ەلىمىزدە قۇبىلمالى اۋا رايى ازىرگە ساقتالادى. رەسپۋبليكانىڭ بىرقاتار ايماقتارىندا قار جاۋىپ, بۇرقاسىنداتادى, جەل ۇيىتقىپ, كوكتايعاق جانە تۇمان بولادى. بۇل تۋرالى Total.kz حابارلادى.
سينوپتيكتەردىڭ بولجامىنشا, سولتۇستىك ايماقتاردا, استانادا كۇن رايى 28-31 گرادۋسقا دەيىن سۋىتادى. سونداي-اق وسىنداي اياز جاقىن كۇندەرى ەلىمىزدىڭ وڭتۇستىگىندە دە ورىن الماق.
رەسپۋبليكانىڭ بارلىق ايماقتارىندا وكپەك جەل مەن كوكتايعاق بولادى دەپ كۇتىلۋدە. ۇيىتقي سوققان جەلدىڭ جىلدامدىعى ساعاتىنا 20-25 مەترگە دەيىن بارۋى مۇمكىن. بۇرقاسىن اقمولا, قوستاناي, قاراعاندى وبلىستارىندا بولادى دەپ بولجانۋدا. اقتوبە وبلىسىندا بوراندى جەلدىڭ كۇشەيۋى 15-20 م/س بولسا, باتىس قازاقستان وبلىسىندا تۇمان مەن كوكتايعاق بولىپ, جەلدىڭ ۇيىتقۋى 20 م/س-عا دەيىن بارادى دەپ كۇتىلۋدە. اتىراۋ وبلىسىندا كۇشتى جەل 15 م/س-عا دەيىن بولماق. ال الماتى, وڭتۇستىك قازاقستان وبلىستارىندا تۇمان مەن كوكتايعاق قاتار بولادى دەپ ەسەپتەلسە, قىزىلوردا وبلىسىندا اۋانىڭ تەمپەراتۋراسى 27-30 گرادۋسقا دەيىن تومەندەيتىنى ايتىلىپ وتىر.
ءابدىراحمان قىدىربەك.
دەرەككوز: Total.kz
فوتو: Piter.tv
