ايماقتار • 11 تامىز, 2021

اقتاۋدا قوعامدىق كولىكتەرگە Ashyq جۇيەسى ەنگىزىلەدى

210 رەت

كورسەتىلدى

1 مين

وقۋ ءۇشىن

Ashyq جۇيەسى اقتاۋ قالاسىنداعى قوعامدىق كولىكتەرگە ەنگىزىلەدى, دەپ حابارلايدى Egemen.kz.

گاۋھار قاپاش

اقتاۋدا قوعامدىق كولىكتەرگە Ashyq جۇيەسى ەنگىزىلەدى

بۇل تۋرالى inaktau.kz سايتى مالىمدەدى. Ashyq ارقىلى وتىرعىزۋى قاجەت ەكەنى تۋرالى ماڭعىستاۋ وبلىسىنىڭ اكىمدىگى حاباردار ەتكەن. اۆتوبۋس كىرەبەرىسىندە جولاۋشى ءوزىنىڭ «جاسىل» نەمەسە «كوك» مارتەبەسىن راستاۋى كەرەك.

«18 جاسقا دەيىنگى بالالارعا تەكسەرۋدەن ءوتۋدىڭ قاجەتى جوق. اۆتوبۋسقا «قىزىل» جانە «سارى» مارتەبەسى بار ادامدار كىرگىزىلمەيدى», دەلىنگەن Caspiy avtopark حابارلاماسىندا.

№107 مارشرۋت بويىنشا قىزمەت كورسەتەتىن كومپانيا وكىلدەرى ازىرشە جاڭا تالاپتاردى «قولدانىپ كورىپ» جاتقانىن ايتتى.

«بۇگىننەن باستاپ كولىك Ashyq جۇيەسىندە جۇمىس ىستەيدى. ءبىز الگوريتمدى ازىرلەگەندە, پروتسەستى قالاي ىڭعايلى ۇيىمداستىرۋعا بولاتىنىن قاراستىرامىز. زاماناۋي سمارتفوندارى نەمەسە ينتەرنە جوقتار جسن ارقىلى تەكسەرىلەدى. ءبىز ەشكىمدى كوشەدە قالدىرمايمىز, ءبارى اۆتوبۋسقا وتىرا الادى», دەدى كومپانيانىڭ وپەراتسيالىق جەتەكشىسى جانىبەك ميراليەۆ.

باسىلىم مالىمەتىنشە, №107 مارشرۋتتا 8 اۆتوبۋس بار. ولاردا كەپتەلىس ۋاقىتىندا جولاۋشى كوپ بولادى. سوندىقتان Ashyq ارقىلى ءوتۋ جۇيەسى ءىس جۇزىندە قالاي جۇمىس ىستەيتىنىن ايتۋ قيىن.