ەلوردا • 06 تامىز، 2021

قانداس جاستارعا ارنالعان «وتانداستار الاڭى» اشىلدى

113 رەت كورسەتىلدى

6 تامىزدا نۇر-سۇلتان قالاسى «وتانداستار قورى» كەاق كەڭسەسىندە قانداس جاستاردىڭ الەۋمەتتىك جانە شىعارماشىلىق باعىتتاعى جوبالارىن جۇزەگە اسىراتىن الاڭنىڭ اشىلۋى ءوتتى. «وتانداستار الاڭى» دەپ اتالاتىن جوبانى «جاس قازاق» حالىقارالىق جاستار ۇيىمى جۇزەگە اسىردى.

اتالمىش ۇيىم 5 شىلدەدە نۇر-سۇلتان قالاسى جاستار ساياساتى ماسەلەلەرى باسقارماسىنىڭ ۇيىمداستىرۋىمەن وتكەن «ۆولونتەرلىق باستامالاردى قولداۋعا باعىتتالعان شاعىن گرانتتار» بايقاۋىنىڭ جەڭىمپازى اتانىپ، 300 مىڭ تەڭگە كولەمىندە گرانتقا يە بولدى.

«جاس قازاق» ۇيىمى 2020 جىلدان باستاپ قارقىندى تۇردە جۇمىس ىستەپ كەلەدى. باستى ماقساتىمىز – الەمدەگى قازاق جاستارىنىڭ ورتاق پلاتفورماسىن قالىپتاستىرۋ. بۇگىندە قازاقستان، وزبەكستان، موڭعوليا، رەسەي، قىتاي، قىرعىزستان، تۇركىمەنستان جانە بىرقاتار ەۋروپا ەلدەرىندە تۇراتىن قازاق جاستارى ۇيىمنىڭ مۇشەسى. جاس قازاقتىڭ تاعى ءبىر ماقساتى – قازاقستاندىق جوعارى وقۋ ورىندارىنا ءبىلىم الۋعا كەلەتىن قانداس جاستاردىڭ جەرگىلىكتى قوعامعا بەيىمدەلىپ، ولاردىڭ الەۋمەتتىك جانە شىعارماشىلىق قابىلەتتەرىن ودان ءارى دامىتۋعا مۇمكىندىك بەرۋ. وتانداستار الاڭى قانداس جاستاردىڭ تۇلعالىق داميتىن جانە دوستار تاباتىن ورتاعا اينالاتىنىنا سەنىمىمىز مول. وسىنداي مۇمكىندىكتى سىيلاعان نۇر-سۇلتان قالاسىنىڭ جاستار ساياساتى ماسەلەلەرى باسقارماسىنا جانە وتانداستار قورىنا العىسىمىزدى بىلدىرەمىز»، دەيدى ۇيىم توراعاسى الجان شاريپوۆ.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار