«جالپى ەپيدەميولوگيالىق جاعداي تۇراقتالىپ كەلەدى. ۆيرۋستىڭ رەپرودۋكتيۆتىلىك يندەكسى – 0,97. اۋرۋحانالارداعى ورىن 53 جانە رەانيماتسيالىق بولىمدەرى 47 پايىزعا جۇكتەلگەن. ۆاكتسينانىڭ ءبىرىنشى كومپونەنتىن سالدىرعاندار سانى 6,1 ملن ادامنان استى, ەكىنشى كومپونەنت 4,8 ملن-نان استام ادامعا سالىندى», دەدى ۇكىمەت باسشىسى.
ونىڭ اتاپ وتۋىنشە, تۇركىستان وبلىسى جانە الماتى مەن شىمكەنت قالالارىندا ۆاكتسينا سالۋ قارقىنى جاقسى. ال ماڭعىستاۋ, اتىراۋ, قوستاناي جانە باتىس قازاقستان وبلىستارىندا ۆاكتسينا سالۋ قارقىنىن كۇشەيتۋ كەرەك. ۆاكتسينا قورىن تولىقتىرۋ شارالارى قابىلدانىپ جاتىر.
«وقۋ جىلىنا دايىندىق اياسىندا مۇعالىمدەرگە ۆاكتسينا سالۋدى 25 تامىزعا قاراي اياقتاپ, وقۋ ورىندارىنىڭ دايىندىعىن باقىلاۋدى كۇشەيتۋ قاجەت», دەدى اسقار مامين.
