قوعام • 13 تامىز, 2021

قازاقستانداعى ۇشۋ قاۋىپسىزدىگىن تەكسەرۋ ناتيجەلەرى جاريالاندى

303 رەت

كورسەتىلدى

2 مين

وقۋ ءۇشىن

يكاو حالىقارالىق ازاماتتىق اۆياتسيا ۇيىمى قازاقستاننىڭ ۇشۋ قاۋىپسىزدىگىن قامتاماسىز ەتۋ دەڭگەيىن 84 پايىزعا دەيىن كوتەردى, دەپ حابارلايدى Egemen.kz.

گاۋھار قاپاش

قازاقستانداعى ۇشۋ قاۋىپسىزدىگىن تەكسەرۋ ناتيجەلەرى جاريالاندى

بۇل تۋرالى يندۋستريا جانە ينفراقۇرىلىمدىق دامۋ مينيسترلىگى (يدم) ازاماتتىق اۆياتسيا كوميتەتى مالىمدەدى.

«ازاماتتىق اۆياتسيا سالاسىن باسقارۋدىڭ جاڭا مودەلىنە كوشۋ جونىندەگى ۇلت جوسپارىنىڭ 68-قادامىن ىسكە اسىرۋ شەڭبەرىندە قازاقستان يدم ازاماتتىق اۆياتسيا كوميتەتى قازاقستاننىڭ اۆياتسيالىق اكىمشىلىگىمەن بىرلەسىكەن جۇمىسى يكاو تاراپىنان جوعارى باعالاندى. وسىلايشا, 2021 جىلدىڭ 2-11 تامىز ارالىعىندا ۇشۋ قاۋىپسىزدىگى بويىنشا جۇرگىزىلگەن يكاو تەكسەرۋىنىڭ الدىن الا ناتيجەلەرى بويىنشا قازاقستان يكاو ستاندارتتارىنا سايكەستىكتىڭ ورتاشا الەمدىك دەڭگەيىنەن 15 پايىزعا اسىپ, 84 پايىزعا جەتتى», دەلىنگەن حابارلامادا.

يكاو ستاندارتتارىنا سايكەستىكتىڭ ءوسۋى تەكسەرۋدىڭ كەلەسى سالالارى بويىنشا كورسەتىلدى:

- نەگىزگى اۆياتسيالىق زاڭناما (LEG) 61 پايىزدان 81 پايىزعا دەيىن;
ازاماتتىق اۆياتسيا ۇيىمى (ORG) 37 پايىزدان 75 پايىزعا دەيىن;
اەروناۆيگاتسيالىق قىزمەت كورسەتۋ (ANS) 87 پايىزدان 95 پايىزعا دەيىن;
اۋەايلاقتار جانە جەردەگى قىزمەت كورسەتۋ (AGA) 56 پايىزدان 90 پايىزعا دەيىن;
اۆياتسيالىق وقيعالار مەن ينتسيدەنتتەردى تەكسەرۋ (AIG) 47 پايىزدان 53 پايىزعا دەيىن.

قازاقستان ەۋروپالىق ۇشۋ قاۋىپسىزدىگى اگەنتتىگىنە (EASA) مۇشە ەلدەردىڭ يكاو ستاندارتتارىنا سايكەستىكتىڭ ورتاشا دەڭگەيىنە قول جەتكىزدى (84 پايىز).

"قازىرگى ۋاقىتتا وسى كورسەتكىش بويىنشا ءبىز كوپتەگەن ەۋروپالىق ەلدەردەن جوعارى ورنالاستىق جانە نيدەرلاندى – 87 پايىز; بەلگيا – 87 پايىز; پورتۋگاليا – 87 پايىز; چەحيا – 87 پايىز; لاتۆيا – 86 پايىز; دانيا – 85 پايىز; يسلانديا – 84 پايىز; پولشا – 84 پايىز; سلوۆەنيا – 82 پايىز, كيپر - 82 پايىز سياقتى ەۋروپالىق ەلدەرمەن قاتار تۇرمىز.

ناتيجەلەر جاقىن ارادا يكاو سايتىندا رەسمي تۇردە جاريالانادى جانە بارلىق مەملەكەتكە قولجەتىمدى بولادى.

يكاو-نىڭ وسى تەكسەرۋى ازاماتتىق اۆياتسيا سالاسىن باسقارۋداعى جاڭا ءتاسىلدى جانە ۇشۋ قاۋىپسىزدىگىن قامتاماسىز ەتۋدى باقىلاۋدى ۇيىمداستىرۋ بويىنشا بۇرىن انىقتالعان ەسكەرتۋلەردى جويۋ بويىنشا قازاقستان قولجەتكىزگەن پروگرەستى باعالاۋعا باعىتتالعان. جالپى, يكاو سالانى رەتتەۋدە ايتارلىقتاي وزگەرىستەر بولعان جاعدايدا ەلدى تەكسەرۋدى باستايدى.