتە الدىمىزعا قويعان قاداۋ-قاداۋ جوسپاردى ايتىپ بەردى.
ماقسات بيىك, وعان جەتۋ ءۇشىن اتقارار جۇمىستىڭ قاراسى دا ۇلكەن. باستى ماقسات – قازاقستاننىڭ دۇنيەجۇزىندەگى ەڭ دامىعان 30 ەلدىڭ قاتارىنا ەنۋى. ال «ماڭگىلىك ەل» يدەياسى وسى ماقسات نەگىزىندە ءوزىنىڭ ىرگەتاسىن قالاپ وتىر. بۇل يدەيا قازاقستان تاريحىنداعى جاڭا ءداۋىر پاراعىنىڭ اشىلۋى دەسە دە بولعانداي.
– كەمەل بولاشاقتى قازىردەن باستاۋ ءۇشىن ءار قازاقستاندىق, ونىڭ ىشىندە ءار قوستانايلىق ەلباسى جولداۋىنىڭ ءار جولىنا قانىعۋى كەرەك. ويتكەنى, ءار جولدىڭ ارتىندا بارار باعىتىمىز, ءار ساننىڭ ارتىندا اتقارار ءىس تۇر. سوندىقتان وسىناۋ ماڭىزدى قۇجاتتى ءتۇسىندىرۋ جۇمىستارىن جۇرگىزۋ ءۇشىن الدىمەن ءبىز يدەولوگيالىق قۋاتىمىزدى جۇمىلدىرۋىمىز قاجەت, – دەدى وبلىس اكىمى نۇرالى ءسادۋاقاسوۆ وبلىس اكتيۆىنە جينالعاندار الدىندا.
مۇنان كەيىن وبلىس اكىمىنىڭ ورىنباسارى سەرىك بەكتۇرعانوۆ ەلباسى جولداۋىنىڭ نەگىزگى باعىتتارى جونىندە بايانداما جاسادى. سەرىك شىڭعىس ۇلى ەلباسى نۇرسۇلتان نازارباەۆتىڭ بيىلعى جولداۋى حالىققا 2012 جىلدىڭ اياعىندا جاريا ەتكەن «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىمەن ساباقتاس ەكەنىن ايتتى. 2012 جىلعى جولداۋ ەلىمىز دامۋىندا جاڭا ساياسي كەزەڭگە كوتەرىلگەنىن پاش ەتسە, بيىلعى جولداۋ ەلىمىز الدىنداعى بيىك ماقساتتاردىڭ جۇزەگە اسۋىنا جاڭا تىنىس بەرگەندەي. جاڭا تىنىس – ستراتەگيالىق جوسپارلاۋ ءححى عاسىردا ءومىر ءسۇرۋدىڭ ءبىرىنشى ەرەجەسى بولىپ تابىلادى. ۇزاق مەرزىمدى جوسپارمەن دامىپ كەلە جاتقان تۇركيا, قىتاي, مالايزيا سەكىلدى ەلدەر تۋرا جولدا ەكەنىن دالەلدەپ وتىر. ال «2050» ستراتەگياسى ەلدىڭ باستى ماقساتىنان اۋىتقىماي, العا ۇستاپ وتىراتىن نەگىزگى ءىس-قيمىلدىڭ تەمىرقازىعى بولادى.
اكتيۆتە وبلىستىق ارداگەرلەر كەڭەسىنىڭ توراعاسى كەنجەبەك ۋكين, «يۆولگا-حولدينگ» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ۆاسيلي روزينوۆ, «قارقىن» اگروفيرماسى» جشس ديرەكتورى سايران بۇقانوۆ, قوستاناي قالاسىنداعى №5 مەكتەپ-گيمنازيانىڭ ديرەكتورى ليديا سارىچەۆا, وبلىس ورتالىعىنداعى №4 ەمحانانىڭ باس دارىگەرى مارگاريتا بيسەنوۆا, جاستار ءىسى ءجونىندەگى باسقارما باسشىسى ءاليا ساپاروۆا جولداۋدا ايتىلعان ءبۇگىنگى كۇننىڭ وزەكتى ماسەلەلەرىنە توقتالدى. ولار ەلباسى نۇرسۇلتان نازارباەۆتىڭ بيىلعى جولداۋىن جارقىن كەلەشەككە اداستىرمايتىن ماڭىزدى قۇجات دەپ باعالادى.
ءماجىلىستى وبلىس اكىمى نۇرالى سادۋاقاسوۆ قورىتىندىلاپ, «ءماڭگىلىك ەل» يدەياسى ءوزىمىزدىڭ جارقىن بولاشاعىمىز ەكەنىن ايتا كەلىپ, ول جۇدىرىقتاي جۇمىلعاندا, وعان ۇلەس قوسۋدى اركىم ءوزىنىڭ پاراساتتى پارىزى دەپ ساناعاندا مۇمكىن ەكەنىن ايتتى.
ءنازيرا جارىمبەتوۆا,
«ەگەمەن قازاقستان».
قوستاناي.
