اقش پرەزيدەنتى دجو بايدەن حالىققا ۇندەۋ جولداپ, تابيعي اپاتتان زارداپ شەككەن وتباسىلارعا كوڭىل ايتتى. سونىمەن قاتار ول اكىمشىلىك جەرگىلىكتى حالىققا «وسىنداي قيىن ساتتە» كەز كەلگەن كومەك كورسەتۋگە دايىن ەكەنىن جەتكىزدى.
تەننەسسيدەگى سۋ تاسقىنىنا جۇمادان بەرى جاۋعان نوسەر سەبەپ بولعان. كەيبىر قالادا ءبىر كۇندىك جاۋىن-شاشىن مولشەرى بويىنشا رەكورد جاڭارعان. تەننەسسي شتاتىنىڭ توتەنشە جاعدايلار اگەنتتىگى سۋ تاسقىنى قاۋپىنىڭ ءۇشىنشى دەڭگەيىن جاريالاپ, تۇرعىنداردى كولىك جۇرگىزبەۋگە, سۋ باسقان جولداردان اۋلاق بولۋعا شاقىردى.
ەڭ قاتتى زارداپ شەككەن اۋداننىڭ ءبىرى حامفريس وكرۋگىندەگى ۋاۆەرلي قالاسى.
