21 قاڭتار، 2014

قازاقستان – كاتار: ارىپتەستىكتىڭ جاڭا بەلەسى

138 رەت كورسەتىلدى

جەكسەنبى كۇنى قا­زاق­ستانعا رەسمي ساپارمەن كاتار مەملەكەتىنىڭ ءامىرى شەيح تاميم بەن حاماد ءال-تاني كەلدى. بۇل – ءامىردىڭ كاتار تاعىنا وتىرعان ۋا­قىتتان بەرگى شەتەلگە ال­عاشقى ساپارلارىنىڭ ءبىرى. سەبەبى، ءداستۇرلى مونارحيا ور­ناعان مەملەكەتتىڭ شەيحى بۇل تاققا 2013 جىلدىڭ 25 ماۋ­سىمىندا عانا مۇراگەرلىك جولمەن كەلگەن بولاتىن.

20-01-02

 

20-01-02

جەكسەنبى كۇنى قا­زاق­ستانعا رەسمي ساپارمەن كاتار مەملەكەتىنىڭ ءامىرى شەيح تاميم بەن حاماد ءال-تاني كەلدى. بۇل – ءامىردىڭ كاتار تاعىنا وتىرعان ۋا­قىتتان بەرگى شەتەلگە ال­عاشقى ساپارلارىنىڭ ءبىرى. سەبەبى، ءداستۇرلى مونارحيا ور­ناعان مەملەكەتتىڭ شەيحى بۇل تاققا 2013 جىلدىڭ 25 ماۋ­سىمىندا عانا مۇراگەرلىك جولمەن كەلگەن بولاتىن.

20-01-03

كاتار – پارسى شىعاناعىندا­عى 2 ملن.-عا جۋىق حالقى بار، الەمدەگى ىشكى جالپى ءونىم مولشەرى جاعىنان قارقىندى دامىپ كەلە جاتقان مەملەكەتتەردىڭ ءبىرى. سۇيىتىلعان گازدىڭ ءىرى تاسىمالداۋشىسى سانالاتىن بۇل ەل تابيعي گاز قورى جونىنەن دۇنيەجۇزى بويىنشا ءۇشىنشى ورىنعا تۇراقتاعان. بۇل مۇسىلمان مەملەكەتىندە مۇناي قورى دا وراسان. ونىڭ مۇناي مەن مۇناي ونىمدەرىن ەكسپورتتاۋشى ەلدەردىڭ كوش باسىندا تۇرۋى – وسىنىڭ ايعاعى.

قازاقستان مەن كاتاردىڭ ەكونوميكالىق قۇرىلىمىندا ۇق­ساس تۇستار بولعاندىقتان، ەكى ەل اراسىنداعى ديپلوماتيالىق بايلانىستار ءار باعىتتا جاقسى جولعا قويىلعان. ماسەلەن، ەكىجاقتى ىنتىماقتاستىقتىڭ ماڭىزدى تەتىگىنىڭ ءبىرى رەتىندە جوعارى دەڭگەيدەگى قازاقستان – كاتار بىرلەسكەن ۇكىمەتارالىق كوميسسيا­سىن اتاۋعا بولادى. بۇگىنگى كۇنگە دەيىن بۇل كوميسسيانىڭ 3 وتىرىسى ۇيىمداستىرىلسا، سونىڭ بىرەۋى دوحادا، ەكەۋى استانادا وتكەن ەكەن. قازاقستان كاتاردىڭ ورتالىق بانك سەكتورىمەن دە ايتارلىقتاي ۋاعدالاستىقتارعا قول جەتكىزگەن. قوس مەملەكەت مۇناي جانە گاز، اۋىل شارۋاشىلىعى، كولىك، قۇقىق قورعاۋ سالالارى بويىنشا ءوزارا ىقپالداستىققا ىنتا تانىتىپ كەلەدى. قازاقستان ەكسپو-2017 حا­لىقارالىق كورمەسىن وتكىزۋ ءۇشىن كاتاردان ينۆەستيتسيا­ تارتۋ ماسەلەسىن دە جولعا قويعان. 2013 جىلدىڭ قاراشا ايىن­دا دوحادا «استانا ەكسپو-2017» ۇك» اق باسقار­ما توراعاسى ت.ەرمەگياەۆتىڭ «Qatari Diar» كومپانياسىنىڭ باسشىسىمەن كەزدەسۋىنەن دە وسىنى ايقىن اڭعارۋعا بولادى. ەكى ەل مادەني-گۋمانيتارلىق سالالار بويىنشا دا ءوزارا ارىپتەستىك بايلانىس ورناتىپ ۇلگەرگەن.

20-01-04

اقوردادا وتكەن ەكىجاقتى كەزدەسۋدە نۇرسۇلتان نازارباەۆ پەن شەيح تاميم بەن حاماد ءال-تاني قازاقستان مەن كاتار اراسىنداعى ىقپالداستىقتىڭ دامۋ قارقىنىن ودان ءارى ىلگەرىلەتەتىن بىرقاتار سالالار جونىندە اڭگىمە قوزعاي وتىرىپ، ەكىجاقتى ىنتىماقتاستىقتىڭ، اتاپ ايتقاندا، ينۆەستيتسيالىق جانە ساۋدا-ەكونوميكالىق سالالاردىڭ نەگىزگى باعىتتارىن تالقى تارازىسىنا سالدى. سونداي-اق، ەكى ەلدىڭ ءوزارا ىقپالداستىعىن بىرلەسكەن جوبالاردى ىسكە اسىرۋ ارقىلى جانداندىرۋعا بولاتىنىن اتاپ ءوتتى.

قازاقستان پرەزيدەنتى كاتار ءامىرىنىڭ ەلىمىزگە جاساعان ساپارى ونىڭ كاتار تاعىنا وتىرعان كەزدەن بەرگى شەتەلگە العاشقى ساپارلارىنىڭ ءبىرى بولىپ تابىلاتىنىنا توقتالدى. «ءسىزدى كاتار ءامىرى جاۋاپتى لاۋازىمىن يەلەنۋىڭىزبەن قۇتتىقتايمىن، دەنساۋلىق جانە قىزمەتتە تابىستار تىلەيمىن. ءسىزدىڭ اكەڭىز حاماد بەن حاليف ءال-تانيمەن بىرنەشە رەت كەزدەسكەنبىز. ول بىرنەشە رەت قازاقستانعا كەلگەن بولاتىن. سونداي-اق، مەن دە كاتاردا ساپارمەن بولدىم. ءبىز، اسىرەسە، ەكونوميكالىق ءوزارا ءىس-قيمىل سالاسىندا ءتيىمدى قارىم-قاتىناستار ورناتۋعا مۇددەلىمىز. قازاقستان مەن كاتاردىڭ ەكو­نوميكالىق قۇرىلىمىندا ءبىر­قاتار ۇقساستىقتار بار. بۇگىندە كاتار مۇناي مەن گاز كولەمى جاعىنان وڭىردەگى جانە الەمدەگى جەتەكشى مەملەكەتتەردىڭ بىرىنە اينالدى. قازاقستاننىڭ جەر قويناۋىندا دا بايلىق مول. سوندىقتان بىرلەسىپ جۇمىس ىستەۋگە مۇمكىندىك جەتكىلىكتى. بۇل باعىتتا ەكى ەل ۆەدومستۆولارى كوپ جۇمىس جاسادى، قول قويۋ ءۇشىن بىرقاتار قۇجاتتار دايىندالدى. ولار، اتاپ ايتقاندا، قوسارلانعان سالىق سالۋدى بولدىرماۋ تۋرالى كونۆەنتسيا جانە ەكى ەلدىڭ قورلارى اراسىنداعى ءوزارا تۇسىنىستىك تۋرالى مەموراندۋم»، – دەدى مەملەكەت باسشىسى.

كاتار ءامىرى كەزدەسۋ مەن قوناق­جايلىلىق ءۇشىن العىسىن ايتتى جانە ءوزىنىڭ اكەسى حاماد بەن حاليف ءال-ءتانيدىڭ سالەمىن جەتكىزدى.

شاعىن قۇرامداعى كەزدەسۋدەن كەيىن تاراپتار كەڭەيتىلگەن قۇرامدا كەلىسسوز جۇرگىزىپ، بۇل كەلىسسوز بارىسىندا نۇرسۇلتان نازارباەۆ تاميم بەن حاماد ءال-ءتانيدىڭ قازاقستانعا تۇڭعىش ساپارى ەكىجاقتى قارىم-قاتىناستاردى جاڭا ساپالى دەڭگەيگە كوتەرەتىنىنە سەنىم ءبىلدىردى. «قازاقستان تاۋەل­سىز­دىگىن العالى بەرى نەبارى 22 جىل ءوتتى. ءبىزدىڭ 2،3 ملرد. دوللارعا دا جەتپەيتىن ەكونوميكامىز بار ەدى. بۇگىندە ەكونوميكامىزدى ىلگەرىلەتە وتىرىپ، ونى 230 ملرد. دوللار دەڭگەيىنە جەتكىزدىك. قازىردىڭ وزىندە، داعدارىسقا قاراماستان، ىشكى جالپى ءونىم 6 پايىزعا ءوسىپ، ەلىمىزدىڭ ەكونوميكاسى قارقىندى تۇردە دامىپ كەلەدى. بۇل ساپار ەكى ەلدىڭ اراسىنداعى قارىم-قاتىناستى جاڭا دەڭگەيگە جەتكىزەدى دەپ سەنەمىز»، – دەدى قازاقستان پرەزيدەنتى.

ءوز كەزەگىندە كاتار ءامىرى بۇل كەزدەسۋ ەكى ەلدىڭ ءوزارا ىقپالداستىعىن ودان ءارى دامىتۋعا سەپتىگىن تيگىزەتىنىن اتاپ ءوتتى. «بىزگە كورسەتكەن قوناقجايلىلىعىڭىز ءۇشىن العىسىمىزدى بىلدىرەمىز. بۇگىنگى كەزدەسۋ كاتار مەن قازاقستان اراسىنداعى بايلانىس­تاردى ودان ءارى نىعايتۋعا جول اشادى دەپ سەنەمىن»، دەدى ول بۇل رەتتە. سونداي-اق، كاتار ءامىرى مۇنداي كەلىسسوزدەر تاراپتاردىڭ ەكىجاقتى قارىم-قاتىناستار ماسەلەلەرىن، وڭىردەگى احۋالدى قاراستىرۋعا مۇمكىندىك بەرگەنىنە توقتالدى.

كەڭەيتىلگەن قۇرامداعى كە­لىسسوزدەن كەيىن قازاقستان ۇكىمەتى مەن كاتار ۇكىمەتى اراسىنداعى قوسارلانعان سالىق سالۋدى بولدىرماۋ جانە تابىسقا سالىناتىن سالىقتان جالتارۋعا جول بەرمەۋ تۋرالى كونۆەنتسياعا جانە «تاۋ-كەن سامۇرىق» ۇك» اق پەن «Qatar Mining Company QSC» اراسىنداعى ىنتىماقتاستىق تۋرالى كەلىسىمگە قول قويىلدى. بۇل كۇنى تاراپتار، سونداي-اق، «سامۇرىق-قازىنا» ۇلتتىق ءال-اۋقات قورى» اق پەن كاتار ينۆەستيتسيالىق قورى اراسىنداعى ءوزارا تۇسىنىستىك تۋرالى مەموراندۋمدى بەكىتتى.

قازاقستان پرەزيدەنتى مەن كاتار ءامىرى كەلىسسوزدەردەن كەيىن جوعارى دەڭگەيدەگى مۇنداي كەزدەسۋلەر مەن بۇگىنگى كۇنگە دەيىنگى قول جەتكىزىلگەن ۋاعدالاستىقتار تابىستاردى ەسەلەۋگە مۇمكىندىك بەرىپ قانا قويماي، ەكىجاقتى ىنتىماقتاستىقتىڭ جاڭا باعىت­تارىن ايقىنداۋعا جول اشاتىنىنا سەنىم ءبىلدىردى.

ءلايلا ەدىلقىزى،

«ەگەمەن قازاقستان».

-----------------------------------------

سۋرەتتەردى تۇسىرگەندەر

س.بوندارەنكو، ب.وتارباەۆ.

سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار