سولتۇستىك قازاقستان وبلىسىنىڭ تۋماسى, لوندون وليمپياداسىنىڭ چەمپيونى الەكساندر ۆينوكۋروۆتىڭ ەسىمى «گيننەستىڭ رەكوردتار كىتابىنا» ەندى. بۇل تۋرالى egemen.kz ءتىلشىسى حابارلادى.
«گيننەستىڭ رەكوردتار كىتابى» ۆينوكۋروۆتىڭ 2000 جىلى وليمپيادانىڭ كۇمىس مەدالى مەن 2012 جىلى اراعا 12 جىل سالىپ, وليمپيادا چەمپيونى اتاعىن جەڭىپ العانى ءۇشىن رەكوردتار كىتابىنا ەنگىزدى.
الەكساندر سولتۇستىك قازاقستان وبلىسىنداعى بەسكول دەگەن اۋىلدا تۋعان. ول 2000 جىلى وليمپياداعا قاتىسقان كەزدە «Deutche Telekom» كومانداسىنىڭ كاپيتانى يان ۋلريح پەن اندرەاس كليودەنمەن بىرگە مارەگە ءبىرىنشى كەلىپ, جۇلدەلى ورىنداردى ءوزارا بولىسكەن ەدى. سول كەزدە يان التىن مەدالدى, الەكساندر كۇمىس جۇلدەنى السا, ادرەاس ءۇشىنشى ورىندى يەلەنگەن بولاتىن.
سوڭعى ۋاقىتتا ۋلريحتىڭ دوپينگ قولدانعانى جايلى كوپ ايتىلىپ ءجۇر. ەگەر مۇنىسى اشكەرە بولسا, سيدنەيدىڭ التىن مەدالى ۆينوكۋروۆقا الىپ بەرىلەدى. ال لوندوندا جاسى 40-قا جاقىنداپ قالعان الەكساندردىڭ 250 شاقىرىمدىق جارىستا ءبىر توپ سپورتشىنىڭ بۇرىلىستا قۇلاعان ءساتىن ءساتتى پايدالانىپ, التىن جۇلدەنى جەڭىپ العانىن بىلەمىز.
داستان كەنجالين.
دەرەككوز:proteam-astana.com
