ەندى مىنە, تالاپتى ەر قاراعاندىدان تاعى دا جاياۋ جورىققا شىعىپ, ۇلىتاۋمەن ارالىقتاعى 777 كيلومەتر بولاتىن جولدى باعىندىردى.
ءوزىن پروديۋسەر ءارى بلوگەر رەتىندە سانايتىن اسحات قاجىتاي بۇل جوباسىن تاۋەلسىزدىگىمىزدىڭ 30 جىلدىعىنا ارنايتىنىن ايتادى.
– مەنىڭ «جاياۋ» مارافونىمنىڭ نەگىزگى ماقساتى – ادامدارعا اۋداندار مەن اۋىلداردىڭ ءومىرى مەن تاريحى تۋرالى ايتىپ بەرۋ. مەنى الدا ۇزاق جول كۇتىپ تۇر. مىنە, وسى ساپار الدىندا مەن قاسيەتتى ۇلىتاۋعا بارىپ, باتا الۋعا شەشىم قابىداعان ەدىم, – دەيدى ول.
كۇننىڭ اپتاپ ىستىعىنا قاراماستان ۇزاق جولدى قاجىماي-تالماي ءجۇرىپ وتكەن اسحات قاجىتايعا اۋدان ورتالىعىنداعى « ۇلىتاۋ – ۇلت ۇياسى» مونۋمەنتىنىڭ جانىندا لايىقتى قوشەمەت كورسەتىلدى. اق جاۋلىقتى اجەلەر شاشۋ شاشىپ, ارۋلار قايسار جىگىتكە قىمىز ۇسىندى. ۇلىتاۋ اۋدانىنىڭ اكىمى ارنايى قابىلداپ, سىي-سياپات جاسادى.
جاياۋ اسحاتتىڭ الدىنا قويعان ماقساتى زور. ول ءوزىنىڭ بەس مارشرۋتتان تۇراتىن جوباسىنىڭ نۇكتەسىن كۇز ايىندا تۇركىستاندا قويماقشى. ودان كەيىن جاياۋ مارافون كەزىندە كورگەن-بىلگەنىن, العان اسەرىن ارقاۋ ەتىپ, كىتاپ جازىپ جانە ۆيدەو ەسەپ جاساماقشى.
ال بولاشاقتا ول جاياۋلاتىپ ەۋروپاعا ساپار شەگۋدى ويلاستىرىپ ءجۇر.
قاراعاندى وبلىسى
