ەلباسىنىڭ ءداستۇرلى جولداۋىن تەلەديدار ارقىلى مۇقيات تىڭداپ, باسپاسوزدەن دە ەگجەي-تەگجەيلى وقىپ شىقتىم. بۇلايشا اسا ىقىلاس قويۋىمنىڭ ءجونى بار. وندا جاڭا مىندەتتەر جۇكتەلەتىن باعدارلامالىق باعىت مەن ءۇشىن ۇلكەن شارۋاشىلىق جەتەكشىسى رەتىندە ماڭىزدى بولۋىمەن بىرگە, جالپى ەلىمىز ەكونوميكاسى مەن الەۋمەتتىك, قوعامدىق دامۋ جولدارىن بايىپتاپ, سارالاۋعا وي تەرەڭدەتۋىمەن ءمانى ءبىر بولەك ارقاشان. شىندىعىن ايتقاندا, سەرىكتەستىكتىڭ ءار جىلداعى كەزەكتى جۇمىس جوسپارىن ناقتى ايقىنداپ, سونى مەجەلەر بەلگىلەۋدى جولداۋدا العا قويىلاتىن تاپسىرمالارعا سايكەس جوبالاۋدى كۇتىپ وتىرامىز. باستى ءىس-شارالار سيپاتى سودان تۋىندايدى. البەتتە, بۇل رەتتە نەگىزگى سالامىزعا بايلانىستى ءتۇيىندى ماسەلەلەر شەشىمىن تابۋعا باسا كوڭىل بولىنەدى.
ەلباسىنىڭ ءداستۇرلى جولداۋىن تەلەديدار ارقىلى مۇقيات تىڭداپ, باسپاسوزدەن دە ەگجەي-تەگجەيلى وقىپ شىقتىم. بۇلايشا اسا ىقىلاس قويۋىمنىڭ ءجونى بار. وندا جاڭا مىندەتتەر جۇكتەلەتىن باعدارلامالىق باعىت مەن ءۇشىن ۇلكەن شارۋاشىلىق جەتەكشىسى رەتىندە ماڭىزدى بولۋىمەن بىرگە, جالپى ەلىمىز ەكونوميكاسى مەن الەۋمەتتىك, قوعامدىق دامۋ جولدارىن بايىپتاپ, سارالاۋعا وي تەرەڭدەتۋىمەن ءمانى ءبىر بولەك ارقاشان. شىندىعىن ايتقاندا, سەرىكتەستىكتىڭ ءار جىلداعى كەزەكتى جۇمىس جوسپارىن ناقتى ايقىنداپ, سونى مەجەلەر بەلگىلەۋدى جولداۋدا العا قويىلاتىن تاپسىرمالارعا سايكەس جوبالاۋدى كۇتىپ وتىرامىز. باستى ءىس-شارالار سيپاتى سودان تۋىندايدى. البەتتە, بۇل رەتتە نەگىزگى سالامىزعا بايلانىستى ءتۇيىندى ماسەلەلەر شەشىمىن تابۋعا باسا كوڭىل بولىنەدى.
رەسپۋبليكامىزدىڭ ودان ءارى دامۋىنىڭ نۇسقاسى انىقتالعان وسى قۇجاتتا اۋىل شارۋاشىلىعى ءوندىرىسىن ارتتىرۋعا قاجەتتى باعدار دا قاداپ ايتىلعانداي, الەمدىك نارىقتا ازىق-ت ۇلىككە سۇرانىس ءوسىپ وتىرعان جاعدايدا سالانى جاڭعىرتۋدا ەش بوساڭدىق بولماۋىن تۇسىنەمىز. جاڭا جولداۋدا «قازاقستاننىڭ اگروونەركاسىپ كەشەنىنىڭ يننوۆاتسيالىق باعىتقا كوشۋىن قامتاماسىز ەتۋ ماڭىزدى», دەپ ايقىن كورسەتىلدى. سوندىقتان ءىستى عىلىمي نەگىزدە ۇيىمداستىرۋ, اگروتەحنولوگيالىق جاڭالىقتار ۇردىسىندە جۇرگىزۋ تالاپقا اينالادى.
ءبىر ءتاۋىرى, ۇمتىلىسىمىز ءناتيجەسى كوڭىلدەگىدەي دەۋگە بولادى. ونى قولداۋعا ارنالعان مەملەكەتتىك قامقورلىقتىڭ ارقاسىندا نىعايا تۇسۋدەگى شارۋاشىلىعىمىزدىڭ ەكونوميكالىق ءال-قۋاتى قانداي دا مىندەتتى ىسكە اسىرۋعا مۇمكىندىك بەرەتىندەي دەڭگەيگە كوتەرىلگەنىن ايتا الامىز. بۇگىندە 30 مىڭنان استام گەكتار القاپقا ەگىن ەگۋىمىزبەن قوسا, مال سانىن ۇلعايتۋعا بەت بۇرۋىمىز سونىڭ جارقىن دالەلى. بۇرىنعىعا قاراعاندا ەڭبەككەرلەرىمىزدىڭ جۇمىس جاعدايى اناعۇرلىم جاقساردى. كوكتەمگى تۇقىم سەبۋ, ەگىن وراعى سياقتى ناۋقاندار جاڭادان ساتىپ الىنىپ, تولىقتىرىلعان زاماناۋي ۇلگىدەگى تەحنيكالار كۇشىمەن جىلدام ءارى ساپالى اتقارىلادى. ءسويتىپ, استىق ونىمدەرىن ەكسپورتقا شىعارۋعا دا قول جەتكىزىلە باستادى.
تەك سونىمەن شەكتەلىپ وتىرعانىمىز جوق. سەرىكتەستىك ءىرى قارا تۇقىمىن اسىلداندىرۋدى قولعا الىپ, مال بورداقىلاۋ ورنىن اشتى. وندا ءوسىرىلەتىن قوڭدىلىعى جوعارى مالدار ەتى سىرتقى رىنوكقا جىبەرىلەدى. «قازاقستان-2050» ستراتەگياسىندا مەملەكەتىمىزدىڭ الدىندا تۇرعان ۇلكەن ماقساتتاردىڭ ءبىرى اۋىلشارۋاشىلىق ونىمدەرىنىڭ ەكسپورتتىق الەۋەتىن ارتتىرۋعا, باسەكەگە قابىلەتتىلىگىن كۇشەيتۋگە باسىمدىق بەرىلىپ وتىر.
جاڭا جىلداعى ەلىمىز وركەندەۋىنىڭ تىڭ باعىتىن نەگىزدەگەن, جاسامپازدىق جۇمىستارعا جىگەرلەندىرگەن تۇڭعىش پرەزيدەنتىمىز جولداۋىنداعى ءمىندەتتەر ۇجىم مۇشەلەرى اراسىندا زور سەرپىلىس تۋعىزدى. ءوز ومىرلەرىن جاقسارتۋعا, مەملەكەت مەرەيىن وسىرۋگە باعىتتالعان ورتاق ماقساتتىڭ بيىگىنە جەتۋگە ۇلەس قوسۋ ارقايسىسىنىڭ قاسيەتتى بورىشى بولاتىنى انىق.
سەيىتجاپپار نىعمەتوۆ,
«قاينار» جشس جەتەكشىسى.
قاراعاندى وبلىسى,
نۇرا اۋدانى.
