اقتوبە وبلىسىنىڭ باس سانيتار دارىگەرى جاڭا قاۋلى شىعاردى. قۇجاتتا «كوشباسشى» مارتەبەسى بار نىسانداردىڭ جۇمىس كەستەسىنە وزگەرتۋلەر مەن تولىقتىرۋلار ەنگىزىلگەن.
«ەندى «Ashyq» باعدارلاماسىن ەنگىزگەن قىزمەت كورسەتۋ ورىندارى ساعات 22:00-گە دەيىن جۇمىس ىستەي الادى.
ال «كوشباسشى» مارتەبەسىنە يە نىساندار ساعات 00:00-گە دەيىن قىزمەت كورسەتۋگە مۇمكىندىك الدى», دەپ حابارلادى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى.
ايتا كەتەيىك, اقتوبە وبلىسىندا «Ashyq» جوباسىنىڭ 3 مىڭنان استام قاتىسۋشىسى بار. ونىڭ 37-ءى «كوشباسشى» مارتەبەسىنە يە.
«بۇگىنگى كۇنى نولدىك كورسەتكىش بويىنشا جانە كەلۋشىلەردى 20 جانە ودان دا از تىركەگەن, ياعني, وتكىزگەن 25 قاتىسۋشىسى اۋتسايدەر رەتىندە ۋاقىتشا شىعارىلدى.
«Ashyq» جوباسىنىڭ قاتىسۋشىلارى, اۋتسايدەرلەرى مەن كوشباسشىلارى تۋرالى اقپارات اپتا سايىن اقتوبە وبلىسى اكىمدىگىنىڭ سايتىندا جاڭارتىلادى. ال كەڭەسشىلەر كاسىپكەرلەر پالاتاسىنىڭ ءاربىر فيليالىندا جوباعا قاتىسۋعا ءوتىنىم بەرۋگە كومەكتەسەدى», دەپ ءمالىم ەتتى «اتامەكەن» وڭىرلىك كاسىپكەرلەر پالاتاسىنىڭ ءباسپاسوز قىزمەتى.
