ءبىزدىڭ تەننيسشى زارينا دياس مەلبۋرن قالاسىندا ءوتىپ جاتقان اۆستراليانىڭ اشىق چەمپيوناتىندا قاتارىنان ءتورتىنشى جەڭىسىنە جەتتى. بۇل تۋرالى egemen. kz ءتىلشىسى حابارلادى.
ول چەحيالىق كاتەرجينا سينياكوۆادان ەكى سەتتە 6:2 جانە 6:4 ەسەبىمەن باسىم ءتۇستى. بۇعان دەيىن ىرىكتەۋ كەزەڭىندە 20 جاسار قازاق قىزى سەربيالىق الەكساندرا كرۋنيچ, رۋمىنيالىق كريستينا اندرەا ميتۋ مەن كانادالىق ستەفاني ديۋبۋامەن كەزدەسىپ, ولاردىڭ ءبارىن دە ەكى سەتتە جەڭگەن بولاتىن. ەندى ول رۋمىنيالىق سورانا كيرستيا مەن جاڭازەلانديالىق ماريان ەراكوۆيچتىڭ اراسىندا وتەتىن ماتچتىڭ جەڭىمپازىمەن كەزدەسەدى.
اۆستراليانىڭ اشىق چەمپيوناتى – بۇل «ۇلكەن دۋلىعا» ءتۋرنيرىنىڭ ءبىرى سانالاتىن ۇلكەن جارىس بولىپ سانالادى. وسى تۋرنيردە زارينامەن بىرگە ءبىزدىڭ تاعى ءبىر تەننيسشىمىز گالينا ۆوسكوبوەۆا ەكىنشى اينالىمعا جولداما الدى. ول رۋمىن قىزى يرينا كامەليا بەگۋدى 7:5, 4:6 جانە 7:5 ەسەبىمەن ۇتىپ, كەلەسى اينالىمعا شىقتى. ەندى ول يسپان تەننيسشىسى كارلوس ساۋرەس ناۆاررومەن كەزدەسەدى.
وكىنىشكە وراي, قازاقستاندىق تاعى ءبىر تەننيسشى يۋليا پۋتينتسەۆا پولياك اگنەشكۋ رادۆانسكۋدان ۇتىلىپ, جارىستان شىعىپ قالدى.
داستان كەنجالين.
دەرەككوز: قازاقستان رەسپۋبليكاسى تەننيس فەدەراتسياسى.
