مەملەكەت باسشىسىنا ۇ.قارابالين مينيسترلىكتىڭ 2013 جىلعى قىزمەتىنىڭ قورىتىندىلارى, قازىرگى كەزەڭدەگى جوسپارلار جانە سالاداعى پرەزيدەنتتىڭ قازاقستان حالقىنا جولداۋىنان تۋىندايتىن ستراتەگيالىق مىندەتتەر تۋرالى باياندادى.
نۇرسۇلتان نازارباەۆ ينۆەستيتسيا تارتۋدىڭ جانە سالانى يننوۆاتسيالىق دامىتۋ جونىندەگى جۇمىستى كۇشەيتۋدىڭ ماڭىزدىلىعىن اتاپ ءوتتى, سونداي-اق, ءىرى مۇناي-گاز كەن ورىندارى مەن نىساندارىنىڭ توڭىرەگىنەن وندىرىستىك كلاستەرلەر قۇرۋ قاجەتتىگىنە ەرەكشە نازار اۋداردى.
كەزدەسۋ بارىسىندا مينيستر مەملەكەت باسشىسىنا قازاق مۇناي جانە گاز ينستيتۋتىنىڭ جەتەكشىلىگىمەن عىلىمي-زەرتتەۋ ۇيىمدارى توبى ازىرلەگەن قازاقستاننىڭ پەرسپەكتيۆالىق مۇناي-گازى بار باسسەيندەرى اتلاسىن تانىستىردى. اتلاس وڭىرلىك گەولوگيالىق بارلاۋدا ودان ءارى پەرسپەكتيۆالىق جۇمىستاردى قاراستىرۋعا مۇمكىندىك بەرەدى.
بۇعان قوسا, مينيستر قازاقستاننىڭ 15 شوگىندى الابىنا كەشەندى زەرتتەۋلەر جۇرگىزۋ جونىندەگى جۇمىس قورىتىندىلارى, سونداي-اق, ەلىمىزدە وتاندىق گەولوگيالىق بارلاۋدىڭ پەرسپەكتيۆالارى مەن مۇناي-سەرۆيستىك كلاستەرلەرىن قالىپتاستىرۋ تۋرالى باياندادى.
2013 جىلدىڭ قورىتىندىسى بويىنشا رەسپۋبليكادا 81,8 ملن. توننا شيكى مۇناي ءوندىرىلدى, ياعني 2012 جىلمەن سالىستىرعاندا, 103,2%-عا جەتتى. وڭدەلگەن گاز كولەمى وتكەن جىلى ەلىمىزدە 42,3 ملرد. تەكشە مەتر, ال وڭدەلگەن مۇناي كولەمى 14,3 ملن. توننا بولدى. 2014 جىلى 83 ملن. توننا مۇناي جانە 41 ملرد. تەكشە مەتر گاز ءوندىرۋ, 14,7 ملن. توننا مۇناي وڭدەۋ جوسپارلانىپ وتىر.
كەزدەسۋ قورىتىندىسىندا مەملەكەت باسشىسى قارالعان ماسەلەلەر بويىنشا بىرقاتار ناقتى تاپسىرمالار بەردى.
