كەشە ەگيپەتتە ەلدىڭ جاڭا كونستيتۋتسيا جوباسى بويىنشا بۇكىلحالىقتىق رەفەرەندۋم باستالدى. قۇجات ەلدى باسقارۋداعى اسكەريلەردىڭ ءرولىن نىعايتادى. سونداي-اق, قۇجات جوباسىندا ءدىني پرينتسيپتەرى بويىنشا ساياسي پارتيالار مەن بىرلەستىكتەر قۇرۋعا تىيىم سالۋدى ەنگىزۋ ماسەلەسى دە بار.
يسلامشىلار قازىردىڭ وزىندە ازاماتتاردى رەفەرەندۋمعا بايكوت جاريالاۋعا شاقىرىپ وتىر. رەفەرەندۋمعا ەلدىڭ 52 ميلليوننان استام ادامى قاتىسادى دەپ كۇتىلۋدە. داۋىس بەرۋ سەيسەنبى مەن سارسەنبى كۇندەرى وتەدى. قۇجات 247-باپتان تۇرادى, ولاردى ەكى اي بويى ارنايى كوميسسيا ازىرلەگەن. ەگيپەتتىڭ وسىنىڭ الدىنداعى كونستيتۋتسياسى 2012 جىلعى جەلتوقساندا رەفەرەندۋم ارقىلى قابىلدانعان بولاتىن. م.مۋرسي بيلىكتەن قۋىلعان سوڭ, ول قۇجات تا كۇشىن جويعان ەدى.
كەشە ەگيپەتتە ەلدىڭ جاڭا كونستيتۋتسيا جوباسى بويىنشا بۇكىلحالىقتىق رەفەرەندۋم باستالدى. قۇجات ەلدى باسقارۋداعى اسكەريلەردىڭ ءرولىن نىعايتادى. سونداي-اق, قۇجات جوباسىندا ءدىني پرينتسيپتەرى بويىنشا ساياسي پارتيالار مەن بىرلەستىكتەر قۇرۋعا تىيىم سالۋدى ەنگىزۋ ماسەلەسى دە بار.
يسلامشىلار قازىردىڭ وزىندە ازاماتتاردى رەفەرەندۋمعا بايكوت جاريالاۋعا شاقىرىپ وتىر. رەفەرەندۋمعا ەلدىڭ 52 ميلليوننان استام ادامى قاتىسادى دەپ كۇتىلۋدە. داۋىس بەرۋ سەيسەنبى مەن سارسەنبى كۇندەرى وتەدى. قۇجات 247-باپتان تۇرادى, ولاردى ەكى اي بويى ارنايى كوميسسيا ازىرلەگەن. ەگيپەتتىڭ وسىنىڭ الدىنداعى كونستيتۋتسياسى 2012 جىلعى جەلتوقساندا رەفەرەندۋم ارقىلى قابىلدانعان بولاتىن. م.مۋرسي بيلىكتەن قۋىلعان سوڭ, ول قۇجات تا كۇشىن جويعان ەدى.
ەۆتانازياعا نيۋ-مەكسيكو سوتى دا رۇقسات بەردى
نيۋ-مەكسيكو شتاتىنىڭ سوتى ەۆتانازيا جاساۋعا رۇقسات بەرۋ جونىندە شەشىم شىعاردى. مۇنداي شەشىمدى 13 قاڭتاردا سۋديا نەن نەش قابىلداعان.
سوتتىڭ قاۋلىسىنا سايكەس, جازىلماس اۋرۋعا دۋشار بولعان ادام ەۆتانازيا جاساتۋعا ءوز ەركىمەن بارۋى ءتيىس. ءوز كەزەگىندە دارىگەرلەر سونداي ەمدەلۋشىگە ولىمگە سوقتىراتىن مەديتسينالىق ۋلى ءدارىنى بەرۋگە قۇقىلى. قازىرگى كەزدە نيۋ-مەكسيكو پروكۋراتۋراسى سوتتىڭ شەشىمىنە تالداۋ جاساپ جاتقان كورىنەدى. بۇل شتات ەۆتانازيا جاساتۋعا رۇقسات بەرگەن اقش-تاعى بەسىنشى شتات بولىپ وتىر.
بوسقىندار قاتارى كۇن ساناپ ارتىپ كەلەدى
وڭتۇستىك سۋداندا قارۋلى قاقتىعىس باستالعاننان بەرى ەلدى تاستاپ شىققاندار سانى كەيبىر دەرەكتەر بويىنشا 60-66 مىڭ ادامنان اسقان. يتار-تاسس اگەنتتىگىنىڭ حابارلاۋىنشا, بوسقىنداردىڭ كوپشىلىگى كورشىلەس ۋگاندا اۋماعىندا ورنالاسقان.
وڭتۇستىك سۋداندا جانجال وتكەن جىلدىڭ جەلتوقسانىندا باستالعان ەدى. قاقتىعىستار سالدارىنان ءبىر مىڭنان استام ادام وپات بولعان دەگەن دەرەكتەر بار. ال جەرگىلىكتى قىزىل كرەست ماماندارى ۋگاندا ەلى وڭتۇستىك سۋداننىڭ 47 مىڭداي بوسقىنىن قابىلداعانىن ايتادى. سونداي-اق, ەفيوپيا مەن كەنيادان پانا تاپقان بوسقىندار دا جەتەرلىك. ەلدەگى ءىرى سانالاتىن ەكى تايپا كوسەمدەرى اراسىنداعى باقتالاستىق وسىعان اكەلىپ وتىر.
قىسقا قايىرىپ ايتقاندا:
* تايلاند وپپوزيتسياسى ەل ۇكىمەتىنىڭ ءۇش كۇن ىشىندە وتستاۆكاعا كەتۋىن تالاپ ەتتى. بۇلاي ەتپەگەن جاعدايدا ولاردى تۇتقىنعا الامىز دەپ «قورقىتتى».
* قحر توراعاسى سي تسزينپين اسكەريلەرگە قىزمەتتىك قاجەتتىلىك ءۇشىن شەتەلدەردە شىعارىلعان اۆتوموبيلدەردى ساتىپ الۋعا تىيىم سالاتىن جارلىققا قول قويدى. وسىعان سايكەس اسكەريلەر تەك وتاندىق اۆتوكولىكتەردى پايدالاناتىن بولادى.
* وڭتۇستىك سۋداندا پارومنىڭ اۋدارىلۋى سالدارىنان 300-گە جۋىق بوسقىن سۋعا كەتكەن. كوپشىلىگى ايەلدەر مەن بالالار بولسا كەرەك. وقيعا اق ءنىل وزەنىندە ورىن العان.
* ماسكەۋدە اقشا بوپسالادى دەگەن كۇدىكپەن ماسكەۋ قالالىق پوليتسياسىنىڭ تەرگەۋشىسى ۇستالدى. ءتىنتۋ كەزىندە ودان 500 مىڭ دوللار تابىلدى.
ريم پاپاسى موتوتسيكلىن اۋكتسيونعا شىعارماق
ريم پاپاسى فرانتسيسك ءوزىنىڭ «Harley-Davidson» موتوتسيكلىن اۋكتسيونعا قويماق. «رەيتەر» اگەنتتىگىنىڭ حابارلاۋىنشا, ونىڭ باستاپقى قۇنى قانشا ەكەنى قازىرگە بەلگىسىز.
بىلەتىندەردىڭ ايتۋىنشا, «حارلەي» موتوتسيكلىنىڭ نارىقتاعى باعاسى 12-15 مىڭ ەۆرو ارالىعىندا. ريم پاپاسى اۋكتسيونعا موتوتسيكلىمەن بىرگە ءوزىنىڭ بايكەرلىك بىلعارى كۇرتەشەسىن دە شىعاراتىن سياقتى. ساتىلىمنان تۇسكەن قارجى قايىرىمدىلىق ءۇشىن جۇمسالادى. اۋكتسيون پاريجدەگى «گراند پالاس» سارايىندا وتەدى. ريم پاپاسىنا موتوتسيكل مەن كۇرتەشەنى وتكەن جىلدىڭ ماۋسىمىندا «Harley-Davidson» كومپانياسى سىيلاعان ەكەن.
بەدەلدى گۋبەرناتوردىڭ باسى داۋعا قالدى
اقش-تا 2016 جىلى وتەتىن پرەزيدەنتتىك سايلاۋدا رەسپۋبليكاشىلاردان كانديداتتىققا لايىقتى دەپ ەسەپتەلىپ جۇرگەن نيۋ-دجەرسي شتاتىنىڭ گۋبەرناتورى كريس كريستيدىڭ باسى داۋعا قالدى.
گۋبەرناتورعا «سەندي» داۋىلىنىڭ زارداپتارىن جويۋعا بولىنگەن قارجىنى باسقا ماقساتقا جۇمسادى دەگەن كۇدىك كەلتىرىلىپ وتىر. قۇقىق قورعاۋ ورگاندارى وعان قاتىستى تەرگەۋ-تەكسەرۋ امالدارىن باستاپ تا كەتكەن. بۇدان بولەك وسى جىلدىڭ قاڭتارىندا ول باسقاراتىن اكىمشىلىك مۇشەلەرى گۋبەرناتور سايلاۋىندا كريستيگە قولداۋ كورسەتپەگەن فورتلي قالاسىنىڭ مەرى مارك سوكوليچتەن «كەك قايتارماق» بولدى دەپ ايىپتاعان كورىنەدى.
11557 اسكەري قىزمەتشى قازا تاپقان
ازەربايجاننىڭ اسكەرگە شاقىرۋ جونىندەگى مەملەكەتتىك قىزمەتى قاراباق سوعىسى كەزىندە قازا تاپقان اسكەري قىزمەتشىلەردىڭ اتى-جوندەرىن جاريا ەتتى. تىزىمگە جالپى سانى 11557 ادام كىرگىزىلگەن.
ەلدىڭ اتالعان مەملەكەتتىك قىزمەتى قاراباق سوعىسىندا قازا تاپقاندارعا ەسەپ جۇرگىزۋمەن اينالىسىپ كەلە جاتقاندارى وتكەن جىلدىڭ كوكتەمىندە عانا بەلگىلى بولعان. ۆەدومستۆونىڭ مالىمەتتەرىنە قاراعاندا, بۇل تىزىمگە سول جىلدارى مايدان شەبىنەن تىس جەرلەردە, سونداي-اق, اۆتوكولىك اپاتتارىنان, باسقا دا كەزدەيسوق جاعدايلاردا قازا تاپقان ازاماتتىق تۇلعالار كىرگىزىلمەگەن. «بۇل دەرەكتەر قاراباق سوعىسى كەزىندە ازەربايجاندىق تاراپتان قازا تاپقانداردىڭ سانى ءبىرشاما از ەكەندىگىن كورسەتەدى» دەپ اتاپ وتەدى ۆەدومستۆو.
ينتەرنەت ماتەريالدارى نەگىزىندە ازىرلەندى.
