«15 قاڭتاردا ساعات 21.50-دە «قازاقستان» ۇلتتىق تەلەارناسىنان «سىرعالىم» اتتى جاڭا وتاندىق تەلەحيكايا كورسەتىلەدى», دەپ حابارلادى «قازاقستان» اق» رەسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى.
«15 قاڭتاردا ساعات 21.50-دە «قازاقستان» ۇلتتىق تەلەارناسىنان «سىرعالىم» اتتى جاڭا وتاندىق تەلەحيكايا كورسەتىلەدى», دەپ حابارلادى «قازاقستان» اق» رەسپۋبليكالىق تەلەراديو كەشەنىنىڭ ءباسپاسوز حاتشىسى تاناكوز تولقىنقىزى.
وقيعالار جەلىسى قاراپايىم قازاق وتباسىنىڭ كۇندەلىكتى تىنىس-تىرشىلىگىن بايانداۋدان باستالادى. ءبىر كۇنى قالادا عۇمىر كەشەتىن جانتورەنىڭ شاڭىراعىنا اۋىلدان وتاعاسىنىڭ جاقىن دوسىنىڭ قىزى كەلەدى. قالالىق وتباسىندا تاربيەلەنىپ جاتقان ءۇش ۇل العاشىندا قىزدى جاقتىرماي قاراعانىمەن, كەيىن وقيعا جەلىسى باسقا ارناعا بۇرىلادى. ۇلكەن ۇل اۋىل قىزىنا قامقورلىق تانىتسا, ورتانشىسى وعان عاشىق بولادى. ال, كەنجە ۇل قىزدى وتباسىنان الىستاتۋدى ويلاستىرادى.
قايماعى بۇزىلماعان اۋىل تاربيەسىن كورىپ, ۇلتتىق سالت-داستۇرمەن سۋسىنداپ وسكەن قىز بالا قازاقى بولمىستى ۇمىتۋعا شاق قالعان قالا تۇرعىندارىنىڭ ومىرىنە ۇلكەن وزگەرىس اكەلەدى. جاڭا تەلەحيكايا ادەمى قالجىڭدار مەن كورەرمەنگە وي سالاتىن ءومىرلىك وقيعالارمەن كومكەرىلگەن. ۇزاقتىعى 42 مينۋتتىق 48 ءبولىمنەن تۇراتىن مەلودراما قازاق سالت-ءداستۇرىنىڭ ارتىقشىلىعىن ءدارىپتەپ, توزىمدىلىك, قايىرىمدىلىق, قوناقجايلىلىق سىندى قاسيەتتەردى ناسيحاتتايدى.
«سىرعالىم» تەلەحيكاياسىنىڭ قويۋشى رەجيسسەرلەرى ءراشيد ءسۇلەيمەنوۆ, دميتري كوروبكين. باستى رولدەردى جۇلدىز ماحانوۆا, شەر ءالى, ومار قيقىموۆ, قالامپىر ايسانعاليەۆا, ءاليحان ىدىرىشەۆ, جانداربەك سادىرباەۆ سومدايدى.
«ەگەمەن-اقپارات».
