استاناداعى تاۋەلسىزدىك سارايىندا ەلباسى نۇرسۇلتان نازارباەۆ حالىققا ارناعان ءداستۇرلى جولداۋىن زور ىقىلاسپەن تىڭدادىق. العان اسەرىمىز ءبولەكشە. بارشا قازاقستان ازاماتتارى اسا زور ىقىلاسپەن قابىل العان بيىلعى جولداۋ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى كەڭ اۋقىمدى تاقىرىپتى قامتىدى.
استاناداعى تاۋەلسىزدىك سارايىندا ەلباسى نۇرسۇلتان نازارباەۆ حالىققا ارناعان ءداستۇرلى جولداۋىن زور ىقىلاسپەن تىڭدادىق. العان اسەرىمىز ءبولەكشە. بارشا قازاقستان ازاماتتارى اسا زور ىقىلاسپەن قابىل العان بيىلعى جولداۋ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى كەڭ اۋقىمدى تاقىرىپتى قامتىدى.
تەرەڭ ماعىناعا يە ءاربىر جاڭا جولداۋ – ەڭ الدىمەن ەگەمەن ەلىمىزدىڭ ەرتەڭگى جارقىن بولاشاعىنا باستار باستى باعىت. ءسوز جوق, ەلباسىنىڭ بۇعان دەيىنگى ءاربىر جولداۋىنىڭ ءوزى –قۇندى دا ماڭىزدى ستراتەگيالىق قۇجات. بيىلعى جولداۋدىڭ وزەگى «قازاقستان-2050» ستراتەگياسىن جۇزەگە اسىرۋعا نەگىزدەلگەندىكتەن, قوعامداعى ءار سالاعا اسا جوعارى مىندەتتەر جۇكتەلىپ وتىر. بۇل جولى دا مەملەكەت باسشىسى ءوز جولداۋىندا حالىقتى تولعاندىرىپ جۇرگەن تۇيتكىلدى پروبلەمالارعا ايرىقشا ءمان بەرىپ, كەلەلى ماسەلەلەرگە ەرەكشە توقتالدى. ەلباسىنىڭ يندۋستريالىق-يننوۆاتسيالىق باعدارلامالاردى جۇزەگە اسىرۋ ارقىلى حالىقتى ەڭبەكپەن قامتۋ, زامانعا لايىق ساپالى ءبىلىم بەرۋ, عىلىم مەن ەكونوميكانى دامىتۋ, ۇلتتىق پاتريوتيزمگە سەرپىن بەرۋ, جاڭا تەحنولوگيالاردى يگەرۋ سىندى ماڭىزدى ماسەلەلەردى كوزدەگەن ناقتى تاپسىرمالارى كوپتىڭ كوكەيىندەگى ويدى ءدوپ باستى.
ەكونوميكالىق ماسەلەلەرگە باسىمدىق بەرىلگەن ەلباسى جولداۋىندا الداعى ۋاقىتتا ءىشكى جالپى ونىمدەگى ينۆەستيتسيا اۋقىمىن بۇگىنگى 8-18 پايىزدان 30 پايىزعا دەيىن جەتكىزۋ قاجەتتىلىگى ايتىلدى. وسى ورايدا ەلباسى ەكونوميكانىڭ جاڭا جوعارى تەحنولوگيالىق سالالارىن قۇرۋ مەن عىلىمدى قارجىلاندىرۋدى ارتتىرۋ قاجەتتىلىگىن دە ناقتىلادى. پرەزيدەنت ەلىمىزدىڭ يندۋستريالىق-يننوۆاتسيالىق دامۋ باعىتىن ەكونوميكالىق الەۋەتىمىزدى ارتتىرۋعا نەگىزدەۋ بارىسىن جەتىلدىرە وتىرىپ, ۇكىمەتكە اۋىل شارۋاشىلىعىن مەيلىنشە جانداندىرۋدى جانە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا قۇرعاقشىلىققا ءتوزىمدى, گەندىك موديفيكاتسيالانعان داقىلداردى ەنگىزۋ, تاجىريبەلىك اگرويننوۆاتسيالىق كلاستەرلەر قۇرۋ ماسەلەسىن قاراستىرۋدى, جالپى, اگرارلىق عىلىمدى دامىتۋدى تاپسىردى.
جولداۋدا ايتىلعانداي, ەلباسى ۇكىمەتكە 2015 جىلدىڭ 1 شىلدەسىنەن ازاماتتىق قىزمەتشىلەرگە ەڭبەكاقى تولەۋدىڭ جاڭا مودەلىن جاساپ, ەنگىزۋدى تاپسىردى. وسى ورايدا الداعى ۋاقىتتا ءبىلىم بەرۋ سالاسى قىزمەتكەرلەرىنىڭ جالاقىسىن – 29 پايىزعا دەيىن ارتتىرۋ كوزدەلدى. بۇعان قوسا 2050 جىلعا دەيىن قازاقستانعا ءبىلىم بەرۋدىڭ بارلىق بۋىندارىن جاقسارتۋ بويىنشا ەلەۋلى جۇمىستار بار. مەملەكەت باسشىسىنىڭ ايتۋىنشا, 2050 جىلعا دەيىن قازاقستانعا ءبىلىم بەرۋدىڭ بارلىق بۋىندارىن جاقسارتۋ بويىنشا ەلەۋلى جۇمىس اتقارىلماق. سوندىقتان دا جاستاردىڭ ورتا تەحنيكالىق ءبىلىم الۋىنىڭ مەملەكەتپەن كەپىلدەندىرىلگەن ۇلتتىق جۇيەسىنە كوشۋ قاراستىرىلماق.
پرەزيدەنت جولداۋىندا جاستار ساياساتى ماسەلەسى مەن ولاردىڭ وزىق ءبىلىم الۋىن قامتاماسىز ەتۋ جايى دا نازاردان تىس قالعان جوق. ەلباسى جوعارى ۇلگەرىمى بار ستۋدەنتتەردى قولداۋدىڭ ءتيىمدى جۇيەسىن قۇرۋ قاجەتتىلىگىنە توقتالىپ, ۇكىمەتكە 2016 جىلدىڭ 1 قاڭتارىنان باستاپ شاكىرتاقى كولەمىن 25 پايىزعا ارتتىرۋدى قامتاماسىز ەتۋدى تاپسىردى.
ەلىمىزدىڭ الەۋمەتتىك-ەكونوميكالىق جاڭعىرۋى قازاقستان دامۋىنىڭ ەڭ باستى باعىتى سانالادى. ال ادامي كاپيتالعا قاتىستى ساپانىڭ ارتۋى, ونىڭ ءىشىندە ءبىلىم ساپاسى مەن عىلىمي ىزدەنىس ءناتيجەلەرىن جوعارىلاتۋ – پرەزيدەنت جولداۋىنىڭ باستى وزەگى. جولداۋدا جۇكتەلگەن مىندەتتەر, نەگىزىنەن, جاھاندىق داعدارىس سالدارىنان تۋىنداپ وتىرعان ءتۇرلى قاۋىپتەردەن قازاقستاننىڭ مۇددەسىن قورعاۋ جولىن اڭعارتادى. ءبىر ايتا كەتەرلىگى, ەلباسى انىقتاپ بەرگەن مەملەكەتتىك باعدارلامالار مەن اياسى كەڭ مەگاجوبالار ءوزىمىزدىڭ ىشكى جاعدايىمىزعا عانا ەمەس, بەلگىلى ءبىر دارەجەدە وزگە دە ارىپتەس ەلدەرمەن قارىم-قاتىناسىمىزدىڭ دامۋىنا سەرپىن بەرەرى ءسوزسىز.
جولداۋ بارىسىندا 2050 جىلعا دەيىن قازاقستان ءومىر ءسۇرۋ ءۇشىن قاۋىپسىز, قولايلى جانە قاۋىپسىز ەل بولۋى ءتيىس دەپ مالىمدەگەن ەلباسى: «ەندى ەشكىم وزگەرتە المايتىن ءبىر اقيقات بار! انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولدى. قازاق ءتىلىن داۋدىڭ تاقىرىبى ەمەس, ۇلتتىڭ ۇيىتقىسى ەتە بىلگەنىمىز ءجون. ماڭگىلىك ەل – اتا-بابالارىمىزدىڭ سان مىڭ جىلدان بەرگى اسىل ارمانى. «قازاقستان-2050» – ماڭگىلىك ەلگە باستايتىن ەڭ ابىرويلى, ەڭ مارتەبەلى جول», دەپ اتاپ ءوتتى. وسى ورايدا پرەزيدەنت «قازاقستان-2050» ستراتەگياسى جول سىلتەيتىن شامشىراق رەتىندە ەلىمىزدىڭ نەگىزگى ماقساتتارىن جوعالتپاي, ادامداردىڭ كۇندەلىكتى ءومىرىنىڭ پروبلەمالارىن شەشۋگە مۇمكىندىك بەرەتىنىن اتاپ ءوتتى. بۇل تۇرعىدا جىل سايىن ەل ازاماتتارىنىڭ ءال-اۋقاتىن ارتتىرۋعا ىقپال جاسايتىندىعىن جەتكىزدى.
جولداۋدا كوتەرىلگەن اۋقىمدى ماسەلەلەر قازاق ۇلتتىق اگرارلىق ۋنيۆەرسيتەت ۇجىمىنىڭ الدىندا جاڭا مىندەتتەردى ايقىندايدى. بۇگىندە مەملەكەتتىڭ بەرگەن جاڭا مۇمكىندىكتەرىن پايدالانا وتىرىپ, ۋنيۆەرسيتەتىمىز الەمدىك دەڭگەيدەگى زەرتتەۋ ۋنيۆەرسيتەتىنە ترانسفورماتسيالانۋعا جۇمىلۋدا. بۇل ورايدا عىلىمعا نەگىزدەلگەن يننوۆاتسيالىق ءىس-شارالاردى جۇزەگە اسىرۋ بىلىكتى عالىمدار مەن ىزدەنىمپاز ستۋدەنتتەرىمىزگە جۇكتەلىپ وتىرعانى بەلگىلى. قازىرگى كۇنى ءبىزدىڭ ۋنيۆەرسيتەتىمىز ەلىمىزدەگى اگرارلىق سالا ماماندارىن دايارلايتىن الدىڭعى قاتارلى جوعارى وقۋ ورنى سانالادى. سوندىقتان دا قازاق ۇلتتىق اگرارلىق ۋنيۆەرسيتەتىنىڭ ۇجىمى ەلباسىنىڭ اگروكەشەننىڭ الدىنا قويعان مىندەتتەرىن وتە جاقسى ءتۇسىنىپ وتىر.
قازاق ۇلتتىق اگرارلىق ۋنيۆەرسيتەتىنىڭ رەكتوراتى, پروفەسسور-وقىتۋشىلار, ستۋدەنتتەر, ماگيسترانتتار جانە قىزمەتكەرلەر ۇجىمى ەل پرەزيدەنتى ن.ءا.نازارباەۆتىڭ قازاقستان حالقىنا ارناعان بيىلعى جولداۋىندا ايتىلعان وزەكتى ماسەلەلەرگە كەڭىنەن قولداۋ ءبىلدىرىپ, ونداعى ناقتىلانعان مىندەتتەمەلەر مەن تاپسىرمالاردىڭ جۇزەگە اسىرىلۋ جولىندا ايانباي ەڭبەك ەتەتىندىكتەرىن جەتكىزەدى.
تىلەكتەس ەسپولوۆ,
قازاق ۇلتتىق اگرارلىق ۋنيۆەرسيتەتىنىڭ رەكتورى,
قر ۇعا ۆيتسە-پرەزيدەنتى, اكادەميك.
